IS အကြမ်းဖက်အဖွဲ့က ကဘူးလ်ရှိ ရှီအာယဉ်ကျေးမှုစင်တာကို ဗုံးခွဲ၊ လူ ၄၀ သေဆုံး

ဒီဇင်ဘာ ၂၈၊ ၂၀၁၇
M-Media

– မြို့တော်ကဘူးလ်ရှိ ရှီအာမွတ်စလင်များ၏ ယဉ်ကျေးမှုးစင်တာအား IS အကြမ်းဖက်အဖွဲ့က တိုက်ခိုက်မှုကြောင့် အနည်းဆုံး လူပေါင်း ၄၀ ခန့် သေဆုံးခဲ့သည်ဟု အာဖဂန် ပြည်ထဲရေးဝန်ကြီးဌာနက ပြောကြားလိုက်သည်။

Afghan Voice သတင်းအေဂျင်စီ၊ Tebyan ယဉ်ကျေးမှုစင်တာနှင့် ဓမ္မသင်တန်းကျောင်းတစ်ခုတို့ တွဲ၍ ဖွင့်လှစ်ထားသော အဆိုပါအဆောက်အဦးမှာ ယနေ့မနက်အစောပိုင်းက အသေခံ ဗုံးခွဲတိုက်ခိုက်ခံခဲ့ရခြင်းဖြစ်သည်။

တိုက်ခိုက်မှုဖြစ်ပွားချိန်တွင် Tebyan စင်တာ၌ ဆိုဗီယက်က အာဖဂန်အား ကျူးကျော်သိမ်းပိုက်မှု ၃၈ နှစ်မြောက် နှစ်ပတ်လည်အခမ်းအနား ကျင်းပနေချိန်ဖြစ်ပြီး သေဆုံးသူအများစုမှာ ထိုအခမ်းအနားသို့ တက်ရောက်လာသူများဖြစ်ကာ အမျိုးသမီးများနှင့် ကလေးငယ်များလည်း ပါဝင်သည်။

IS က ထိုတိုက်ခိုက်မှုမှာ ၎င်းတို့လက်ချက်ဖြစ်သည်ဟု Amaq ၀ဘ်ဆိုက်တွင် ဖော်ပြခဲ့သည်။

အာဖဂန်သမ္မတ အရ်ှရက်ဖ်ဂါနီက အဆိုပါ တိုက်ခိုက်မှုမှာ ‘လူသားထုအပေါ် ကျူးလွန်သည့် ရာဇ၀တ်မှု’ ဖြစ်သည်ဟု ပြောကြားခဲ့သည်။

“အကြမ်းဖက်သမားတွေဟာ ကျွန်တော်တို့ရဲ့ ဗလီဝတ်ကျောင်းတွေ၊ မြင့်မြတ်တဲ့နေရာတွေကို တိုက်ခိုက်ခဲ့ပြီး အခု ကျွန်တော်တို့ရဲ့ ယဉ်ကျေးမှုစင်တာကို တိုက်ခိုက်လာပါတယ်” ဟု သမ္မတက ဆိုသည်။

ဒေသတွင်း လုံခြုံရေးဆိုင်ရာ ကျွမ်းကျင်သူ မူရ်ှတက် ရာဟင်က IS မှ ၎င်းတို့အကြောင်း မီဒီယာက လှိုင်လှိုင်ဖော်ပြစေရန် ထိုကဲ့သို့ တိုက်ခိုက်မှုများ ပြုလုပ်ခြင်းဖြစ်သည်ဟု ပြောကြားခဲ့သည်။

အာဖဂန် ဂျာနယ်လစ် ဘေးအန္တရာယ်ကင်းရှင်းရေးကော်မတီ (AJSC) က တိုက်ခိုက်မှုကို အပြင်းထန်ဆုံးအနေအထားဖြင့် ရှုတ်ချသည်ဟု ထုတ်ပြန်ခဲ့သည်။

Ref: Aljazeera