အမေရိကန်၏ ဂျေရုစလင် ရပ်တည်ချက်အတွက် ဟားမက်စ်ခေါင်းဆောင် သတိပေး

ဒီဇင်ဘာ ၂၇၊ ၂၀၁၇
M-Media

ဟားမက်စ်ခေါင်းဆောင် အစ္စမေးလ် ဟာနီယာ

– အရှေ့ဂျေရုစလင်အစား ဆင်ခြေဖုံးရှိ အဘူဒစ်မြို့အား ပါလက်စတိုင်းမြို့တော်အဖြစ် သတ်မှတ်ရန် အမေရိကန်က ကမ်းလှမ်းခဲ့ဖူးပြီး ၎င်းတို့ရပ်တည်ချက်အား သတိထားရန် ဟားမက်စ်ခေါင်းဆောင် အစ္စမေးလ် ဟာနီယာက ပြောကြားလိုက်သည်။

ယမန်နေ့က ဂါဇာတွင် ပါလက်စတိုင်း မျိုးနွယ်စုခေါင်းဆောင်များ တွေ့ဆုံပွဲ၌ ဟာနီယာက ဂျေရုစလင်ကို အစ္စရေးမြို့တော်အဖြစ် ကြေငြာမှုမှာ ပါလက်စတိုင်းတို့၏ ရည်မှန်းချက်ကို ဖျက်ဆီးပစ်ရန် ပရိယာယ်ဆင်ခြင်းဖြစ်သည်ဟု ဆိုသည်။

“ဂျေရုစလင်ကိုစွန့်ခိုင်းပြီး အဘူဒစ်ဒေသမှာ မြို့တော် ဒါမှမဟုတ် နေရာတစ်ခုပေး – အလ်-အက်ဆာဗလီမှာ လွတ်လပ်စွာ ၀တ်ပြုခွင့်ပေးမယ်ဆိုတဲ့ အချက်နဲ့ အယောင်ပြကာ ပါလက်စတိုင်းအာဏာပိုင်အဖွဲ့ကို တစ်နည်းမဟုတ်၊ တစ်နည်းနဲ့ ကမ်းလှမ်းမှုတွေ လုပ်ခဲ့တယ်။ ဆက်လည်း လုပ်နေမှာပါ”

လက်ရှိတွင် အမေရိကန်သမ္မတ ဒေါ်နယ်ထရမ့်၏ သားမက်နှင့် အိမ်ဖြူတော်အကြံပေးဖြစ်သူ ဂျရတ် ကက်ရ်ှနာက ဦးဆောင်ကာ အစ္စရေး-ပါလက်စတိုင်း ငြိမ်းချမ်းရေးလုပ်ငန်းစဉ် ပြန်လည်စတင်ရေးအတွက် ဖြစ်နိုင်ချေများကို ရှာဖွေနေသည်။

ဟာနီယာက ဒေသတွင်းအဖွဲ့များမှာ အနောက်ဖက်ကမ်းကို ၃ ပိုင်းခွဲရန်နှင့် ဂါဇာကမ်းမြှောင်တွင် ကိုယ်တိုယ် ကိုင်တွယ်ထိန်းချုပ်နိုင်မည့် နိုင်ငံရေးအသိုင်းအ၀ိုင်းတစ်ခု ဖန်တီးရန် ဆောင်ရွက်နေကြောင်း၊ ဂျေရုစလင်ကိစ္စ အမေရိကန်၏ ရပ်တည်ချက်ကြောင့် ပါလက်စတိုင်းနှင့် ဂျော်ဒန်တို့အကြား ဆက်ဆံရေးကို အန္တရာယ် ရှိလာစေနိုင်ကြောင်း ထည့်သွင်းပြောဆိုခဲ့သည်။

ထို့ပြင် ‘ယခုရာစု၏ ဆုံးဖြတ်ချက်’ ဟု အမေရိကန်က ကြေငြာထားသည့် ဂျေရုစလင်ဆုံးဖြတ်ချက်တွင် ပါဝင်သူများကိုလည်း ၎င်းက သတိပေးခဲ့သည်။

သမ္မတအဘတ်စ်၏ ဖာတာအဖွဲ့နှင့် ဟားမက်စ်တို့အကြား သဘောထားကွဲလွဲမှုနှင့် စပ်လျဉ်း၍ ဟာနီယာက တစ်မျိုးသားလုံးကိစ္စကို နှစ်မြှုပ်ဆောင်ရွက်နိုင်ရန်အတွက် ပြည်တွင်း နိုင်ငံရေးကိစ္စများကို အလျင်အမြန် ဖြေရှင်းရန် လိုအပ်သည်ဟုလည်း ထည့်သွင်းပြောဆိုခဲ့သည်။

Ref: Aljazeera