ပြည်သူ့ဘဏ္ဍာ မတရားယူထားသူများ ၃ လအတွင်းပြန်ပေးရန် ဇင်ဘာဘွေသမ္မတသစ် အမိန့်ထုတ် 

နိုဝင်ဘာ ၃၀၊ ၂၀၁၇

M-Media

– ပြည်သူ့ဘဏ္ဍာတွေကို မတရားယူထားပြီး နိုင်ငံရပ်ခြားမှာ ကွယ်ဝှက်သိမ်းဆည်းထားတဲ့ လူပုဂ္ဂိုလ်တွေ၊ ကုမ္ပဏီတွေအနေနဲ့ ၃ လအတွင်း ပြန်လည်အပ်နှံမယ်ဆိုရင် အရေးယူမှုမလုပ်ဘဲ လွတ်ငြိမ်းချမ်းသာခွင့်ပေးမယ်လို့ ဇင်ဘာဘွေသမ္မတသစ် အီမာဆန် မနန်ဂါဂွါက မနေ့မှာ ကြေငြာလိုက်ပါတယ်။

“ဒီလို မတော်မတရား လုပ်ထားတာတွေဟာ ဇင်ဘာဘွေပြည်သူတွေအပေါ်မှာ စီးပွားရေး ရာဇ၀တ်မှုကို ကျူးလွန်တာဖြစ်ပါတယ်” လို့ သူက ပြောကြားခဲ့ပြီး ဖေဖော်ဝါရီမှာ ကုန်ဆုံးမယ့် လွတ်ငြိမ်းချမ်းသာခွင့်အတွင်း အဲဒီ ပြည်သူ့ဘဏ္ဍာတွေ မအပ်ဘူးဆိုရင် အစိုးရက တရားစွဲဆိုသွားမယ်လို့လည်း သတိပေးခဲ့ပါတယ်။

ပြီးခဲ့တဲ့တစ်ပတ် အာဏာစရကတည်းက မန်ဂါဂွါဟာ ခြစားမှုတိုက်ဖျက်ရေး လုပ်ဆောင်သွားမယ်လို့ ကတိပြု ခဲ့တာပါ။

“ကျွန်တော်တို့တိုင်းပြည်က ငွေကြေးနဲ့ ပိုင်ဆိုင်မှု တော်တော်များများကို တစ်ချို့သော လူပုဂ္ဂိုလ်တွေနဲ့ စီးပွားရေးလုပ်ငန်းတွေဟာ နိုင်ငံရပ်ခြားမှာ တရားမ၀င် သွားထားထားပါတယ်။ ဥပဒေရဲ့ လက်တံကြောင့် နာကျင် အရှက်ရတာမျိုး မဖြစ်ခင် အဲဒီလူတွေအနေနဲ့ နိုင်ငံခြားမှာ တရားမ၀င်သွားထားတဲ့ ငွေတွေ၊ ပိုင်ဆိုင်မှုတွေကိုြ
ပန်ပေးဖို့ ဒီလွတ်ငြိမ်းချမ်းသာခွင့်ကာလကို အသုံးချပါလို့ တိုက်တွန်းပါတယ်” လို့လည်း မန်ဂါဂွါက ထည့်သွင်း ပြောဆိုခဲ့ပါတယ်။

နှစ်ပေါင်းများစွာ အာဏာရှင်စနစ်ကြောင့် ဇင်ဘာဘွေနိုင်ငံဟာ ခြစားမှုအမြစ်တွယ်ကာ ချွတ်ခြုံကျခဲ့ပြီး ငွေကြေးဖောင်းပွမှုလည်း အဆမတန် မြင့်တက်လာတာကြောင့် ၂၀၀၉ ခုနှစ်မှာ ကိုယ်ပိုင်ငွေကြေးကို စွန့်လွှတ်ကာ အမေရိကန်ဒေါ်လာ အသုံးပြုရတဲ့အနေအထားအထိ ရောက်ခဲ့ပါတယ်။

သမ္မသစ်ဟာ Operation Restore Legacy ဆိုခဲ့ ခြစားမှုတိုက်ဖျက်ရေး လုပ်ငန်းတစ်ခုကိုလည်း ဆောင်ရွက်နေပြီး ဘဏ္ဍာရေးဝန်ကြီးဟောင်း အစ်ဂနာတီယာက် ချွမ်ဘိုကို ခြစားမှုစွဲချက်တွေနဲ့ တရားစွဲဆိုထားပါတယ်။

ဒီလို လုပ်လိုက်တာကြောင့် ပြည့်သူ့ဘဏ္ဍာတွေကို မတရားယူထားသူတွေဟာ နိုင်ငံခြားဘဏ်အကောင့်တွေမှာ ငွေတွေကို လွှဲထားလိုက်ပြီး ကန်ဒေါ်လာ ၂ ဘီလီယံဖိုးလောက်ရှိတယ်လို့ ဇင်ဘာဘွေဗဟိုဘဏ်က ပြောကြားခဲ့ပါတယ်။

မနန်ဂါဂွါရဲ့ အခုကြေငြာမှုဟာ ဆိုးဆိုးရွားရွားဖြစ်နေတဲ့ စီးပွားရေးကို ကယ်တင်ရေး တစ်စိတ်တစ်ပိုင်းလည်း ဖြစ်ပါတယ်။

Ref: BBC