မြန်မာနိုင်ငံတွင် ဘာသာရေးခွဲခြားမှုမရှိဟု ကာကွယ်ရေးဦးစီးချုပ်က ပုပ်ရဟန်းမင်းကြီးကို ပြောဆို

နိုဝင်ဘာ ၂၈၊ ၂၀၁၇
M-Media

၂၀၁၆ ခုနှစ် ဒီဇင်ဘာတွင် မြန်မာစစ်တပ်က တိုက်ခိုက်ဖျက်ဆီးခဲ့သည့် ရှမ်းပြည်နယ်မှ ခရစ်ယာန်ကက်သလစ် ဘုရားကျောင်း

– မြန်မာနိုင်ငံမှာ ဘာသာရေအရ ခွဲခြားဆက်ဆံမှုမရှိဘဲ လွတ်လပ်စွာ ကိုးကွယ်ခွင့်ပြုထားပြီး၊ မိမိတို့ တပ်မတော်မှာလည်း ဒီလို ခွဲခြားမှုမျိုးမရှိဘူးလို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပုပ်ရဟန်းမင်းကြီး ဖရန်စစ်နဲ့တွေ့ဆုံစဉ် ပြောကြားခဲ့ကြောင်း ကာကွယ်ရေးဦးစီးချုပ်ရုံးက သတင်း
ထုတ်ပြန်ပါတယ်။

မနေ့က မြန်မာနိုင်ငံကို ရောက်ရှိလာပြီး သိမ်ဖြူလမ်းက စိန့်မေရီဘုရားကျောင်းမှာ သီတင်းသုံးနေတဲ့ ပုပ်ရဟန်းမင်းကြီး ဖရန်စစ်ကို ကာကွယ်ရေးဦးစီးချုပ်နဲ့အဖွဲ့ဟာ မနေ့ညနေပိုင်းမှာ သွားရောက်တွေ့ဆုံခဲ့တာပါ။

အဲဒီတွေ့ဆုံမှုအတွင်းမှာ ကာကွယ်ရေးဦးစီးချုပ်က အခုလို မြန်မာနိုင်ငံကို လာရောက်တဲ့အတွက် ကြိုဆိုကြောင်း၊ ဘာသာတရားအားလုံးဟာ ငြိမ်းချမ်းဖို့၊ ညီညွတ်ဖို့၊ တရားမျှတဖို့ဆိုတဲ့ လောကပါလတရားကို လိုလားကြောင်း၊ မြန်မာနိုင်ငံမှာ ဘာသာရေးအရ ခွဲခြားဖိနှိပ်ဆက်ဆံခြင်းတွေမရှိဘဲ လွပ်လပ်စွာ ကိုးကွယ်ခွင့်ပြုထား
ကြောင်း၊ မိမိတို့ တပ်မတော်ထဲမှာလည်း အတူတူပဲဖြစ်ကြောင်း ပြောကြားခဲ့တယ်လို့ ကာကွယ်ရေးဦးစီးချုပ်ရုံးရဲ့ Facebook စာမျက်နှာမှာ ဖော်ပြထားပါတယ်။

ဗာတီကန်ကတော့ ဗိုလ်ချုပ်မှူးကြီးနဲ့ အထူးစစ်ဆင်ရေးဗျူရိုက အရာရှိ ၃ ဦးဟာ ပုပ်ရဟန်းမင်းကြီးနဲ့ ၁၅ မိနစ်ကြာ တွေ့ဆုံစကားပြောခဲ့ပြီး ‘လက်ရှိ ဒီမိုကရေစီ အသွင်ကူးပြောင်းရေးမှာ နိုင်ငံအာဏာပိုင်တွေရဲ့တာဝန်ဟာ အလွန်ကြီးကြောင်း’ ကာကွယ်ရေးဦးစီးချုပ်နဲ့အဖွဲ့က ပြောကြားခဲ့တယ်လို့ ဆိုပါတယ်။ ဒါပေမယ့်
တွေ့ဆုံမှု အသေးစိတ်ကိုတော့ ဗာတီကန်ပြောရေးဆိုခွင့်ရှိသူ ဂရက်ဂ်ျ ဘာကီက မထုတ်ပြန်ခဲ့ပါဘူး။

ပုပ်ရဟန်းမင်းကြီး ကာကွယ်ရေးဦးစီးချုပ်နဲ့ တွေ့ဆုံဖို့ မူလအစီအစဉ်ဟာ ဗုဒ္ဓဟူးနေ့မှာဖြစ်ပေမယ့် ဘာ့ကြောင့် အစီအစဉ် ပြောင်းသွားလဲဆိုတာကို မသိရှိရပါဘူး။

Ref: တပ်မတော် ကာကွယ်ရေးဦးစီးချုပ်ရုံး၏ Facebook စာမျက်နှာ၊ The Guardian