အမေရိကန်သမ္မတ မျှဝေသည့် မွတ်စလင်ဆန့်ကျင်ရေးဗီဒီယိုမှာ လုပ်ကြံထားမှု ဖြစ်နေ

ဒီဇင်ဘာ ၁၊ ၂၀၁၇
M-Media

– အမေရိကန်သမ္မတ ဒေါ်နယ်ထရမ့် ဗုဒ္ဓဟူးနေ့က Twitter စာမျက်နှာမှာ တစ်ဆင့် မျှဝေခဲ့တဲ့ မွတ်စလင်ဆန့်ကျင်ရေး ဗီဒီယိုတစ်ခုဟာ လုပ်ကြံဖန်တီး ၀ါဒဖြန့်ထားတဲ့ ဗီဒီယိုသာ ဖြစ်တယ်လို့ ဗီဒီယိုကို ပထမဆုံးတင်ခဲ့တဲ့ နယ်သာလန် ၀ဘ်ဆိုက် Dumpert က ပြောကြားလိုက်ပါတယ်။

ဗြိတိန်အစိုးရက အစွန်းရောက်အဖွဲ့အဖြစ် သတ်မှတ်ထားတဲ့ Britain First အဖွဲ့က ဒုတိယအကြီးအကဲ ဂျေဒါ ဖရန်ဆန်က သူ့ရဲ့ Twitter စာမျက်နှာမှာ မွတ်စလင်ဆန့်ကျင်ရေး ဗီဒီယို ၃ ခုကို တင်ခဲ့ပြီး ထရမ့်က အဲဒီဗီဒီယိုတွေကို ပြန်လည်မျှဝေခဲ့တာပါ။

အဲဒီဗီဒီယိုတွေထဲကတစ်ခုဟာ နယ်သာလန်နိုင်ငံမှာ လူငယ်အချင်းချင်း ရန်ဖြစ်တဲ့ ဗီဒီယိုဖြစ်ပြီး မွတ်စလင်ဆန့်ကျင်ရေးသမားတွေက ပြောင်းရွှေ့အခြေချ ၀င်ရောက်လာတဲ့ မွတ်စလင်လူငယ်ဟာ မသန်စွမ်း ဌာနေ ဒက်ခ်ျလူငယ်တစ်ဦးကို ရိုက်နှက်စော်ကားတယ်လို့ ၀ါဒဖြန်ခဲ့တာပါ။

ဒီဗီဒီယိုကို မေလမှာ ပထမဆုံးလွှင့်တင်ခဲ့တဲ့ Dumpert ဗီဒီယိုဝဘ်ဆိုက်ကို စီမံနေသူ Rene van Leeuwen က သူ့တို့အနေနဲ့ ဗီဒီယိုကို တင်ခဲ့ပေမယ့် ရဲတပ်ဖွဲ့က ဒီကိစ္စမှာ ပါဝင်တဲ့ လူငယ်နှစ်ဦးစလုံးဟာ ပြောင်းရွှေ့အခြေချသူတွေ မဟုတ်သလို မွတ်စလင်တွေလည်း မဟုတ်ဘူးလို့ အကြောင်းကြားခဲ့ပြီးတဲ့နောက် ပြန်လည် ဖြုတ်ချခဲ့တယ်လို့ အမေရိကန်သတင်းဌာန ABC News ပြောကြားခဲ့ပါတယ်။

ဗီဒီယို ပြန့်နှံ့ပြီးနောက်ပိုင်း စုံစမ်းစစ်ဆေးမှုတွေ ပြုလုပ်ခဲ့တဲ့ ဒက်ခ်ျရဲတပ်ဖွဲ့ကလည်း Rene van Leeuwen ရဲ့ ပြောကြားမှုကို အတည်ပြုခဲ့ပါတယ်။

ဖရန်ဆန်ရဲ့ အမုန်းဗီဒီယိုတွေကို ထရမ့်က ပြန်လည်မျှဝေမှုအတွက် ဗြိတိန်ဝန်ကြီးချုပ် ထရီဇာမေအပါအ၀င် ဗြိတိန် နိုင်ငံရေး သမားတွေနဲ့ လူ့အခွင့်အရေးအဖွဲ့တွေက ဝေဖန်ရှုတ်ချခဲ့ပါတယ်။

ဗြိတိန်ပြည်ထဲရေးဝန်ကြီးက Britain First အဖွဲ့ဟာ သတင်းမှားတွေနဲ့ လူ့အဖွဲ့အစည်းအတွင်း သွေးကွဲအောင်၊ တင်းမာမှုတွေ မြင့်တက်လာအောင် လုပ်ဆောင်နေတဲ့အဖွဲ့ဖြစ်ကြောင်း၊ သူတို့ရဲ့ ဖြန့်ဝေမှုဟာ ဗြိတိန်ရဲ့ တန်ဖိုးတွေဖြစ်တဲ့ သည်းခံမှု၊ သဟဇာတဖြစ်မှု၊ တစ်ဦးနဲ့တစ်ဦး အပြန်အလှန် လေးစားမှုတွေနဲ့ ဆန့်ကျင်တာကြောင့် ဗြိတိန်ပြည်သူ အများစုက လက်ခံခြင်းမရှိကြောင်း ပြောကြားခဲ့ပါတယ်။

Ref : ABC