သမိုင်းနဲ့ချီသည့် မတရားမှုများကို ဖြေရှင်းပေးမည်ဟု ဖိလစ်ပိုင်မွတ်စလင်များကို ဒူတာတေး ကတိပေး

နိုဝင်ဘာ ၂၉၊ ၂၀၁၇
M-Media

– ဖိလစ်ပိုင်မွတ်စလင်တွေ သမိုင်းနဲ့ချီ ခံစားခဲ့ရတဲ့ တရားမမျှတမှုတွေကို ပြေလည်အောင် ဆောင်ရွက်ပေးမယ်လို့ ဖိလစ်ပိုင်သမ္မတ ရော်ဒရီဂို ဒူတာတေးက ပြောကြားလိုက်ပါတယ်။

နိုင်ငံတောင်ပိုင်းမှာ အခြေစိုက်တဲ့ မွတ်စလင်လက်နက်ကိုင်အဖွဲ့ (MILF) က တနင်္လာနေ့မှာ ကျင်းပတဲ့ အခမ်းအနားတစ်ခုမှာ ဒူတာတေးက ဒီလိုပြောကြားလိုက်တာ ဖြစ်ပါတယ်။ အဲဒီအခမ်းအနားကို ခရစ်ယာန်တွေ၊ အခြား မွတ်စလင်လက်နက်ကိုင်အဖွဲ့တွေလည်း တက်ရောက်ခဲ့ပါတယ်။

၁၉၇၀ ပြည့်နှစ်တွေကတည်းက မွတ်စလင်လက်နက်ကိုင်တွေဟာ တန်းတူအခွင့်အရေးရရေး၊ သူတို့ရဲ့ ဒေသဖြစ်တဲ့ တောင်ပိုင်းမှာ ကိုယ်ပိုင်အုပ်ချုပ်ခွင့် ဒါမှမဟုတ် ခွဲထွက်ခွင့်ရရေး တိုက်ပွဲဝင်လာကြတာဖြစ်ပြီး အဲဒီပဋိပက္ခကြောင့် လူပေါင်း ၁ သိန်း ၂ သောင်းကျော် အသက်ဆုံးရှုံးခဲ့ရပါတယ်။

သူ့ဘိုးဘေးတွေက မွတ်စလင်တွေဖြစ်တယ်လို့ ထုတ်ဖော်ပြောဆိုလေ့ရှိတဲ့ ဒူတာတေးက ဒီပြဿနာကို မဖြေရှင်းနိုင်ဘူးဆိုရင် ပိုဆိုးလာမယ်လို့ ဆိုပါတယ်။

“ဒီကနေ့ လုပ်ရမယ့်ကိစ္စက ဖိလစ်ပိုင်နိုင်ငံကို တည်တံ့စေဖို့နဲ့ သမိုင်းနဲ့ချီရှိခဲ့တဲ့ မတရားမှုတွေကို ဖြေရှင်းဖို့ပါ” လို့ ဒူတာတေးက အခမ်းအနားမှာ ပြောကြားခဲ့ပါတယ်။

စပိန်နဲ့ အမေရိကန် ကိုလိုနီတွေ အုပ်စိုးတဲ့အချိန်မှာ ခရစ်ယာန်တွေဟာ နိုင်ငံတောင်ပိုင်းက အစိတ်အပိုင်းတော်တော်များများကို ထိန်းချုပ်ကာ ဌာနေမွတ်စလင်တွေနဲ့ အခြားမျိုးနွယ်တွေကို ဖယ်ကျဉ်ခဲ့တယ်လို့ ဒူတာတေးက ဆိုပါတယ်။

အရှေ့အလယ်ပိုင်းမှာ အခြေမလှတော့တဲ့ IS အကြမ်းဖက်သမားတွေ ဖိလစ်ပိုင်ကို ရောက်လာမယ်ဆိုရင် အခြေအနေက ပိုဆိုးသွားမယ်လို့လည်း သူက သတိပေးခဲ့ပါတယ်။

အင်အား တစ်သောင်းလောက်ရှိတဲ့ မွတ်စလင်လက်နက်ကိုင်အဖွဲ့ MILF ဟာ ၂၀၁၄ ခုနှစ်က အစိုးရနဲ့ ငြိမ်းချမ်းရေးသဘောတူညီချက်ကို လက်မှတ်ရေးထိုးခဲ့ပြီး အဲဒီသဘောတူညီချက်အရ တောင်ပိုင်း မင်ဒါနာအိုပြည်နယ်ရဲ့ တစ်ချို့အစိတ်အပိုင်းတွေဟာ ကိုယ်ပိုင်အုပ်ချုပ်ခွင့် ရရှိမှာဖြစ်ပါတယ်။

IS ထောက်ခံသူတွေနဲ့ ဒေသတွင်း လက်နက်အဖွဲ့အချို့ပေါင်းပြီး မေလအတွင်းက မာရာဝီမြို့ကို သိမ်းပိုက်မှုမှာလည် MILF ဟာ ဖိလစ်ပိုင်စစ်တပ်နဲ့အတူ လက်တွဲ တွန်းလှန်ခဲ့ကာ အောက်တိုဘာလမှာ မြို့ကို ပြန်လည် ရယူနိုင်ခဲ့ပါတယ်။

MILF ရဲ့ ဌာနချုပ်မှာ ကျင်းပတဲ့ အဲဒီအခမ်းအနာကို မင်ဒါနာအိုက ကက်သလစ်အသင်းတော်ဂိုဏ်းချုပ် ကာဒီနယ် အော်လန်ဒို ကီဗီဒို၊ MILF ရဲ့ အဓိကပြိုင်ဘက် လက်နက်ကိုင်အဖွဲ့ဖြစ်တဲ့ မိုရိုအမျိုးသားလွတ်မြောက်ရေးတပ်ဦးက ခေါင်းဆောင်တွေ အပါအ၀င် နိုင်ငံတစ်ဝှမ်း ဘာသာစုံ၊ လူမျိုးစုံက တက်ရောက်ခဲ့ပါတယ်။

အခမ်းအနားအတွက် ဖိလစ်ပိုင်စစ်တပ်နဲ့ ရဲတို့က လုံခြုံရေးယူပေးခဲ့ကြပြီး MILF တပ်ဖွဲ့ဝင်တွေကတော့ ဒီပွဲမှာ လက်နက်ကိုင်ဆောင်ခြင်း မရှိပါဘူး။

Ref: Free Malaysia Today