မွတ်စလင်မုန်းတီးရေးကို သတင်းမှားများ၊ အကောင့်တုများဖြင့် ၀ါဒဖြန့်ဟု သုတေသနတစ်ခုတွင် တွေ့ရှိ

နိုဝင်ဘာ ၂၉၊ ၂၀၁၇
M-Media

– ကမ္ဘာတစ်ဝှမ်းက မွတ်စလင်ဆန့်ကျင်ရေး အုပ်စုတွေဟာ ဆိုရှယ်မီဒီယာ အကောင့်အတုတွေ၊ သတင်းလိမ်တွေ၊ ဖြတ်ညှပ်ကပ်တွေနဲ့ သူတို့ရဲ့ ၀ါဒဖြန့်မှုကို မြှင့်တင်နေကြတယ်လို့ မကြာသေးခင်က ပြုလုပ်ခဲ့တဲ့ လေ့လာမှုတစ်ရပ်မှာ တွေ့ခဲ့ရတယ်လို့ သိရပါတယ်။

လူမျိုးရေးခွဲခြားမှု တိုက်ဖျက်ရေးအဖွဲ့ Hope Not Hate က သုတေသန ပညာရှင်တွေဟာ ဒီလေ့လာမှုကို ပြုလုပ်ခဲ့တာဖြစ်ပြီး ယူကေကို လာရောက်ခွင့် ပိတ်ပင်ခံထားရတဲ့ အမေရိကန်က မွတ်စလင်ဆန့်ကျင်ရေးသမား ပါမီလာ ဂျဲလာဟာ Twitter စာမျက်နှာမှာ bot အကောင့် ၁၂၀ ခု သုံးပြီး ၀ါဒဖြန့်နေတယ်ဆိုတာ တွေ့ခဲ့ရပါတယ်။

Twitter က bot အကောင့်တွေဟာ ပို့စ်တွေကို အလိုအလျောက် တင်တာ၊ ဖြန့်ဝေတာတွေ လုပ်ဆောင်ပေးတာပါ။

သုတေသနပညာရှင်တွေဟာ ဗြိတိန်နဲ့ အမေရိကန်က မွတ်စလင်ဆန့်ကျင်ရေး Twitter အကောင့်တွေကို အခုနှစ် မတ်လကနေ နိုဝင်ဘာလအထိ စောင့်ကြည့်ခဲ့ပြီး ပျမ်းမျှအားဖြင့် သူတို့တွေမှာ follower ပေါင်း ၁၁၇ ရာခိုင်နှုန်းအထိ တိုးလာတယ်ဆိုတာ တွေ့ခဲ့ရပါတယ်။

အစ္စလာမ်မုန်းတီးရေးအဖွဲ့တွေရဲ့ ပြယုဂ်ဖြစ်တယ်လို့ စောင့်ကြည့်သူတွေက သတ်မှတ်ထားတဲ့ ဂျဲလာရဲ့ အစီရင်ခံစာဆိုတဲ့ပို့စ်ကို ကြည့်ရှုသူအရေအတွက်ဟာ ဇူလိုင်လနဲ့ အောက်တိုဘာလကြားထဲမှာ ၂ ဆတက်ကာ ၂ သန်းကျော်လောက် ရှိလာခဲ့ပါတယ်။

ဂျီဟတ်တိုက်ဖျက်ရေးဘလော့ဂ်ဖြစ်တဲ့ The Gates of Vienna ဟာလည်း အဲဒီကာလအတွင်း တစ်လကို လာရောက်ကြည့်ရှုသူ ၂ ဆလောက် တိုးလာခဲ့တာကို လေ့လာသူတွေက တွေ့ခဲ့ရပါတယ်။

Hope Not Hate က သုတေသနပညာရှင် ပက်ထရစ် ဟာမန်ဆန်က မွတ်စလင်ဆန့်ကျင်ရေး အမုန်းတရားတွေကို ဖြန့်နေတဲ့ Twitter အကောင့်တွေ၊ ၀ဘ်ဆိုက်တွေဟာ စိုးရိမ်စရာကောင်းလောက်အောင် မြင့်တက်လာကြောင်း၊ ဒါ့ကြောင့် လုပ်ကြံဖန်တီးထားတဲ့ မွတ်စလင်ဆန့်ကျင်ရေး အမြင်တွေကို ထိတွေသူဟာ များပြားလာကြောင်း ပြောကြားခဲ့ပါတယ်။

ယူကေက အကြမ်းဖက်တိုက်ခိုက်မှုတွေကိုလည်း ဆိုရှယ်မီဒီယာက မွတ်စလင်ဆန့်ကျင်သူတွေက အမြတ်ထုတ်နေကာ တိုက်ခိုက်မှုနောက်ပိုင်း ယူကေက ထင်ရှားတဲ့ မွတ်စလင်ဆန့်ကျင်ရေး Twitter အကောင့်တွေဟာ follower တွေ သိသိသာသာ များလာတယ်လို့လည်း လေ့လာမှုမှာ တွေ့ခဲ့ရပါတယ်။

အမေရိကန်သမ္မတ ဒေါ်နယ်ထရမ့်ရဲ့ မဟာဗျူဟာ အကြီးအကဲဟောင်း စတီဗ်ဘန်နွန်ရဲ့ Breitbart ၀ဘ်ဆိုက်က လုပ်ကြံသတင်းတွေကို ဖြန့်ဝေလေ့ရှိပြီး ‘အစ္စလာမ်နဲ့ မွတ်စလင်အကြောင်းကို ဖော်ပြရမှာ မွတ်စလင်ဆန့်ကျင်ရေး အမုန်းစကား ဒါမှမဟုတ် လက်ယာစွန်းရောက်စကားတွေနဲ့သာ ဖြစ်တယ်’ လို့လည်း
လေ့လာမှုက ဆိုပါတယ်။

အွန်လိုင်း ဖိုရမ်ကွန်ယက်တွေနဲ့ အထင်အမြင်မှားစေတဲ့ ဓာတ်ပုံတွေကိုလည်း ဆိုရှယ်မီဒီယာမှာ မွတ်စလင်ဆန့်ကျင်ရေး ချဲ့ကားပြောဆိုဖို့အတွက် အသုံးပြုတာတွေကို တွေ့ရပြီး အထူးသဖြင့် ၂၀၁၇ ခုနှစ် မတ်လက ၀က်မင်စတာအကြမ်းဖက်တိုက်ခိုက်မှု ဖြစ်စဉ်အတွင်း အခင်းဖြစ်ပွားရာနေရာမှာ ဟီဂျဘ်ဝတ်ထားတဲ့ မွတ်စလင်အမျိုးသမီးတစ်ဦးက ဖုန်းကြည့်ကာ ဖြတ်လျှောက်သွားတဲ့ ဓာတ်ပုံကို အွန်လိုင်းမှာ ဆိုးဆိုးဝါးဝါး ရေးသားဖော်တာမျိုး ဖြစ်တယ်လို့ လေ့လာသူတွေက ထောက်ပြခဲ့ပါတယ်။

Follower များတဲ့အကောင့်တွေကို ယေဘုယျအားဖြင့် လူတွေက ယုံကြည်လေ့ရှိတာကြောင့် မွတ်စလင်ဆန့်ကျင်ရေးသမားတွေဟာ bot တွေကို အသုံးပြုကာ လူထုအာရုံစိုက်မှုကို ရယူတယ်လို့လည်း လေ့လာမှုမှာ ဖော်ပြခဲ့ပါတယ်။

Ref: The Guardian