မက္ကာ၊ မဒီနာရှိ အထွဋ်အမြတ်ဗလီကြီးများတွင် ဓာတ်ပုံ၊ ဗီဒီယို ရိုက်ကူးမှုကို ဆော်ဒီ တားမြစ်

နိုဝင်ဘာ ၂၄၊ ၂၀၁၇
M-Media

မက္ကာရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်မှ ကအ်ဘာကျောင်းတော်

– မက္ကာနဲ့ မဒီနာက အစ္စလာမ်ဘာသာဝင်တွေရဲ့ အထွဋ်အမြတ်ထားရာ ဗလီဝတ်ကျောင်းတော် ၂ လုံးမှာ ဓာတ်ပုံတွေ၊ ဗီဒီယိုတွေ ရိုက်ကူးမှုကို ဆော်ဒီအာရေဗျက မနေ့မှာ ကြေငြာချက်ထုတ်ကာ တားမြစ်ပိတ်ပင်လိုက်ပါတယ်။

ဆော်ဒီအစိုးရရဲ့ ပြန်ကြားရေးဌာနက ထုတ်ပြန်တဲ့ အဲဒီကြေငြာချက်မှာ မက္ကာက မတ်စ်ဂျစ်ဒ်ဟရမ် ဗလီဝတ်ကျောင်းတော်နဲ့ မဒီနာက မတ်စ်ဂျစ်ဒ် နဗ၀ီ ဗလီဝတ်ကျောင်းတော်အတွင်း ၀တ်ပြုသူတွေအနေနဲ့ ဓာတ်ပုံတွေ၊ ဗီဒီယိုတွေ ရိုက်ကူးတာမျိုးကို တားမြစ်ကြောင်း ဖော်ပြထားပါတယ်။

မီဒီယာသမားတွေအပြင် ဘယ်လိုအကြောင်းပြချက်မျိုးနဲ့မှ ရိုက်ကူးခွင့် ပြုမှာမဟုတ်ဘဲ ဒါဟာ မြင့်မြတ်ရာနေရာတွေကို ထိန်းသိမ်းဖို့၊ ကာကွယ်စောင့်ရှောက်ဖို့ ရည်ရွယ်တာဖြစ်တယ်လို့ ကြေငြာချက်က ဆိုပါတယ်။ ဒီပိတ်ပင်မှုဟာ ဗလီဝတ်ကျောင်းတော် နယ်နမိတ်အတွင်း ပါဝင်တဲ့ ၀တ္တက္ကမြေအားလုံးအတွက်လည်း အကျုံး
ဝင်မှာ ဖြစ်ပါတယ်။

ဓာတ်ပုံတွေ၊ ဗီဒီယိုတွေ ရိုက်ကူးတာဟာ ၀တ်ပြုသူတွေကို အနှောက်အယှက်ဖြစ်စေပြီး အခုလိုပိတ်ပင်မှုမှာ ဒီအကြောင်းအရင်းလည်း ပါဝင်တယ်လို့ ဆော်ဒီအာဏာပိုင်တွေက ပြောပါတယ်။

ဒီပြဌာန်းချက်ကို ချိုးဖောက်မယ်ဆိုရင် ကင်မရာတွေ၊ ဖုန်းတွေကို သိမ်းဆည်းမှာဖြစ်ပြီး တရားစွဲဆိုသွားမယ်လို့ ကြေငြာချက်ထဲမှာ ထည့်သွင်းဖော်ပြခဲ့ပါတယ်။

အခုသီတင်းပတ်အစောပိုင်းမှာ အစ္စရေးက ဂျူးတစ်ယောက်ဟာ မတ်စ်ဂျစ်ဒ်နဗ၀ီ ဗလီဝတ်ကျောင်းတော်ထဲ ၀င်ရောက်ပြီး ဓာတ်ပုံရိုက်ကာ ဆိုရှယ်မီဒီယာတွေအပေါ်မှာ လွှင့်တင်ခဲ့တာကြောင့် အာရပ်ကမ္ဘာမှာ ဝေဖန်မှုတွေ ညံသွားခဲ့ပါတယ်။

ဗလီဝတ်ကျောင်းတော်ရှိရာ မဒီနာမြို့လယ်ကောင်ကို အစ္စလာမ်ဘာသာဝင်မဟုတ်သူတွေ မ၀င်ရလို့ ဆော်ဒီက အမိန့်ထုတ်ထားတာ ဖြစ်ပါတယ်။

Ref: Dailysabah