အေမန် ဒါရ်ဘာလီ (သို့) ကူဘက်မြို့က သူရဲကောင်း

ဒီဇင်ဘာ ၂၁၊ ၂၀၁၇
M-Media

– အေမန် ဒါရ်ဘာလီတစ်ယောက် နောက်ဆုံးမှတ်မိတာတွေထဲက တစ်ခုဟာ ကူဘက်မြို့ဗလီမှာ ၀တ်ပြုဖို့ သူမတ်တပ်ရပ်နေတဲ့အချိန်မှာ သေနတ်သမားတစ်ယောက်က သူ့ဘေးနားမှာရှိနေတဲ့ ၀တ်ပြုသူတွေကို သေနတ်နဲ့ပစ်တဲ့ အခိုက်အတန့်ဖြစ်ပါတယ်။

ဒါပေမယ့် သားသမီး ၃ ယောက်ဖခင် အေမန်ဟာ မတုန်လှုပ်ခဲ့ဘဲ တစ်ခြားဝတ်ပြုသူတွေရဲ့အသက်ကို ကယ်တင်ဖို့အတွက် သေနတ်သမားက သူ့ကို အာရုံ စိုက်လာအောင် လုပ်ခဲ့ပါတယ်။

“မတုန်လှုပ်ဖို့၊ ထွက်မပြေးဖို့ ကျွန်တော် ကြိုးစားခဲ့ပါတယ်။ အာရုံစုစည်းပြီး သူ တစ်ခြားလူတွေကို မပစ်အောင် ကျွန်တော် ကြိုးစားခဲ့ပါတယ်။ တစ်ခြားလူတွေကို တစ်ခုခုမကူညီဘဲ ကိုလွတ်ရုန်းပြီး ပြေးတာထက် တစ်သက်လုံး ဒီလို ဒုက္ခိတဘ၀နဲ့နေရတာကို ကျွန်တော်ပိုပြီး ကျေနပ်ပါတယ်” လို့ အေမန်က The Globe and Mail ကို ပြောကြားခဲ့ပါတယ်။

ကူဘတ်ဗလီဝတ်ကျောင်းတော်မှာ ဇန်န၀ါရီ ၂၉ ရက်နေ့က ဖြစ်ပွားခဲ့တဲ့ အဲဒီတိုက်ခိုက်မှုမှာ မွတ်စလင် ၆ ဦး သေဆုံးခဲ့ပါတယ်။

အေမန်ဟာ အချက်ပေါင်းများစွာ အနီးကပ်ပစ်ခတ်ခံခဲ့ရပြီး ကူဘတ်စီးတီးက ဆေးရုံမှာ ၂ လလောက် သတိမရဘဲ ကိုးမားဝင်ခဲ့ပါတယ်။

သတိရလာတဲ့အခါမှာတော့ ဘယ်တော့မှ လမ်းမလျှောက်နိုင်ဘူးဆိုတာ အေမန်တစ်ယောက် သိရှိခဲ့ရပါတယ်။

သူရဲကောင်း

အခုအချိန်မှာတော့ ကနေဒါ ပြည်သူတွေဟာ ဘီးတပ်ကုလားထိုင်နဲ့ အသက်ဆက်ရှင်ရတော့မယ့် အေမန်ကို ကူညီဖို့အတွက် အလှူငွေတွေ ထည့်ဝင်နေကြပါတယ်။ အေမန်ဟာ လက်ရှိအချိန်အထိ ဆေးကုသမှု ခံယူနေရသူဖြစ်ပြီး သူ နေရထိုင်ရ အဆင်ပြေမယ့် အိမ်သစ်ကို မိသားစုနဲ့အတူ ရွှေ့ပြောင်းခဲ့ရပါတယ်။

“သူဟာ တကယ့်သူရဲကောင်းတစ်ဦးပါ” လို့ အိုတာဝါအခြေစိုက် မွတ်စလင်အကူအညီပေးရေးအဖွဲ့ DawaNet က အေမီရာ အလ်ဂါဝါဘီက ပြောကြားခဲ့ပါတယ်။ သူတို့အဖွဲ့က ဦးဆောင်ပြီး အေမန်ကို ထောက်ပံ့ဖို့ အလှူငွေတွေ ကောက်ခံနေတာပါ။

“သူဟာ ၇ ချက် အပစ်ခံခဲ့ရပြီး ကျည်နှစ်တောင့်က သူ့ရဲ့ နာ့ဗ်ကျောမကြီးထဲဝင်သွားကာ လုံးဝ ပြန်ထုတ်လို့ မရတော့ပါဘူး။ အောက်ပိုင်းသေသွားခဲ့ပြီး ဒီဖြစ်ရပ်ဆိုး ဖြစ်ခဲ့ပြီးကတည်းက သူဟာ ပြန်လည်ထူထောင်ရေးစင်တာမှာ နေထိုင်ခဲ့ရပါတယ်”

အေမန်ရဲ့ဇနီးနဲ့ ကလေး ၃ ဦးဟာ လက်ရှိ ကူဘတ်စီးတီးက တိုက်ခန်းငယ်လေးတစ်ခုမှာ နေထိုင်နေရပါတယ်။

“သွားရလာရ တော်တော်ခက်ခဲတဲ့နေရာပါ။ အရေးပေါ်အခြေအနေမျိုး ဖြစ်ပြီဆိုရင် ဥပမာအားဖြင့် မီးလောင်ပြီဆိုရင် ဘေးလွတ်ရာကို ရွှေ့ပြောင်းဖို့ ထွက်ပေါက်မရှိပါဘူး” လို့ အလ်ဂါဝါဘီက ဆိုပါတယ်။

DawaNet မှာ လွှင့်တင်ထားတဲ့ ဗီဒီယိုမှာ အေမန်က သူ့ရဲ့အခြေအနေဟာ နေ့စဉ် တိုးတက်နေတယ်လို့ ပြောကြားခဲ့ပါတယ်။

“ကျွန်တော့်ရဲ့လက်တွေကို လှုပ်ရှားလို့ ရလာပြီး၊ ကြွက်သားလေ့ကျင့်ခန်းတွေလည်း လုပ်နေပါတယ်” လို့ အေမန်က ပြောကြားခဲ့ပြီး သူ့ရဲ့ ကျန်းမာရေးအခြေအနေကို တခုတ်တရ မေးမြန်းကြသူတွေကို ကျေးဇူးတင်ကြောင်း အေမန်က ဗီဒီယိုမှာ ထည့်သွင်းပြောကြားခဲ့ပါတယ်။

ဗုဒ္ဓဟူးနေ့အထိ အေမန်အတွက် ထည့်ဝင်ကြတဲ့ အလှူငွေပမာဏဟာ ကန်ဒေါ်လာ ၃၃၈၀၀ ရှိနေပါတယ်။

ကမကထလုပ်သူတွေကတော့ ဘီးတပ်ကုလားထိုင်နဲ့ နေထိုင်ရ အဆင်ပြေမယ့် အိမ်အသစ်ကို ရွှေ့ပြောင်းနိုင်ရေး ကူညီပေးဖို့အတွက် ကန်ဒေါ်လာ ၃၁၁၀၀၀ လောက်ရဖို့ မျှော်လင့်နေပါတယ်။

တိုက်ခိုက်ခံရတဲ့ ကူဘတ်ဗလီဝတ်ကျောင်းတော်အနီးမှာ နေထိုင်ရဖို့ဟာ သူ့အတွက်အရေးကြီးတယ်လို့ အေမန်က ပြောကြားခဲ့ပါတယ်။

“သူ့ရဲ့နှလုံးသားဟာ အဲဒီနေရာပဲ ရှိနေတာပါ။ ဒီဖြစ်ရပ်ဆိုးကြီး ဖြစ်ခဲ့ပေမယ့် သူဟာ ဒေသတွင်းလူ့အဖွဲ့အစည်းနဲ့ တော်တော်လေး ဆက်နွယ်မှုရှိပြီး သူ့ရဲ့ ညီအစ်ကိုမောင်နှမတွေကလည်း ဒီနေရာမှာ ရှိနေတာပါ။ သူ့ရဲ့ဘ၀ကို မြှင့်တင်ပေးဖို့၊ သူရဲကောင်းတစ်ဦးအဖြစ် ဆက်ရှိနေဖို့ ကျွန်မတို့အားလုံးအပေါ်မှာ မူတည်နေပါတယ်” လို့ အလ်ဂါဝါဘီက ပြောကြားခဲ့ပါတယ်။

အမုန်းရာဇ၀တ်မှု

ကူဘတ်နဲ့ ကနေဒါတစ်ဝှမ်းက မွတ်စလင်လူ့အဖွဲ့အစည်းတွေဟာ ဖြစ်ပျက်ခဲ့တာတွေနဲ့ပတ်သက်ပြီး စိတ်သောက ရောက်နေကြပါတယ်။

ကူဘတ်ဗလီ တိုက်ခိုက်ခံရမှုနဲ့ပတ်သက်ပြီး ကူဘတ်တက္ကသိုလ်ကျောင်းသားတစ်ဦးဖြစ်တဲ့ အလက်ဇန်ဒရီ ဘစ်ဆွန်နတီကို ဖမ်းဆီးကာ လူသတ်မှုစွဲချက် ၆ ခု၊ လူသတ်ရန်ကြံစည်မှု စွဲချက် ၅ ခုနဲ့ တရားစွဲဆိုထားပါတယ်။

အဲဒီ ဆိုးဆိုးဝါးဝါး တိုက်ခိုက်မှု တစ်နှစ်တာ ကြာမြင်ခဲ့ပေမယ့် ကူဘတ်စီးတီး တာဝန်ရှိသူတွေက ၂၀၁၇ ခုနှစ်အတွင်း ဒေသတွင်း မွတ်စလင်လူ့အဖွဲ့အစည်းကို ပစ်မှတ်ထားတဲ့ အမုန်းဖြစ်ရပ်တွေ မြင့်တက်လာတယ်လို့ သတိပေးခဲ့ပါတယ်။

မြို့ရဲ့ ရဲတပ်ဖွဲ့အကြီးအကဲ ရောဘတ်ပစ်ဂျင်က ဒီတိုက်ခိုက်မှုဖြစ်ပွားပြီးနောက်ပိုင်း မြို့တွင်းက မွတ်စလင်လူ့အဖွဲ့အစည်း၊ မွတ်စလင်အသင်းအဖွဲ့တွေကို ပစ်မှတ်ထားတဲ့ အမုန်းရာဇ၀တ်မှုဟာ ၂ဆလောက် မြင့်တက်လာတယ်လို့ ဆိုပါတယ်။

ဒီနှစ်အတွင်း အခုအချိန်အထိ ကူဘတ်မြို့အတွင်း အမုန်းအခြေခံတိုက်ခိုက်မှု ၇၁ ခု ဖြစ်ခဲ့ပြီး ၄၂ ခုက မွတ်စလင်တွေကို ပစ်မှတ်ထားတာ ဖြစ်တယ်လို့ ပစ်ဂျစ်ရဲ့ပြောကြားမှုကို ကိုးကားပြီး CBC News က ဖော်ပြခဲ့ပါတယ်။

ပြီးခဲ့တဲ့နှစ်အတွင်း အမုန်းအခြေခံတိုက်ခိုက်မှု ၅၇ ခုနှစ်မှာ ၂၁ ခုက မွတ်စလင်တွေကို တိုက်ရိုက်ပစ်မှတ်ထားတာဖြစ်ပါတယ်။

အလ်ဂါဝါဘီက အေမန်ရဲ့ ဇာတ်လမ်းဟာ ‘အမုန်းနဲ့ ရင်ဆိုင်ရတဲ့အခါ သူရသတ္တိနဲ့ စွန့်လွှတ်အနစ်နာခံမှုရဲ့ အံ့ချီးဖွယ်ပြယုဂ်ဖြစ်တယ်’ လို့ ဆိုပါတယ်။

“အမုန်းကို ရင်ဆိုင်ဖို့ အကောင်းဆုံးနည်းလမ်းက မေတ္တာတရားဖြစ်ပါတယ်။ အေမန်နဲ့ သူ့ရဲ့ မိသားစုကိုအပေါ် ရွာသွန်းဖြိုးလာတဲ့ မေတ္တာမိုးဟာ တကယ့်ကို မျှော်လင့်ချက် တစ်စုံတရာပါပဲ”

Ref: Aljazeera