မြောက်ကိုရီးယားကိစ္စ ညှိညှိနှိုင်းနှိုင်းလုပ်ရန် ကန်ကို တရုတ်တိုက်တွန်း

နိုဝင်ဘဘာ ၂၂၊ ၂၀၁၇
M-Media

– မြောက်ကိုရီးယား နျူအရေးကို ဆွေးနွေးညှိနှိုင်းမှုများမှတစ်ဆင့် ဖြေရှင်းရေး ပိုမို ကြိုးစားအားထုတ်သင့်သည်ဟု တရုတ်က ယမန်နေ့တွင် ပြောကြားလိုက်ပြီး အမေရိကန်သမ္မတ ဒေါ်နယ်ထရမ့်က မြောက်ကိုရီးယားမှာ အကြမ်းဖက်ဝါဒကို အားပေးသည့် နိုင်ငံဟု တံဆိပ်ကပ်မှုကို တုန့်ပြန်လိုက်ခြင်းဖြစ်သည်။

အမေရိကန်အနေဖြင့် ယခုကဲ့သို့ အကြမ်းဖက်အဖြစ် ပုံဖော်ခြင်းမှာ တင်းမာမှုများကို ပိုမိုမြင့်တက်လာစေနိုင်သည်ဟု ကျွမ်းကျင်သူများက သတိပေးထားသည်။ တရုတ်မှာ အဆိုပါပဋိပက္ခများအဆုံးသတ်ရေးအတွက် ဆွေးနွေးညှိနှိုင်းအဖြေရှာဖို့ ကြိမ်ဖန်များစွာ တိုက်တွန်းခဲ့သည်။

“သက်ဆိုင်ရာအဖွဲ့အစည်းတွေအနေနဲ့ ကိုရီးယားကျွန်းဆွယ်အရေးနဲ့ ပက်သက်လို့ တင်းမာမှုတွေ လျှော့ချပြီး ညှိနှိုင်းဆွေးနွေးခြင်းအားဖြင့် မှန်ကန်တဲ့ လမ်းကြောင်းပေါ်ရောက်ဖို့ ကျွန်တော်တို့ မျှော်လင့်ပါတယ်” ဟု တရုတ်နိုင်ငံခြားရေးရာ ၀န်ကြီး Lu Kang က ပြောသည်။

တရုတ်က အမေရိကန်အနေဖြင့် တောင်ကိုရီးယားတွင် ပြုလုပ်နေသော စစ်ရေးလေ့ကျင့်မှုများ ရပ်တန့်ပေးပြီး မြောက်ကိုရီးယားကလည်း လက်နက်စမ်းသပ်မှုများ ဆက်မလုပ်ရန် စသဖြင့် နှစ်ဖက်ပြေလည်ရေးကို တိုက်တွန်းထားသော်လည်း လက်တွေ့တွင် မည်သည့်ဖက်ကမှ လက်ခံကျင့်သုံးခြင်း မရှိသေးပေ။

ထရမ့်က အီရန်နှင့် ဆီးရီးယားကဲ့သို့ မြောက်ကိုရီးယားကို နာမည်ပျက်စာရင်းသို့ထည့်သွင်းခဲ့ပြီး မြောက်ကိုရီးယားအပေါ် အမေရိကန်၏ ဘဏ္ဍာရေးပိတ်ဆို့မှုများ ထပ်မံတိုးမြှင့်ရန် တနင်္လာနေ့က ကတိပြုခဲ့သည်။

Ref : CNA