နိုက်ဂျီးရီးယားဈေးတစ်ခုတွင် အသေခံဗုံးခွဲမှုကြောင့် လူ ၂၀ နီးပါး သေဆုံး

ဒီဇင်ဘာ ၂၊ ၂၀၁၇
M-Media

– နိုက်ဂျီးရီးယားနိုင်ငံ အရှေ့မြောက်ပိုင်း ဘီအူမြို့ရှိ ဈေးတစ်ခုတွင် ဘိုကိုဟရမ် အကြမ်းဖက်သမားများဟု ယူဆရသူများက အသေခံဗုံးခွဲမှုကြောင့် အနည်းဆုံး ၁၇ ဦး သေဆုံးခဲ့သည်ဟု သိရသည်။

ယနေ့မနက်ပိုင်းတွင် ဖြစ်ပွားခဲ့ခြင်းဖြစ်ပြီး ဒဏ်ရာရသူ ၄၇ ဦးအနက် အများစုမှာ စိုးရိမ်ရသည့်အနေအထား ရှိနေသည်။

နိုက်ဂျီးရီးယားရှိ လူစည်ကားသည့်နေရာများတွင် တိုက်ခိုက်မှုများကို ဘိုကိုဟရမ် အကြမ်းဖက်အဖွဲ့က လုပ်ဆောင်လေ့ရှိပြီး ယခု လုပ်ရပ်မှာ ၎င်းတို့လက်ချက် ဖြစ်နိုင်သည်ဟု နိုက်ဂျီးရီးယား တာဝန်ရှိသူများက သုံးသပ်ကြသည်။

၂၀၀၉ ခုနှစ်မှစ၍ ဘိုကိုဟရမ်အဖွဲ့၏ တိုက်ခိုက်မှုကြောင့် အနည်းဆုံး လူပေါင်း ၂ သိန်းခန့် သေဆုံးခဲ့ပြီး ၁.၇ သန်းမှာ အိုးအိမ်စွန့်ခွာ ထွက်ပြေးခဲ့ရသည်။

ထိုအဖွဲ့ကို နှိမ်နှင်းရန် နိုက်ဂျီးရီးယားစစ်တပ်က စစ်ဆင်ရေးများကို တိုးမြှင့်လုပ်ဆောင်နေသော်လည်း နိုင်ငံအရှေ့မြောက်ပိုင်းတွင် ဘိုကိုဟရမ်က တန်ပြန်တိုက်ခိုက်မှုများ ပြုလုပ်လျက်ရှိနေသည်။

ဧပြီလမှစ၍ ဘိုကိုဟရမ်အဖွဲ့၏ တိုက်ခိုက်မှုကြောင့် နိုက်ဂျီးရီးယားတွင် သေဆုံးသူ ဦးရေမှာ အနည်းဆုံး ၄၀၀ ခန့် ရှိနေသည်ဟု Amnesty International က ထုတ်ပြန်ထားသည်။

Ref: Aljazeera