ခြစားမှု စုံစမ်းခံရသည့်အတွက် တရုတ်စစ်တပ်အကြီးအကဲတစ်ဦး ကိုယ့်ကိုယ်ကို သတ်သေ

နိုဝင်ဘာ ၂၈၊ ၂၀၁၇
M-Media

– တရုတ်စစ်တပ်မှ အကြီးတန်းအရာရှိတစ်ဦးမှာ အာဏာပိုင်များက ခြစားမှုနှင့်ပတ်သက်၍ စုံစမ်းစစ်ဆေးမှုများ စတင်ပြုလုပ်ခဲ့ပြီးနောက် နေအိမ်တွင် မိမိကိုယ်ကို သတ်သေသွားခဲ့သည်ဟု တရုတ်နိုင်ငံပိုင်သတင်းဌာနက ယနေ့တွင် ထုတ်ပြန်ခဲ့သည်။

ဗဟိုစစ်ကော်မရှင်၏ နိုင်ငံရေးဌာနမှ ဒါရိုက်တာ ကျန်းယန်ဆိုသူဖြစ်ပြီး နိုဝင်ဘာ ၂၃ ရက်နေ့က အဆုံးစီရင်သွားခဲ့သည်။ ၎င်းကို ခြစားမှုနှစ်ခုနှင့် ဆက်နွယ်နေမှုအတွက် စုံစမ်းစစ်ဆေးမှု စတင်ခဲ့ပြီးနောက် ယခုအဖြစ်အပျက် ပေါ်ထွက်လာခြင်းဖြစ်သည်။

၂၀၁၂ ခုနှစ်က စတင်ခဲ့သည့် သမ္မတ ရှီကျင့်ဖျင်၏ ခြစားမှုတိုက်ဖျက်ရေးတွင် ထိပ်တန်းစစ်ခေါင်းဆောင်များ အပါအ၀င် ကွန်မြူနစ်ပါတီ အဆင့်ဆင့်မှ တာဝန်ရှိသူ ၁.၅ သန်းကို အရေးယူခဲ့ပြီး၊ ထိုလုပ်ငန်းကို တိုးမြှင့်ဆောင်ရွက်သွားမည်ဟု ရှီက ပြီးခဲ့သည့်လတွင် ပြုလုပ်ခဲ့သော ကွန်မြူနစ်ပါတီ ညီလာခံတွင် ပြောကြားခဲ့သည်။

ရှင်ဟွာသတင်းဌာနက ကျန်းယန်မှာ စည်းမျဉ်းစည်းကမ်းများနှင့် ဥပဒေကို ဆိုးဆိုးဝါးဝါး ချိုးဖောက်ခဲ့ပြီး လာဘ်စားသည်ဟု သံသယအဖြစ်ခံရကြောင်း၊ ၎င်း၏ ပိုင်ဆိုင်မှုများအတွက် ၀င်ငွေရလမ်းကို ရှင်းရှင်းလင်းလင်း မပြနိုင်ကြောင်း ဖော်ပြခဲ့သည်။

တရုတ်ပြည်သူ့လွတ်မြောက်ရေးတပ်မတော် နေ့စဉ်သတင်းစာ၏ ဆိုရှယ်မီဒီယာအကောင့်တွင် ကျန်းယန်မှာ မိမိကိုယ်ကို သတ်သေသည့်နည်းလမ်းဖြင့် ခေါင်းရှောင်သွားခြင်းဖြစ်ကြောင်း၊ ၎င်းမှာ မျက်နှာနှစ်မျိုးရှိပြီး တစ်ဖက်က တိုင်းပြည်ကို သစ္စာရှိသည်ဟု အော်နေသော်လည်း၊ တစ်ဖက်တွင် ခြစားမှုကို ကျူးလွန်နေကြောင်း ဖော်ပြထားသည်။

“စစ်တပ်ဟာ လက်နက်တွေကိုင်ထားတာပါ။ အဲဒီနောက်မှာ ခြစားမှုကို ဘယ်လိုဖုံးကွယ်ထားတာမျိုးမှ ကျွန်တော်တို့ ခွင့်ပြုမှာ မဟုတ်ပါဘူး” ဟု ဆိုသည်။ ကျန်းယန်မှာ ပါတီမှ ထုတ်ပယ်ခံလိုက်ရသော စစ်တပ်အရာရှိများဖြစ်သည့် ဂိုဘိုရှောင်း၊ ရှီချိုင်းဟုန်တို့နှင့်လည်း ဆက်နွယ်မှုရှိသည်။

စစ်ကော်မရှင်၏ ဒုတိယဥက္ကဌအဖြစ် တာဝန်ထမ်းဆောင်ခဲ့သည့် ဂိုဘိုရှောင်းမှာ ခြစားမှုကြောင့် အရေးယူခံရသည့် တရုတ်စစ်တပ် အရာရှိများတွင် ရာထူးအမြင့်ဆုံးဖြစ်သည်။ ကော်မရှင် ဒုတိယဥက္ကဌတစ်ဦးပင်ဖြစ်သည့် ရှီမှာ စုံစမ်းစစ်ဆေးမှုခံနေရစဉ် ၂၀၁၅ ခုနှစ်က ကင်ဆာဖြင့် ကွယ်လွန်ခဲ့သည်။

Ref: CNA