ဂျေရုစလင်ကိစ္စ ထရမ့်ကို သင်ခန်းစာပေးရန် တူရကီတိုက်တွန်း

ဒီဇင်ဘာ ၂၁၊ ၂၀၁၇
M-Media

– ဒီကနေ့နှောင်းပိုင်းမှာလုပ်မယ့် ကုလရဲ့ အထွေထွေညီလာခံမှာ ဂျေရုစလင်ကိစ္စနဲ့ပတ်သက်ပြီး အမေရိကန်သမ္မတ ဒေါ်နယ်ထရမ့်ကို သင်ခန်းစာ ကောင်းကောင်းပေးဖို့ တူရကီသမ္မတ အာဒိုဂန်က နိုင်ငံတကာအသိုင်းအ၀ိုင်းကို တိုက်တွန်းဆော်သြလိုက်ပါတယ်။

ကုလအစည်းအဝေးမှာ အမေရိကန်ရဲ့ရပ်တည်ချက်ကို ဆန့်ကျင်တဲ့နိုင်ငံတွေကို မှတ်ထားမှာဖြစ်တယ်လို့ ကုလဆိုင်ရာ အမေရိကန်သံအမတ် နစ်ကီဟာလေးက ပြောကြားထားပြီး၊ ထရမ့်ကလည်း သူတို့ကိုဆန့်ကျင်ရင် အကူအညီပေးထားတာတွေ ရပ်တန့်မယ်လို့ ခြိမ်းခြောက်ခဲ့တာပါ။

“မစ္စတာထရမ့်ရေ – တူရကီရဲ့ ဒီမိုကရက်တစ်ဆန္ဒကို ခင်ဗျားရဲ့ဒေါ်လာတွေနဲ့ ၀ယ်လို့မရပါဘူး။ ကျုပ်တို့ရဲ့ ဆုံးဖြတ်ချက်က ပြတ်သားပါတယ်။ ခင်ဗျားတို့ ကြိုးစားပမ်းစားရထားတဲ့ ဒီမိုကရက်တစ်စံနှုန်း၊ ခင်ဗျားတို့ရဲ့ ဆန္ဒကို ပိုက်ဆံနဲ့မရောင်းပါနဲ့လို့ တစ်ကမ္ဘာလုံးကို ကျွန်တော် တိုက်တွန်းပါတယ်။ အမေရိကန်ဟာ သူတို့လိုချင်တဲ့အဖြေမျိုး အဲဒီ(ကုလ)ကနေ ရမှာမဟုတ်ဘူးလို့ ကျွန်တော်မျှော်လင့်ပြီး ကမ္ဘာကြီးက အမေရိကန်ကို သင်ခန်းစာကောင်းကောင်း ပေးမှာပါ” လို့ အန်ကာရာက ယဉ်ကျေးမှုဆိုင်ရာဆုပေးပွဲမှာ အာဒိုဂန်က ပြောကြားခဲ့ပါတယ်။

ဒီဇင်ဘာ ၆ ရက်နေ့မှာ ထရမ့်က ဂျေရုစလင်ကို အစ္စရေးမြို့တော်ဖြစ်ကြောင်း အသိအမှတ်ပြုခဲ့ပြီးတဲ့နောက် ကမ္ဘာတစ်ဝှမ်းက အမေရိကန်ကို ပြစ်တင်ဝေဖန်ခဲ့ပါတယ်။

အင်္ဂါနေ့က လုံခြုံရေးကောင်စီမှာ အမေရိကန်ရဲ့ ရပ်တည်ချက်ကို ပယ်ချဖို့ မူကြမ်းတစ်ခု တင်သွင်းခဲ့ပြီး အဖွဲ့ဝင် ၁၄ နိုင်ငံက ထောက်ခံခဲ့ပေမယ့် အမေရိကန်ရဲ့ ဗီတိုကြောင့် အတည်မပြုနိုင်ခဲ့ပါဘူး။

ဂျေရုစလင်ကိစ္စနဲ့ပတ်သက်ပြီး အမေရိကန်ရဲ့ ရပ်တည်ချက်ကို တူရကီက ပြင်းပြင်းထန်ထန် ဝေဖန်တုန့်ပြန်ထားပြီး အရှေ့ဂျေရုစလင်ကို အစ္စရေးမြို့တော်အဖြစ် ပြီးခဲ့တဲ့တစ်ပတ် အိုအိုင်စီအစည်းအဝေးက သတ်မှတ်မှုမှာ တူရကီက အဓိက အခန်းကဏ္ဍကနေ ပါဝင်ခဲ့ပါတယ်။

Ref: Aljazeera