ပွဲတော်အကြို ခရစ်ယာန်ဘုရားကျောင်းများတွင် အီဂျစ်က လုံခြုံရေးတိုးမြှင့်

ဒီဇင်ဘာ ၂၀၊ ၂၀၁၇
M-Media

– ခရစ္စမတ်ပွဲတော်ကာလအတွင်းမှာ လူနည်းစု ခရစ်ယာန်တွေရဲ့ ဘုရားကျောင်းတွေကို လုံခြုံရေး တိုးမြှင့်ဖို့အတွက် အီဂျစ် ပြည်ထဲရေးဝန်ကြီးဌာနက အမိန့်ထုတ်ပြန်ထားတယ်လို့ သိရပါတယ်။

နိုင်ငံတစ်ဝှမ်းမှာရှိတဲ့ ခရစ်ယာန်ဘုရားကျောင်း ၂၆၂၆ ခုရဲ့ လုံခြုံရေးကို ၀န်ကြီးဌာနလက်အောက်မှာရှိတဲ့ အဖွဲ့အစည်းအားလုံးက ပူးပေါင်းဆောင်ရွက်သွားမယ်လို့ တာဝန်ရှိသူတစ်ဦးက ပြောကြားခဲ့ပါတယ်။

လုံခြုံရေးအစီအစဉ်မှာ ဘုရားကျောင်းတွေတင်မကဘဲ ခရစ်ယာန်အသင်းအဖွဲ့တွေရဲ့ အဆောက်အဦးတွေ၊ ခရစ်ယာန်ရပ်ကွက်တွေနဲ့ ပွဲတော်ကာလအတွင်း လူစည်းကားမယ့် အများပြည်သူနဲ့ သက်ဆိုင်တဲ့နေရာတွေလည်း ပါဝင်မှာ ဖြစ်ပါတယ်။

ကော့ပတစ်အများစုဖြစ်တဲ့ အီဂျစ်ခရစ်ယာန်လူ့အဖွဲ့အစည်းဟာ နိုင်ငံလူဦးရေရဲ့ ၁၅ ရာခိုင်နှုန်းလောက်ရှိတယ်လို့ ခန့်မှန်းရပါတယ်။

Read more : Alarabiya