အစွန်းရောက်အယူအဆများ ရိုက်မသွင်းရန် ဗလီဆရာများကို မလေးဘုရင် သတိပေး

ဒီဇင်ဘာ ၁၄၊ ၂၀၁၇
M-Media

ဆူလ်တန် ရှာရာဖူဒင် အီဒရစ်ရှား

– အစ္စလာမ်သာသနာကနေ သွေဖည်တဲ့ အစွန်းရောက်တရားတွေ၊ အတွေးအခေါ်တွေကို မဟောကြားဖို့အတွက် မလေးရှားနိုင်ငံ ဆီလန်ဂေါပြည်နယ်ဘုရင် ဆူလ်တန် ရှာရာဖူဒင် အီဒရစ်ရှားက မနေ့မှာ အမိန့်ထုတ်ပြန်လိုက်ပါတယ်။

ပြည်နယ်အတွင်းက ဗလီဝတ်ကျောင်းတော်တစ်ချို့မှာ ရှေ့ဆောင်အီမာမ်တွေနဲ့ ဘာသာရေးဆရာတွေဟာ အစ္စလာမ်ရဲ့ စစ်မှန်တဲ့သင်ကြားချက်နဲ့ ဆန့်ကျင်ပြီး မွတ်စလင်တွေကြားမှာ သွေးကွဲစေမယ့် အတွေးအခေါ်တွေ ရိုက်သွင်းနေတယ်လို့ သတင်းတွေထွက်လာပြီးတဲ့နောက် ဆူလ်တန် အီဒရစ်ရှားက ဒီလို တားမြစ်လိုက်တာပါ။

ပြည်နယ်အတွင်းက အစ္စလာမ်ဘာသာရေးသင်ခန်းစာတွေကို စောင့်ကြည့်ဖို့၊ တရားဟောဆရာတွေ သမာသမတ်ကျရေး စောင့်ကြည့်ဖို့လည်း သာသနာရေးဆိုင်ရာ အာဏာပိုင်တွေကို ဘုရင်က တိုက်တွန်းခဲ့ပါတယ်။

“လူသတ်ခြင်းဟာ အလ္လာဟ်အရှင်မြတ်က တောင်းဆိုတဲ့ ဂျီဟတ်မျိုးဖြစ်တယ်ဆိုတဲ့ ပုံစံမျိုး အယုံသွင်းကာ လူတွေရဲ့ ယုံကြည်မှုကို သွေဖည်သွားစေမယ့် ကိစ္စမျိုး မွတ်စလင်အုပ်စုတစ်ချို့က လုပ်နေတယ်လို့ သိရပါတယ်။ မွတ်စလင်တွေကြားထဲမှာ ဒီလိုအတွေးအခေါ်မျိုး ပြန့်နှံ့သွားမယ်ဆိုရင် တစ်ယောက်နဲ့တစ်ယောက်
သတ်ကြဖြတ်ကြနဲ့ ပင်လယ်ကွေ့နိုင်ငံတစ်ချို့မှာ ဖြစ်သလိုမျိုး စည်းလုံးညီညွတ်မှု ပျက်ပြားမှာ ဖြစ်တာကြောင့် တော်တော်လေးကို အန္တရာယ်ရှိတဲ့ အတွေးအခေါ်မျိုးပါ။ ပြည်နယ်က တာဝန်ရှိ အစ္စလာမ်ဘာသာရေးအဖွဲ့အစည်းတွေဖြစ်ကြတဲ့ ဆီလန်ဂေါ အစ္စလာမ် သာသနာရေးရာကောင်စီ (Mais) နဲ့ ဆီလန်ဂေါ အစ္စ
လာမ့်ရေးရာဌာန (Jais) တို့အနေနဲ့ ဥပဒေကို ဆန့်ကျင်သူတွေ၊ ကျွန်ုပ်ရဲ့အမိန့်ကို မနာခံသူတွေကို ကြပ်ကြပ်မတ်မတ်နဲ့ အမြဲတမ်း ကိုင်တွယ်သွားရပါမယ်” လို့ ဘုရင်ကြီးက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

မလေးရှားအစ္စလာမ့်ရေးရာ ဖွံ့ဖြိုးရေးဌာန (Jakim) အနေနဲ့ ပြည်နယ်အတွင်းက အစ္စလာမ့်ရေးရာ ပေါ်လစီတွေကို အတည်ပြုမှု၊ အကောင်အထည်ဖော်မှု မလုပ်ခင်မှာ Mais ကို အသိပေးဖို့လည်း တိုက်တွန်းခဲ့ပါတယ်။

ပြည်ထောင်စုအဖွဲ့အစည်းတစ်ခုဖြစ်တဲ့ Jakim ဟာ ပြည်နယ်တစ်ခုချင်းစီက ကိစ္စတွေမှာ အကန့်အသတ်နဲ့သာ ပါဝင်ခွင့်ပြီး ပြည်နယ်ဘုရင်တွေကသာ လုပ်ပိုင်ခွင့် အပြည့်ရှိနေတာ ဖြစ်ပါတယ်။

ဆီလန်ဂေါပြည်နယ်အတွင်းမှာ အစ္စလာမ့်ရေးရာ အမှုတော်ထမ်းနေကြသူတွေအနေနနဲ့ Mais က ချမှတ်တဲ့ပေါ်လစီတွေ၊ စည်းမျဉ်းတွေကို လိုက်နာဖို့လည်း ဆူလ်တန် အီဒရစ်ရှားက သတိပေးခဲ့ပါတယ်။

Ref : Free Malaysia Today