ဆော်ဒီအိမ်ရှေ့မင်းသား လာလည်ရန် အစ္စရေးထောက်လှမ်းရေးအကြီးအကဲ ဖိတ်ခေါ်

ဒီဇင်ဘာ ၁၅၊ ၂၀၁၇
M-Media

– အစ္စရေး ထောက်လှမ်းရေးဝန်ကြီး ယစ်စရာအီလ် ကက်ဇ်မှာ ဆော်ဒီအိမ်ရှေ့မင်းသားအား အစ္စရေးသို့ လာရောက်လည်ပတ်ရန် ဖိတ်ခေါ်ခဲ့သည်ဟု အစ္စရေးနေ့စဉ်သတင်းစာ Haaretz က ဖော်ပြခဲ့သည်။

ယူကေအခြေစိုက် သတင်းဝဘ်ဆိုက် Elaph နှင့် ယခုတစ်ပတ် အင်တာဗျူးတွင် ကက်ဇ်က ယခုကဲ့သို့ ဖိတ်ခေါ်ခဲ့ခြင်းဖြစ်ပြီး ထိုကိစ္စအတွက် ထောက်လှမ်းရေးဝန်ကြီးကလည်း Haaretz ကို အတည်ပြုခဲ့သည်။ သို့သော် Elaph က လူထုအား ဖော်ပြသော အင်တာဗျူးတွင် ထိုအပိုဒ်ကို ချန်လှပ်ထားခဲ့သည်။

ကက်ဇ်က ဆော်ဒီအိမ်ရှေ့မင်းသား မိုဟာမက် ဘင် ဆလ်မန်အား အာရပ်ကမ္ဘာ၏ ခေါင်းဆောင်ဖြစ်သည်ဟု အင်တာဗျူးတွင် ထည့်သွင်းပြောဆိုခဲ့ပြီး ပါလက်စတိုင်းနှင့် အစ္စရေး ငြိမ်းချမ်းရေးဆွေးနွေးမှုကို ဆော်ဒီ၏ ဦးစီးဦးဆောင်ပြုမှုအောက်တွင် ဆောင်ရွက်ရန်လည်း အကြံပြုခဲ့သည်။

ပြီးခဲ့သည့်တစ်ပတ်တွင် ဂျေရုစလင်ကို အစ္စရေးမြို့တော်အဖြစ် အမေရိကန်သမ္မတ ဒေါ်နယ်ထရမ့်က ကြေငြာခဲ့ပြီးနောက် ဆော်ဒီက ထိုဆုံးဖြတ်ချက်ကို လက်မခံကြောင်း၊ အရှေ့ဂျေရုစလင်ကို မြို့တော်အဖြစ်ထားသည့် ပါလက်စတိုင်းနိုင်ငံကို ထောက်ခံကြောင်း ပြောကြားခဲ့သည်။

သို့သော်လည်း ထရမ့်၏ အစ္စရေး-ပါလက်စတိုင်း ငြိမ်းချမ်းရေးအစီအစဉ်သစ်တစ်ခုကို အိမ်ဖြူတော်အကြံပေး ဂျရဒ် ကက်ရ်ှနာမှတစ်ဆင့် ဆော်ဒီအိမ်ရှေ့မင်းသားက ပါလက်စတိုင်းသမ္မတ မဟ်မူးဒ်အဘတ်စ်ကို တင်ပြခဲ့သည်ဟု သတင်းများလည်း ထွက်ပေါ်ခဲ့သည်။

ဆော်ဒီနှင့် အစ္စရေးတို့မှာ တရားဝင် သံတမန်ဆက်ဆံရေး မရှိသော်လည်း နှစ်နိုင်ငံ တာဝန်ရှိသူများမှာ ယခင်က အပြန်အလှန် ဖိတ်ခေါ်မှုများ ရှိခဲ့ဖူးသည်။

Ref: Aljazeera