ကုလလက်အောက်တွင် အိန္ဒိယ-မြန်မာ ပူးတွဲစစ်ရေးလေ့ကျင့်မည်

နိုဝင်ဘာ ၁၈၊ ၂၀၁၇
M-Media

– ၂၀၁၇ ခုနှစ်အတွင်း မြန်မာနဲ့ အိန္ဒိယစစ်တပ်တို့ရဲ့ ပထမဆုံး စစ်ရေးလေ့ကျင့်မှု IMBAX – 2017 ကို နိုဝင်ဘာ ၂၀ ရက်နေ့ကနေ ၂၅ ရက်နေ့အထိ ကျင်းပပြုလုပ်သွားမယ်လို့ သိရပါတယ်။

အိန္ဒိယနိုင်ငံအရှေ့မြောက်ပိုင်း မဂ်ဟာလာယာပြည်နယ်မှာ ပြုလုပ်မှာဖြစ်ပြီး ကုလငြိမ်းချမ်းရေးတပ်ဖွဲ့စစ်ဆင်ရေးအဖွဲ့ (UNPKO) အောက်မှာ အိန္ဒိယနဲ့ မြန်မာကြား ပထမဆုံးပြုလုပ်တဲ့ စစ်ရေးလေ့ကျင့်မှုလည်း ဖြစ်ပါတယ်။

မြန်မာစစ်တပ်က ၁၅ ဦး အိန္ဒိယစစ်တပ်က ၁၆ ဦး ပါဝင်မှာဖြစ်ပြီး မြန်မာတပ်ဖွဲ့ဝင်တွေ ကုလအဖွဲ့အစည်းအောက်မှာ ပါဝင်ဆောင်ရွက်နိုင်ရး လေ့ကျင့်ပေးဖို့ ရည်ရွယ်တာ ဖြစ်ပါတယ်။

အိန္ဒိယစစ်တပ်ရဲ့ တာဝန်ရှိသူ ဆူနီတ် နယူတန်က မိမိတို့စစ်တပ်ဟာ UNPKO လုပ်ငန်းစဉ်မှာ ပါဝင်တဲ့ အတွေ့အကြုံရင့်ကျက်နေပြီး လက်ရှိလေ့ကျင်မှုဟာ ကုလလက်အောက်မှာ တာဝန်ထမ်းဆောင်တဲ့အခါ လိုအပ်မယ့် စည်းကမ်းနည်းလမ်း၊ လုပ်ငန်းစဉ်တွေ၊ ကျွမ်းကျင်မှုနဲ့ လုပ်ထုံးလုပ်နည်းတွေကို မြန်မာတပ်ဖွဲ့ဝင်တွေ ရင်းနှီးကျွမ်းဝင်လာအောင် အဓိကထားသွားမှာဖြစ်တယ်လို့ ပြောကြားခဲ့ပါတယ်။

Ref: Economic Times