ယီမင်မှ ဒုံးကျည်ဖြင့်တိုက်ခိုက်မှု ဆော်ဒီက ကြားဖြတ်ဟန့်တားနိုင်ခဲ့

ဒီဇင်ဘာ ၁၉၊ ၂၀၁၇
M-Media

– ယီမင်မှာရှိတဲ့ ဟူသီသူပုန်တွေက မြို့တော်ရီယာ့ဒ်ကို ဒီနေ့မှာ ပစ်လွှတ်လိုက်တဲ့ ဒုံးကျည်ကို ကြားဖြတ် ဖျက်ဆီးခဲ့ရတယ်လို့ ဆော်ဒီအာရေဗျက ထုတ်ပြန်ပြောဆိုလိုက်ပါတယ်။

ဟူသီအဖွဲ့ရဲ့ ပြောရေးဆိုခွင့်ရှိသူ မိုဟာမက် အဘ်ဒူလ် ဆလမ်က သူတို့ဟာ ရီယာ့ဒ်မြို့က ဘုရင့်နန်းတော်ကို ပစ်မှတ်ထားခဲ့တာလို့ ပြောကြားခဲ့ပါတယ်။ ဒါဟာ နိုဝင်ဘာကစပြီး ဆော်ဒီကို ပစ်မှတ်ထားတိုက်ခိုက်တဲ့ ဟူသီတွေရဲ့ တတိယမြောက် တိုက်ချင်းပစ်ဒုံးကျည် ဖြစ်ပါတယ်။

နိုဝင်ဘာ ၄ ရက်နေ့မှာ မြို့တော်ရီယာဒ့်က ဘုရင်ခါလစ် နိုင်ငံတကာလေယာဉ်ကွင်းကို ပစ်မှတ်ထားတဲ့ ဒုံးကျည်တစ်စင်းကို ဆော်ဒီက ပစ်ချခဲ့ရပြီး ဒီကိစ္စမှာ အီရန်ပါတယ်လို့ ဆော်ဒီက စွပ်စွဲခဲ့ပါတယ်။

ဒီဇင်ဘာ ၁ ရက်နေ့ကလည်း ခါမစ်မြို့ကို ဦးတည်ကာ ဟူသီတွေက ဒုံးကျည်တစ်စင်း ပစ်လွှတ်ခဲ့ပြီး ဆော်ဒီက ကြားဖြတ်ဟန့်တားနိုင်ခဲ့ပါတယ်။

နိုဝင်ဘာလက အင်တာဗျူးမှာ အဘ်ဒူလ်ဆလမ်က ယီမင်စစ်ပွဲမှာ ဆော်ဒီပါဝင်မှုအတွက် သူတို့ဟာ ဆော်ဒီကုန်တွင်းပိုင်းကို ပစ်မှတ်ထားတဲ့ တိုက်ခိုက်မှုတွေ တိုးမြှင့်လုပ်ဆောင်သွားမယ်လို့ အလ်ဂျာဇီးရား သတင်းဌာနကို ပြောကြားခဲ့ပါတယ်။

၂ နှစ်တာ ကြာမြင့်လာပြီဖြစ်တဲ့ ယီမင်စစ်ပွဲအတွင်းမှာ ဒုံးကျည်ငယ် ဒါဇင်နဲ့ချီ ဆော်ဒီဖက်ကို ပစ်လွှတ်တာတွေ ရှိခဲ့ပြီး ဆော်ဒီနဲ့ အမေရိကန်ဦးဆောင်တဲ့ မဟာမိတ်အဖွဲ့ကလည်း ယီမင်က ဟူသီတွေကို လေကြောင်းကနေ ပစ်မှတ်ထား တိုက်ခိုက်ခဲ့ပါတယ်။

ယီမင်စစ်ပွဲအတွင်း အနည်းဆုံး လူပေါင်း တစ်သောင်းလောက် သေဆုံးခဲ့ရပြီး ငတ်မွတ်ခေါင်းပါးမှု၊ ရောဂါဘယဒဏ်တွေကိုလည်း ခံစားနေရပါတယ်။

Ref: Aljazeera