ချို့တဲ့သည့် နိုင်ငံခြားအလုပ်သမားများကို အခမဲ့ကျွေးမွေးမယ့် ဒူဘိုင်းက စားသောက်ဆိုင်

နိုဝင်ဘာ ၂၈၊ ၂၀၁၇
M-Media

– တိုင်းပြည်ကို လာရောက်အလုပ်လုပ်ကိုင်တဲ့ နိုင်ငံခြားသားတွေ အစားအသောက်အတွက် ချွေတာနေရတဲ့ ပြဿနာကို ဖြေရှင်းဖို့အတွက် ဒူဘိုင်းက စားသောက်ဆိုင်တစ်ချို့ဟာ အခမဲ့ အစားအသောက်တွေ စီစဉ်ပေးနေတယ်လို့ သိရပါတယ်။

ဒူဘိုင်းမြို့ အလ်ဘာရှာရပ်ကွက်က Foul w Hummus ဂျော်ဒန်စားသောက်ဆိုင် အ၀င်အ၀မှာ “ခင်ဗျားတို့ ၀ယ်မစားနိုင်ဘူးဆိုရင် အခမဲ့ စားလို့ရပါတယ်။ ဒါဟာ အလ္လာဟ်အရှင်မြတ်ပေးတဲ့ လက်ဆောင်ပါ” လို့ အာရဘီ၊ အင်္ဂလိပ် နှစ်ဘာသာနဲ့ ဆိုင်းဘုတ်တစ်ခုကို ချိတ်ဆွဲပေးထားပါတယ်။

စားသောက်ဆိုင်ပိုင်ရှင် ဖာဒီ အေယဒ်က သူ့ဆိုင်နားမှာရှိတဲ့ ဆောက်လုပ်ရေးလုပ်ငန်းက အလုပ်ကြမ်းသမားတွေ၊ အေဂျင်စီတွေကနေတစ်ဆင့် အလုပ်ရှာကြတဲ့ နိုင်ငံခြားသား လူငယ်တွေဟာ ပိုက်ဆံမလောက်ငှတဲ့အတွက် အစားအသောက် ၀၀၀လင်လင် မစားရတာကို ကြုံတွေ့ရတယ်လို့ ပြောပါတယ်။

“လူတော်တော်များများ အထူးသဖြင့် အခုမှရောက်လာကြသူတွေဟာ ပိုက်ဆံအကန့်အသက်ရှိပြီး တစ်ခါတစ်လေဆိုရင် စားဖို့တောင် မလောက်ပါဘူး။ ဒါ့ကြောင့် သူတို့တွေကို ထောက်ပံ့ဖို့ စဉ်းစားခဲ့တာပါ” လို့ သူက ဆိုပါတယ်။

အေယဒ်ဟာ ဂျော်ဒန်ကနေ ပြောင်းရွှေ့အခြေချလာသူတစ်ယောက်ဖြစ်ပြီး ၂၀၀၉ ခုနှစ်မှာ ဒီစားသောက်ဆိုင်ကို ဖွင့်လှစ်ခဲ့တာဖြစ်ပါတယ်။

သူ့ဆိုင်မှာ အခုဆိုရင် တစ်နေ့ကို လူ ၁၀ ယောက်လောက်ကို ပုံမှန် ဒါနပြုနေရပြီး အလုပ်ကြမ်းသမားတွေ၊ အခုမှရောက်လာကြသူတွေကနေ အစားအသောက်ဖိုး မတတ်နိုင်တဲ့ မိသားစုတွေအထိ ပါဝင်ပါတယ်။

“ကျွန်တော့်တို့ဟာ လူ့အဖွဲ့အစည်းတစ်ခုတည်းပါ။ တတ်နိုင်သလောက် တစ်ယောက်နဲ့တစ်ယောက် ဖေးမသင့်ပါတယ်။ ကျွန်တော်တို့ရဲ့ ပိုင်ဆိုင်မှုတွေကနေ လှူဒါန်းတာမျိုးပေါ့” လို့ အသက် ၃၇ နှစ်အရွယ် အယေဒ်က ပြောပါတယ်။

အလုပ်သမား ၁၅ ယောက်လောက်နဲ့ လည်ပတ်နေတဲ့ စားသောက်ဆိုင်တစ်ဆိုင်ကို ပိုင်ဆိုင်ထားတဲ့ အီဂျစ်နိုင်ငံသား အသက် ၃၀ အရွယ် အမ်ရို မိုဟာမက်ကလည်း အေယဒ်ရဲ့ ဒီဒါနပြုမှုကို သဘောာကျပြီး လိုက်လုပ်ခဲ့သူပါ။

ဒီအစီအစဉ်ကြောင့် ပတ်ဝန်းကျင်ကနေ ကောင်းမွန်တဲ့ တုန့်ပြန်မှုတွေကို ရရှိပြီး အိမ်နီးချင်းတွေ၊ ဖြတ်သွားဖြတ်လာလုပ်သူတွေဟာ ငွေသားတွေ လှူဒါန်းကြတဲ့အထိ ရှိတယ်လို့ ဆိုပါတယ်။

“စားဖို့အတွက် မတတ်နိုင်ပေမယ့် ရှက်ကြောက်ကြတဲ့သူတွေလည်း ရှိတယ်ဗျ။ ဆိုင်မှာ ဈေးအပေါဆုံးဆိုတာကို မှာကြတယ်။ အဲဒီလိုအခါမျိုးမှာ ကျွန်တော်တို့ ဒါနပြုလိုက်တယ်” လို့ မိုဟာမက်က ပြောပါတယ်။ သူဟာ လွန်ခဲ့တဲ့ ၅ နှစ်အရင်က ယူအေအီးကို ရောက်ရှိခဲ့တာပါ။

တစ်ခါတစ်ရံမှာ အလုပ်သမားအဖွဲ့တွေဟာ ဆိုင်ရှေ့က အခမဲ့ဆိုင်းဘုတ်ကိုကြည့်ပြီး ရပ်နေပေမယ့် မ၀င်ရဲတာကြောင့် သူတို့ကို ထွက်ပြီး ဖိတ်ခေါ်ရကြောင်း၊ တစ်ခါမှာ အသားညှပ်မုန့် သေးသေးလေးတစ်ခု မှာတဲ့ လူငယ် နိုင်ငံခြားသားအလုပ်သမားတစ်ယောက်ကို ဟင်းပွဲကြီး ချပေးလိုက်တဲ့အခါ ၀မ်းသာလွန်းလို့ ချုံးပွဲချငိုကြောင်း မိုဟာမက်က ထည့်သွင်းပြောဆိုခဲ့ပါတယ်။

“အလ္လာဟ်အရှင်မြတ် ချီးမြှင့်ထားတဲ့ ကောင်းချီးမင်္ဂလာတွေကို ကျွန်တော်တို့ မျှဝေခံစားတာပါ။ ကမ္ဘာပေါ်မှာ လူကောင်းတွေလည်း ရှိနေတယ်ဆိုတာ လူတွေကို ကျွန်တော်တို့ ပြချင်ပါတယ်”

Ref: Khaleejtimes