အင်ဂျင်နီယာဘက်တွင် အာရုံစိုက်မည့် ရုံးသစ်တစ်ခုက Facebook က လန်ဒန်တွင် ဖွင့်လှစ်

ဒီဇင်ဘာ ၄၊ ၂၀၁၇
M-Media

– ကမ္ဘာ့ထိပ်တန်း လူမှုကွန်ယက်တစ်ခုဖြစ်သော Facebook မှာ အင်္ဂလန်နိုင်ငံ လန်ဒန်မြို့၌ ရုံးခန်းအသစ်တစ်ခုကို ယနေ့တွင် ဖွင့်လှစ်ခဲ့ပြီး ဥရောပက ထွက်တော့မည့် ဗြိတိန်၏ စီးပွားရေးကို ပုံမပျက်စေရန် Facebook ၏ ကူညီဆာင်ရွက်မှုတစ်ခုလည်း ဖြစ်သည်။

အလုပ်အကိုင်ပေါင်း ၈၀၀ ကျော်ကို ဖန်တီးပေးမည့် အဆိုပါရုံးမှ လုပ်သားအင်အား ထက်ဝက်ကျော်ကို အင်ဂျင်နီယာနယ်ပယ်တွင် ပိုမိုအာရုံစိုက်စေမည်ဖြစ်ပြီး အမေရိကန်ပြင်ပတွင် Facebook ၏ အကြီးမားဆုံး အင်ဂျင်နီယာဌာနချုပ်အဖြစ် ဆောင်ရွက်ရန် ရည်ရွယ်သည်ဟုလည်း ဆိုသည်။

ဗြိတိန်၏ ဒစ်ဂျစ်တယ်စီးပွားရေး ဖွံ့ဖြိုးစေရန်အတွက် အဆိုပါရုံးတွင် လုပ်ငန်းစတင်သူများကို ပျိုးထောင်ပေးမည့် LDN_LAB ကိုလည်း ဖွင့်လှစ်ထားသည်။

၂၀၁၈ ခုနှစ် နှစ်ကုန်တွင် လန်ဒန်ရုံး၌ အလုပ်အကိုင်ပေါင်း ၂၃၀၀ ကျော် ဖန်တီးပေးနိုင်မည်ဟု Facebook က မျှော်မှန်းထားသည်။

ဗြိတိန်မှာ ဥရောပမှ နှုတ်ထွက်ရန် ဆောင်ရွက်နေသော်လည်း Google၊ Amazon နှင့် Faebook ကဲ့သို့ ဒစ်ဂျစ်တယ် ကုမ္ပဏီကြီးများမှာ လန်ဒန်တွင် ၎င်းတို့၏ လုပ်ငန်းများအား ချဲ့ထွင်မည့် အစီအစဉ်ကို နောက်မဆုတ်ပေ။

Google က လန်ဒန်တွင် ၀န်ထမ်း ၇၀၀၀ ကျော်ဖြင့် လည်ပတ်မည့် ကုမ္ပဏီသစ်တစ်တစ်ခု ထူထောင်မည်ဟု ပြီးခဲ့သည့်နှစ်တွင် ကြေငြာခဲ့သည်။

င်္Ref: Alarabiya