မိသားစုလက်ဆုံစားမှုက ကလေးငယ်များ၏ လူမှုဆက်ဆံရေးကို အထောက်ကူဖြစ်နိုင်

ဒီဇင်ဘာ ၂၆၊ ၂၀၁၇
M-Media

– အသက် ၆ နှစ်အရွယ်မှာ မိသားစုဝင်တွေနဲ့ မကြာခဏ လက်ဆုံစားတတ်တဲ့ ကလေးငယ်တွေဟာ ဒီလို အလေ့အကျင့်မရှိတဲ့ ကလေးတွေထက် ပိုပြီး လူမှုဆက်ဆံရေးကောင်းတာ၊ ကြံ့ခိုင်မှုရှိတာ စတဲ့ အကျိုးကျေးဇူးတွေကို ရရှိတယ်လို့ ကနေဒါက လေ့လာမှုတစ်ခုမှာ တွေ့ခဲ့ရပါတယ်။

Université de Montréal တက္ကသိုလ်က ပညာရှင် လင်ဒါ ပါဂါနီနဲ့ သူတို့အဖွဲ့က လေ့လာမှုရလဒ်ကို Developmental & Behavioral Pediatrics ဂျာနယ်မှာ ဖော်ပြခဲ့တာ ဖြစ်ပါတယ်။

၁၉၉၇ ခုနှစ်နဲ့ ၁၉၉၈ ခုနှစ်အကြား မွေးဖွားတဲ့ ကလေးငယ်ပေါင်း ၁၄၉၂ ဦးကို သုတေသနမှာ ပါဝင်စေပြီး အသက် ၅ လအရွယ်ကနေ စတင်လေ့လာခဲ့တာဖြစ်ပါတယ်။

အသက် ၆ နှစ်အရွယ်မှာ မိသားစုအနေနဲ့ သူတို့ရဲ့ လက်ဆုံစားမှု အနေအထားကိုပါ လင်ဒါတို့အဖွဲ့က စောင့်ကြည့်ခဲ့ပြီး ဒီအလေ့အကျင့်က ကလေးငယ်တွေရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာအပေါ် ရိုက်ခတ်မှုကို သုံးသပ်ခဲ့ပါတယ်။

မိသားစုနဲ့ ပုံမှန် လက်ဆုံစားလေ့ရှိတဲ့ ကလေးငယ်တွေဟာ အသက် ၁၀ နှစ်အရွယ်ရောက်တဲ့အခါ ဒီလိုအလေ့ကျင့် မရှိတဲ့သူတွေထက် ပိုပြီး လူပေါင်းဆံ့တာ၊ ကြံ့ခိုင်မှုပိုကောင်းတာ၊ အချိုရည် သောက်သုံးမှု နည်းလာတာကို တွေ့ခဲ့ရတယ်လို့ ဆိုပါတယ်။

လင်ဒါက ထမင်းစားပွဲမှာ မိဘတွေနဲ့ အတူတူ စားသုံးတာဟာ ကလေးငယ်တွေအတွက် လူမှုဆက်ဆံရေး အခွင့်အလမ်းကောင်းတစ်ခုကို ရရှိစေပြီး နေ့စဉ်ကိစ္စတွေ၊ ပြဿနာတွေကို အပြန်အလှန် ဆွေးနွေးတိုင်ပင်ခွင့်ရတယ်လို့ ပြောကြားခဲ့ပါတယ်။

“အပြုသဘောဆောင်တဲ့ ပြောဆိုဆက်ဆံမှုက မိသားစုပြင်ပမှာ ကလေးငယ်တွေရဲ့ လူမှုဆက်ဆံရေးကို အထောက်အကူဖြစ်စေနိုင်ပါတယ်”

မိသားစု လက်ဆုံစားမှုနဲ့ပတ်သက်ပြီး ၂၀၁၁ ခုနှစ်က ပြုလုပ်ခဲ့တဲ့ လေ့လာမှုမှာ အဲဒီအလေ့အကျင့်ရှိတဲ့ ကလေးငယ်တွေဟာ အခြား ကလေးတွေထက် အ၀လွန်နှုန်းကျဆင်းတာကို တွေ့ခဲ့ရပါတယ်။

လင်ဒါကတော့ ယနေ့ခေတ်မှာ မိသားစု လက်ဆုံစားတဲ့ဓလေ့ ပျောက်ဆုံးလာတာကို သတိပေးခဲ့ပြီး သူတို့ရဲ့ လ့လာမှုက ကလေးငယ်တွေရဲ့ ဖွံ့ဖြိုးတိုးတက်မှုအတွက် ဆောင်ရွက်ရာမှာ အကူအညီဖြစ်စေမယ်လို့ မျှော်လင့်နေပါတယ်။

Ref: Medical News Today