ရိုဟင်ဂျာပြဿနာဖြေရှင်းရေး အချက် ၃ ချက်ကို တရုတ်ချပြ

နိုဝင်ဘာ ၂၀၊ ၂၀၁၇
M-Media

နိုင်ငံတော်အတိုင်ပင်ခံနှင့် တွေ့ဆုံနေသည့် တရုတ်နိုင်ငံခြားရေးဝန်ကြီး ၀မ်ယီ

– မြန်မာနိုင်ငံကို ရောက်ရှိနေတဲ့ တရုတ်နိုင်ငံခြားရေးဝန်ကြီး ၀မ်ယီဟာ ရခိုင်ပြည်နယ်က ရိုဟင်ဂျာပြဿနာဖြေရှင်းရေး အချက် ၃ ချက်ကို အဆိုပြုလိုက်ပါတယ်။

ဘင်္ဂလားဒေ့ရ်ှကနေ မြန်မာနိုင်ငံကို မနေ့က ရောက်ရှိလာတဲ့ ၀မ်ဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံခဲ့ပြီး ပူးတွဲသတင်းစာရှင်းလင်းပွဲတစ်ခုလည်း လုပ်ခဲ့ပါတယ်။

အဲဒီ သတင်းစာရှင်းလင်းပွဲမှာ ရိုဟင်ဂျာပြဿနာကို မြန်မာနဲ့ ဘင်္ဂလားဒေ့ရ်ှတို့ ပူးတွဲဖြေရှင်းဖို့ တိုက်တွန်းခဲ့ပြီး မြေပြင်မှာ အပစ်ရပ်ရေး၊ ဒုက္ခသည်တွေကို နေရပ်ပြန်ပို့ရေးနဲ့ ရေရှည်အဖြေတစ်ခုအတွက် ဆွေးနွေးရေး စတဲ့ အချက် ၃ ချက်ကို ချပြခဲ့တာဖြစ်ပါတယ်။

“အားလုံးရဲ့ ကြိုးပမ်းအားထုတ်မှုနဲ့အတူ လက်ရှိမှာ ပထမအဆင့်ဟာ အခြေခံအားဖြင့် အောင်မြင်သွားပါပြီ။ နောက်ထပ်အရေးကြီးတာက တိုက်ခိုက်မှုတွေကို တာဆီးဖို့၊ အထူးသဖြင့် စစ်မီးတွေ ထပ်ပြီး မတောက်လောင်စေဖို့ပါ” လို့ ၀မ်က ပြောကြားခဲ့ကြောင်း တရုတ်နိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ပြည်နယ်အတွင်း ဆင်းရဲမွဲတေမှုဟာ ပြဿနာရဲ့ ရင်းမြစ်တစ်ခုဖြစ်တယ်လို့လည်း တရုတ်နိုင်ငံခြားရေးဝန်ကြီးက ပြောကြားခဲ့ပါတယ်။

ဝမ်ဟာ တနင်္လာနေ့နဲ့ အင်္ဂါနေ့တွေမှာ နေပြည်တော်မှာပြုလုပ်မယ့် အာရှ၊ ဥရောပ နိုင်ငံခြားရေးဝန်ကြီးများ အစည်းအဝေးကို တက်ရောက်မှာဖြစ်ပြီး ဒီအစည်းအဝေးမှာ ရိုဟင်ဂျာကိစ္စအကြောင်းလည်း ဆွေးနွေးဖို့ ရှိနေပါတယ်။

ဘင်္ဂလားဒေ့ရ်ှဝန်ကြီးချုပ်နဲ့တွေ့ဆုံစဉ်မှာ ၀မ်က ရခိုင်ပြည်နယ်ပြဿနာကို ဖြေရှင်းရာမှာ တရုတ်နိုင်ငံက အပြုသဘောဆောင်တဲ့ အခန်းကဏ္ဍကနေ ပါဝင်ချင်ကြောင်း၊ ဒီကိစ္စကို မြန်မာနဲ့ ဘင်္ဂလားဒေ့ရ်ှနိုင်ငံတို့ကသာ ပူးပေါင်းဖြေရှင်းရမှာဖြစ်ပြီး နိုင်ငံတကာက ၀င်စွက်တာမျိုး မရှိသင့်ကြောင်း ထည့်သွင်းပြောကြားခဲ့ပါတယ်။

ရခိုင်ပြည်နယ်ဟာ တရုတ်နိုင်ငံရဲ့ အဓိကအကျိုးစီးပွားတွေရှိရာ နေရာဖြစ်ပြီး ရိုဟင်ဂျာပြဿနာမှာ နိုင်ငံတကာက ပါဝင်လာခြင်းဟာ ဒါတွေကို ထိခိုက်နိုင်တယ်ဆိုတဲ့ အမြင်မျိုး တရုတ်မှာ ရှိနေတယ်လို့ ကျွမ်းကျင်သူတွေက သုံးသပ်ကြပါတယ်။

Ref: Reuters