မဲလ်ဘုန်းတွင် လူအုပ်ထဲသို့ ကားဖြင်ဝင်တိုက်မှုဖြစ်ပွားပြီး ၁၉ ဦး ဒဏ်ရာရ

ဒီဇင်ဘာ ၂၁၊ ၂၀၁၇
M-Media

– သြစတေးလျနိုင်ငံ မဲလ်ဘုန်းမြို့လယ်ကောင်တွင် လမ်းသွားလမ်းလာများအား ကားဖြင့် တမင်ဝင်တိုက်ခဲ့သူမှာ စိတ်ကျန်းမာရေးပြဿနာ မှတ်တမ်းရှိနေပြီး အကြမ်းဖက်ဝါဒနှင့် ဆက်စပ်မှုမရှိဟု သြစတေးလျ ရဲတပ်ဖွဲ့က ပြောကြားလိုက်သည်။

တိုက်ခိုက်သူမှာ အသက် ၃၂ နှစ်အရွယ် အာဖဂန်နွယ်ဖွားဖြစ်ပြီး ယနေ့နေ့လည်ပိုင်းတွင် ဓာတ်ရထားဂိတ်ရှိ လူအုပ်အတွင်းသို့ ကားဖြင့် ၀င်တိုက်ခဲ့ခြင်းဖြစ်သည်။ ကားထဲတွင် အခြားတစ်ဦးပါဝင်ပြီး ၎င်းမှာ ထိုအဖြစ်အပျက်အား ဗီဒီယိုဖြင့် မှတ်တမ်းတင်သူဖြစ်သည်။

၎င်းတို့နှစ်ဦးအား ရဲတပ်ဖွဲ့က ဖမ်းဆီးခဲ့ပြီး ဓားမြှောင်အများအပြားလည်း သိမ်းဆည်းရမိခဲ့သည်။ တိုက်ခိုက်မှုကြောင့် လူ ၁၉ ဦး ဒဏ်ရာရရှိခဲ့ပြီး ၄ ဦးမှာ စိုးရိမ်ရသည့် အနေအထားတွင် ရှိနေသည်။

ဗစ်တိုးရီးယားပြည်နယ် ရဲတပ်ဖွဲ့အကြီးအကဲ ရှိန်း ပတ္တန်က တိုက်ခိုက်သူမှာ ရဲမှတ်တမ်းရှိပြီး မူးယစ်ဆေးဝါးသုံးစွဲသူဖြစ်ကြောင်း၊ ၎င်းမှာ အကြမ်းဖက်ဝါဒနှင့် ဆက်စက်သည်ဆိုသည့် အချက်အလက်များကို ယခုအချိန်အထိ မတွေ့ရသေးကြောင်း ပြောကြားခဲ့သည်။

Ref: Aljazeera