လူ့အခွင့်အရေးရှေ့နေတစ်ဦးကို တရုတ်က ထောင် ၂ နှစ်ချ

နိုဝင်ဘာ ၂၂၊ ၂၀၁၇
M-Media

– ထင်ရှားသည့် လူ့အခွင့်အရေးရှေ့နေတစ်ဦးကို အဖျက်အမှောင့်များပြုလုပ်ရန် လှုံဆော်သည်ဆိုသော စွပ်စွဲချက်ဖြင့် တရုတ်က ထောင်ဒဏ် ၂ နှစ် ချမှတ်လိုက်ပြီး၊ သမ္မတရှီကျင့်ဖျင်လက်ထက်တွင် လူ့အခွင့်အရေး ကာကွယ်သူများကို ပြင်းပြင်းထန်ထန် နှိပ်ကွပ်မှု တစ်စိတ်တစ်ပိုင်းလည်း ဖြစ်သည်။

အသက် ၄၆ နှစ်အရွယ် ကျန်းကျင်းယုံဖြစ်ပြီး တရားထိုင်မှုတစ်ခုဖြစ်သည့် Falun Gong ကျင့်စဉ် ကျင့်ဆောင်သူများ၊ တိဘက်ဆန္ဒပြသူများအား ကွန်မြူနစ်အစိုးရက ဖိနှိပ်မှု၊ နို့မှုန့်အတုများကြောင့် ထိခိုက်ခံစားရသောသူများအတွက် အစိုးရက တာဝန်မယူမှုတို့ အပါအ၀င် နိုင်ငံအတွင်း ပြည်သူများ ထိခိုက်ခံစားရသည့် အမှုများစွာကို လိုက်ပေးခဲ့သူဖြစ်သည်။

ကျန်းကျင်းယုံအား ထောင်ချမှုအတွက် ဂျာမနီနှင့် လူ့အခွင့်အရေးအဖွဲ့များက ရှုတ်ချခဲ့ကြသည်။

တရားရုံးက ကျန်းကျင်းယုံမှာ ‘အစိုးရအား ပုန်ကန်ရန် သွေးထိုးလှုံ့ဆော်ခြင်း’၊ အစိုးရအား အသရေဖျက်ခြင်းတို့ကို ပြုလုပ်ခဲ့သည်ဟု ပြောကြားခဲ့ပြီး နိုင်ငံရေးတွင် ပါဝင်ခွင့်ကိုလည်း ၃ နှစ် ပိတ်ပင်ခဲ့သည်။

ထိုအမှုအတွက် နိုင်ငံတကာလွတ်ငြိမ်းချမ်းသာခွင့်အဖွဲ့ Amnesty International က အင်္ဂါနေ့တွင် ရှုတ်ချခဲ့သည်။

ကျန်းကျင်းယုံမှာ ၎င်း၏ ရည်ရွယ်ချက် အောင်မြင်အောင် ဆောင်ရွက်နိုင်ရေး နည်းလမ်းများကို နိုင်ငံရပ်ခြားတွင်သွား၍ လေ့ကျင်သင်ယူခဲ့ပြီး တရုတ်ဆန့်ကျင်ရေးအဖွဲ့များမှ ဘဏ္ဍာရေးထောက်ပံ့မှုများ ရယူခဲ့သည်ဟုလည်း တရားရုံးက ပြောကြားခဲ့သည်။

၎င်းကို မထိန်းသိမ်းမီနှစ်များတွင် ကျန်းကျင်းယုံမှာ တရုတ်နိုင်ငံ၏ လူ့အခွင့်အရေးအခြေအနေများနှင့်ပတ်သက်၍ နိုင်ငံရပ်ခြားမှ တာဝန်ရှိသူများ၊ နိုင်ငံရေးသမားများနှင့် မကြာခဏ တွေ့ဆုံခဲ့သည်။

Ref: CNA