ကမ္ဘာ့အကြီးဆုံး ဘတ္ထရီဖြင့် သြစတေးလျတွင် မီးစပေး

ဒီဇင်ဘာ ၁၊ ၂၀၁၇
M-Media

– သြစတေးလျနိုင်ငံက ကမ္ဘာ့အကြီးဆုံး လစ်သီယံဘတ္ထရီက ထွက်တဲ့ လျှပ်စစ်ဓာတ်အားကို နိုင်ငံတောင်ပိုင်းက ပင်မဓာတ်အားလိုင်းထဲကို စတင် ထည့်သွင်း အသုံးပြုပြီလို့ သိရပါတယ်။

Tesla က ဖန်တီးတည်ဆောက်ပြီး မဂ္ဂါဝပ် ၁၀၀ ထုတ်လုပ်ပေးနိုင်မယ့် အဲဒီ ဘတ္ထရီကို ပူပြင်းလွန်းတဲ့ ရာသီဥတုကြောင့် ကြာသာပတေးနေ့မှာ စတင်အသုံးပြုခဲ့တာ ဖြစ်ပေမယ့် သောကြာနေ့ကမှ တရားဝင်ဖွင့်လှစ်တာပါ။

တောင်သြစတေးလျပြည်နယ်မှာ လျှပ်စစ်ပြဿနာကို မကြာခဏ ကြုံတွေ့ရတာကြောင့် Telsa ပိုင်ရှင် အေလွန် မက်စ်က ဓာတ်အား ထုတ်လုပ်ပေးနိုင်မယ့် လစ်သီယံ ဘတ္ထရီကြီးကို ရက်ပေါင်း ၁၀၀ အတွင်း အပြီးဆောက်ပေးမယ်လို့ ကတိပေးခဲ့တာဖြစ်ပါတယ်။ အေလွန်မက်စ်ဟာ ဒီကတိကို အောင်မြင်အာင် အကောင်အထည် ဖော်နိုင်ခဲ့ပါတယ်။

“ကျွန်တော်တို့ သမိုင်းသစ်တစ်ခု ရေးထိုးနိုင်ခဲ့တာပါ” လို့ တောင်သြစတေးလျ အုပ်ချုပ်ရေးမှူး ဂျေး ၀ဲသာရီလ်က ဒီကနေ့မှာ ပြောကြားခဲ့ပြီး ပြီးခဲ့တဲ့နှစ်က ဖြစ်ခဲ့သလို ပြည်နယ်တစ်ခုလုံး မီးပျက်တဲ့အဖြစ်ဆိုးမျိုးကို ထပ်ပြီး ကြုံတွေ့ရမှာမဟုတ်တော့ဘူးလို့လည်း ဆိုပါတယ်။

အေလွန်မက်စ်ကတော့ ဒီ ဘတ္ထရီကြီးဟာ နောက်ထပ်ဆောက်လုပ်မယ့် ကမ္ဘာ့အကြီးဆုံး ဘတ္ထရီကြီးထက် ၃ ဆ ပိုအားကောင်းမယ်လို့ ပြောကြားခဲ့ပါတယ်။

တောင်သြစတေးလျက လျှပ်စစ်ဓာတ်အား ပြတ်တောက်မှုကို ကူညီနိုင်မလားလို့ Twitter စာမျက်နှာမှာ တစ်ယောက်က မေးခဲ့ပြီးတဲ့နောက်ပိုင်း အေလွန်မက်စ်က ကမ္ဘာ့အကြီးဆုံး ဘတ္ထရီကြီးနဲ့ ဓာတ်အားပေးနိုင်မယ့် အိုက်ဒီယာတစ်ခု ပေါ်ထွက်တာ ဖြစ်ပါတယ်။

Ref : BBC