ပေါ့ပေါ့ပါးပါးကိုယ်လက်လှုပ်ရှားခြင်းက အသက်ကြီးသူများတွင် နာတာရှည်ရောဂါကို ကာကွယ်ပေးနိုင်

နိုဝင်ဘာ ၁၉၊ ၂၀၁၇
M-Media

– အသက်အရွယ်အိုမင်းလာတဲ့ အမျိုးသမီးတွေအနေနဲ့ အိမ်မှုကိစ္စလို ပေါ့ပေါ့ပါးပါး အလုပ်တွေကို လုပ်ပေးခြင်းအားဖြင့် နာတာရှည်ရောဂါတွေ ဖြစ်ပွားမှုအန္တရာယ်ကို လျှော့ချပေးနိုင်ပြီး အသက်ရှည်ရှည်နေထိုင်မယ့် အလားအလာကို ပိုမိုမြင့်တက်စေတယ်လို့ လေ့လာမှုတစ်ခုမှာ တွေ့ရှိခဲ့ရပါတယ်။

အမေရိကန်ပြည်ထောင်စု ကယ်လီဖိုးနီးယားတက္ကသိုလ်ရဲ့ ဆန်ဒီယေဂိုဆေးကျောင်းက ပါမောက္ခ အန်ဒရီယာ လာခရိုအစ် ဦးဆောင်တဲ့အဖွဲ့ဟာ ဒီသုတေသနကို ပြုလုပ်ခဲ့တာဖြစ်ပြီး ရလဒ်ကို အခုတစ်ပတ်အတွင်း American Geriatrics Society ဂျာနယ်မှာ ဖော်ပြခဲ့ပါတယ်။

သူတို့အဖွဲ့ဟာ အသက် ၆၃ နှစ်ကနေ ၉၉ နှစ်အတွင်းရှိတဲ့ အမျိုးသမီး ၆၃၀၀ ကို ၄ နှစ်ခွဲကြာ စောင့်ကြည့်လေ့လာခဲ့တာ ဖြစ်ပါတယ်။

“ပေါ့ပေါ့ပါးပါး ခန္ဓာကိုယ်လှုပ်ရှားမှုနဲ့ပတ်သက်ပြီး ပထမဆုံး ကိရိယာအသုံးပြု လေ့လာခဲ့တဲ့ ကျွန်မတို့ရဲ့ သုတေသနအရ အသက်ကြီးကြီးအမျိုးသမီးတွေမှာ ကျန်းမာရေး အကျိုးကျေးဇူးတွေ ရှိတယ်ဆိုတာ တွေ့ခဲ့ရတာဖြစ်ပါတယ်” လို့ ပါမောက္ခ လာခရိုအစ်က ပြောကြားခဲ့ပါတယ်။

အမျိုးသမီးတွေအနေနဲ့ တစ်နေ့ကို မိနစ် ၃၀ လောက် ပေါ့ပေါ့ပါးပါး ကိုယ်လက်လှုပ်ရှားပေးခြင်းအားဖြင့် အချိန်မတိုင်ခင် သေဆုံးနိုင်ချိန်ကို ၁၂ ရာခိုင်နှုန်း လျော့ကျစေကာ၊ အလယ်အလတ်လေ့ကျင့်ခန်းတွေကတော့ ၃၉ ရာခိုင်နှုန်းလောက် လျော့ကျစေတာကို တွေ့ခဲ့ရပါတယ်။

ဒီသက်ရောက်မှုဟာ လူမျိုး၊ အသားအရောင်၊ အသက်အရွယ်နဲ့ ခန္ဓာကိုယ်အလေးအချိန်မရွေး အတူတူပဲဖြစ်တယ်လို့လည်း လေ့လာသူတွေက ဆိုပါတယ်။

အမေရိကန် ရောဂါဘယ ထိန်းချုပ်ရေးနဲ့ ကာကွယ်တားဆီးရေးစင်တာ (CDC) က အသက်အရွယ်ကြီးရင့်သူတွေအနေနဲ့ ခပ်သွက်သွက်လမ်းလျှောက်တာလို ကိုယ်လက်လှုပ်ရှားမှုမျိုးကို တစ်ပတ်ကို ၂ နာရီခွဲလာက်၊ ဒီထက်ပိုပြင်းထန်တဲ့ လေ့ကျင်ခန်းမျိုးကို ၇၅ မိနစ်လောက် လုပ်ဖို့လိုတယ်လို့ အကြံပြုထားတာပါ။

အခုတွေ့ရှိချက်အရ ပြင်းပြင်းထန်ထန်မဟုတ်ဘဲ ပေါ့ပေါ့ပါးပါးနဲ့ ပုံမှန် ကိုယ်လက်လှုပ်ရှားမှုမျိုးဟာ နာတာရှည်ရောဂါအန္တရာယ်ကို လျှော့ချရာမှာ CDC ရဲ့ အကြံပြုချက်လောက်ကို ထိရောက်တယ်လို့ ပြသနေပါတယ်။

ပရော်ဖက်ဆာ လာခရိုအစ်က အသက်အရွယ်ကြီးသူတွေဟာ ကိုယ်လက်လှုပ်ရှားမှုလုပ်တဲ့အခါမှာ ငယ်ရွယ်သူတွေထက်ပိုပြီး အင်အားသုံးရကြောင်း၊ ဆိုဖာရွှေ့တာမျိုး၊ ခုံရွှေ့တာမျိုးလို ကိစ္စလေးတွေက သူတို့ရဲ့ ကျန်းမာရေးအတွက် အထောက်အကူဖြစ်စေကြောင်း ထည့်သွင်းပြောကြားခဲ့ပါတယ်။

Ref: Medical News Today