မာရသွန်ပြေးပြီး ပြည်သူ့ကျန်းမာရေးအတွက် ဒေါ်လာ ၃၃ သန်းရှာခဲ့တဲ့ ထိုင်းရော့ခ်ကာ

ဒီဇင်ဘာ ၂၆၊ ၂၀၁၇
M-Media

– ထိုင်းနိုင်ငံက နာမည်ကြီး ရော့ခ်အဆိုတော် အာတီဝါရာ အာကာဟာ ၅၅ ရက်ကြာ မာရသွန်ပြေးကာ ပြည်သူ့ကျန်းမာရေးအတွက် ရန်ပုံငွေ ကန်ဒေါ်လာ ၃၃.၆ သန်း (ဘတ် ၁.၁ ဘီလီယံ) ရှာဖွေနိုင်ခဲ့တယ်လို့ သိရပါတယ်။

Toon Bodyslam လို့ လူသိများတဲ့ သူဟာ နိုဝင်ဘာ ၁ ရက်နေ့က ယာလာပြည်နယ် ဘီတွန်မြို့ကနေ စတင် တာထွက်ခဲ့တာဖြစ်ပြီး တနင်္လာနေ့က နယ်စပ်မြို့ မယ်ဆိုင်မှာ ပန်းဝင်ခဲ့တာပါ။

အာတီဝါရာက သူ့ရဲ့ခရီးစဉ်အတွင်းမှာ တတ်နိုင်သလောက် ပါဝင်လှူဒါန်းကြဖို့ ထိုင်းနိုင်ငံသားတွေကို တိုက်တွန်းခဲ့ပြီး မူလက ဘတ် သန်း ၇၀၀ ရရှိအောင် ရည်ရွယ်ခဲ့ပေမယ့် ဒီထက်ပိုများကာ ဘတ် ၁.၁ ဘီလီယံအထိ ရရှိခဲ့တာ ဖြစ်ပါတယ်။

ဒီအလှူငွေတွေကို နိုင်ငံတစ်ဝှမ်းက ဆေးရုံပေါင်း ၁၁ ခုမှာ လိုအပ်တဲ့ ဆေးဘက်ဆိုင်ရာ ကိရိယာတွေ ၀ယ်ဖို့ လှူဒါန်းသွားမှာ ဖြစ်ပါတယ်။

မယ်ဆိုင်မှာ ပန်းဝင်ခဲ့တဲ့ အာတီဝါရာကို ပြည်သူတွေက နွေးထွေးစွာ ကြိုဆိုခဲ့ကြပါတယ်။

Ref: Bannkok Post