ရခိုင်ကိစ္စအတွက် အနည်းဆုံး မြန်မာတာဝန်ရှိသူတစ်ဦး အရေးယူခံရမည်ဟု အမေရိကန်ပြော

ဒီဇင်ဘာ ၁၆၊ ၂၀၁၇
M-Media

အမေရိကန်နိုင်ငံခြားရေးဝန်ကြီး ရက်စ်တီလာဆန်

– ရခိုင်ပြည်နယ်က ရိုဟင်ဂျာတွေအပေါ် ကျူးလွန်မှုအတွက် တာဝန်ရှိသူ အနည်းဆုံး တစ်ဦးကို ပိတ်ဆို့အရေးယူမှုတွေ ပြုလုပ်သွားဖို့ စီစဉ်နေတယ်လို့ အမေရိကန်နိုင်ငံခြားရေးဝန်ကြီး ရက်စ်တီလာဆန်က မနေ့မှာ ပြောကြားလိုက်ပါတယ်။

လူ့အခွင့်အရေးချိုးဖောက်မှု၊ ခြစားမှုအတွက် နိုင်ငံရပ်ခြားက လူတစ်ဦးချင်းဆီကို ပစ်မှတ်ထား အရေးယူနိုင်တဲ့ အမေရိကန်ရဲ့ ဥပဒေအရ ထရမ့်အစိုးရဟာ အစောဆုံး နောက်တစ်ပတ်လောက်မှာ ဒီကိစ္စပတ်သက်ပြီး ထုတ်ပြန်လိမ့်မယ်လို့ မျှော်လင့်ရပါတယ်။

မြန်မာနိုင်ငံက ပိတ်ဆို့အရေးယူမှုခံရမယ့်သူဟာ ဘယ်သူဘယ်ဝါဆိုတာကို ရက်စ်တီလာဆန်က ထုတ်ဖော်ပြောကြားခြင်း မရှိပါဘူး။ ဒါဟာ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေး ကိစ္စတွေကြောင့် အရင်က လုပ်ထားတဲ့ ပိတ်ဆို့မှုတွေကို ပြီးခဲ့တဲ့နှစ်တွေအတွင်း ဖယ်ရှားပေးခဲ့ပြီးတဲ့နောက်ပိုင်း အမေရိကန်ရဲ့ မြန်မာနိုင်ငံနဲ့ပတ်သက်တဲ့ ပေါ်လစီပြောင်းလဲမှု အစလည်း ဖြစ်ပါတယ်။

ပိတ်ဆို့အရေးယူခံရမယ့်သူဟာ အမေရိကန်ရဲ့ ဘဏ္ဍာရေးစနစ်တွေမှာ ၀င်ရောက်ဆောင်ရွက်ခွင့် ရမှာမဟုတ်သလို၊ အမေရိကန်မှာ ပိုင်ဆိုင်မှုတွေရှိနေရင် အဲဒီပိုင်ဆိုင်မှုတွေလည်း အသိမ်းခံရမှာ ဖြစ်ပါတယ်။

သြဂုတ်လနှောင်းပိုင်းကစလို့ ရခိုင်ပြည်နယ်အတွင်း မတည်ငြိမ်မှုတွေကြောင့် ရိုဟင်ဂျာ ၆ သိန်းကျော်လောက် ဘင်္ဂလားဒေ့ရ်ှဖက်ကို ထွက်ပြေးရပြီးတဲ့နောက် ဒီကိစ္စမှာ တာဝန်ရှိတဲ့ မြန်မာစစ်ခေါင်းဆောင်တွေကို အရေးယူမယ်လို့ အမေရိကန်က ပြီးခဲ့တဲ့လမှာ ပြောကြားခဲ့ပါတယ်။

ရိုဟင်ဂျာတွေဟာ ‘လူမျိုးစုလိုက် သုတ်သင်မှုဒဏ်’ ခံစားနေရတယ်လို့လည်း အမေရိကန်က ပြောကြားခဲ့ပြီး မြန်မာအစိုးရနဲ့ စစ်တပ်တို့ကတော့ ဒါကို ငြင်းဆိုထားပါတယ်။

မနေ့က နယူးယောက်မြို့ ကုလရုံးချုပ်မှာ တီလာဆန်က သူတို့အနေနဲ့ မြန်မာနိုင်ငံမှာ ဖြစ်ပျက်နေတာကို ဆက်လက်စောင့်ကြည့်နေတယ်လို့ ပြောကြားခဲ့ပါတယ်။

“မြန်မာနိုင်ငံရဲ့ ဒီမိုကရေစီကို ကျွန်တော်တို့ အောင်မြင်ချင်တယ်။ ဒီပြဿနာတစ်ခုဟာ ဒီမိုကရေစီခရီးလမ်းအပေါ် ရိုက်ခတ်မှုရှိလာနိုင်လားဆိုတဲ့ တကယ့် စမ်းသပ်မှုကြီးပါပဲ” လို့ တီလာဆန်က ပြောကြားခဲ့ပါတယ်။

ဒီကိစ္စအတွက် အရေးယူရမယ့် လူတစ်ယောက်ကို အမေရိကန်က ဆုံးဖြတ်ထားပြီးဖြစ်ကာ၊ နောက်လူတွေကိုလည်း ဆန်းစစ်မှုတွေ ပြုလုပ်နေတယ်လို့ တီလာဆန်က ဆိုပါတယ်။

ရခိုင်ပြည်နယ်က သတင်းရယူမှုကိစ္စတစ်ခုနဲ့ အခုတစ်ပတ်အတွင်း ဖမ်းဆီးခံရတဲ့ Reuters သတင်းဌာနက သတင်းထောက်နှစ်ယောက်ကို ချက်ချင်းပြန်လွှတ်ပေးဖို့လည်း နိုင်ငံခြားရေးဝန်ကြီးက တိုက်တွန်းခဲ့ပါတယ်။

Ref: Washington Post