အစ္စရေး၏ ဒုက္ခပေးမှုကြောင့် နေရပ်စွန့်ခွာရင်း ကုန်သလောက်ဖြစ်လာတဲ့ ပါလက်စတိုင်း ခရစ်ယာန်များ

ဒီဇင်ဘာ ၃၀၊ ၂၀၁၇
M-Media

– ပါလက်စတိုင်းကို အစ္စရေးက ကျူးကျော်သိမ်းပိုက်မှုဟာ ဒေသတွင်း ခရစ်ယာန်တွေ အစုလိုက်အပြုံလိုက် ပြောင်းရွှေ့ထွက်ခွာခြင်းရဲ့ အဓိကအကြောင်းအရင်း ဖြစ်တယ်လို့ လေ့လာမှုအသစ်တစ်ခုအရ သိရပါတယ်။

အနောက်ဖက်ကမ်း ဘီအစ်ဂျာလာက Dar al-Kalima တက္ကသိုလ်ကပြုလုပ်တဲ့ လေ့လာမှုမှာ ခရစ်ယာန်နဲ့ မွတ်စလင် ထောင်ကျော်ကို သူတို့ရဲ့ဘ၀နေထိုင်မှုကြောင်း၊ အဓိက အခက်အခဲအကြောင်းနဲ့ အဲဒီအခက်အခဲ ဘာ့ကြောင့်ဖြစ်ရတယ်ဆိုတဲ့ အကြောင်းတွေကို မေးမြန်းခဲ့တာပါ။

“အစ္စရေးရဲ့ ကျူးကျော်သိမ်းပိုက်မှု၊ လက်ရှိဖြစ်နေတဲ့ တင်းမာမှုတွေ၊ ခွဲခြားမှုပေါ်လစီတွေ၊ ထင်တိုင်းကြဲဖမ်းဆီး၊ မြေယာသိမ်းမှုတွေက ပါလက်စတိုင်းခရစ်ယာန်တွေရဲ့ မျှော်လင့်ချက်မဲ့မှုကို ပိုမိုတိုးပွားစေတဲ့ အကြောင်းအရင်းတွေ ဖြစ်ပါတယ်” လို့ လေ့လာမှုမှာ ဖော်ပြထားပါတယ်။

ဒီလိုအခြေအနေတွေကြောင့် ပါလက်စတိုင်းခရစ်ယာန်တွေဟာ ကောင်းမွန်တဲ့ အနာဂတ်ကို မျှော်လင့်လို့မရဘူးလို့ ခံစားလာရပါတယ်။

ပါလက်စတိုင်း ဥပဒေပြုကောင်စီဝင်တစ်ဦးဖြစ်ပြီး လေ့လာမှုမှာပါဝင်ခဲ့တဲ့ ဘားနဒ် ဆဘဲလာက ပါလက်စတိုင်းတွေ လျှော့သွားတာထက် လူ့အဖွဲ့အစည်းမှာ သူတို့နေရာပျောက်လာတာက အစိုးရိမ်ရဆုံးဖြစ်ကြောင်း၊ အစ္စရေးနဲ့ ပဋိပက္ခတွေ ဆက်ဖြစ်နေပြီး၊ ပါလက်စတိုင်းပိုင်နက်တွေ ကျူးကျော်သိမ်းပိုက်နေမှုကို နိုင်ငံရေးအရ ဖြေရှင်းမှုမရှိတာဟာ ပါလက်စတိုင်းခရစ်ယာန်တွေ ရွှေ့ပြောင်းထွက်ခွာမှုရဲ့ အဓိကအကြောင်းအရင်း ဖြစ်ကြောင်း ထည့်သွင်း ပြောကြားခဲ့ပါတယ်။

လက်ရှိ နိုင်ငံရေးနဲ့ စီးပွားရေး အခြေအနေတွေကြောင့် ခရစ်ယာန်သာသနာ အစပြုပေါ်ထွန်းရာ ဂျေရုစလင်နဲ့ ဘက်သလီဟန်မှာ ပါလက်စတိုင်းခရစ်ယာန်တွေဟာ လျင်လျင်မြန်မြန်ပဲ လျော့ပါးနေပါတယ်။

“ပါလက်စတိုင်းတွေရဲ့ အမှတ်သညာဟာကို အလေးထားဖို့၊ ဂရုစိုက်ဖို့ လိုအပ်နေပါတယ်” ဆဘဲလာက ဆိုပါတယ်။

လေ့လာမှုမှာ ဖြေကြားခဲ့သူ ခရစ်ယာန် ၅၀ ရာခိုင်နှုန်းနဲ့ မွတ်စလင် ၅၄ ရာခိုင်နှုန်းက သူတို့ရဲ့ အခြေအနေတွေ နောက်ဆုံးမှာ တိုးတက်လာမယ်လို့ အကောင်းမြင်နေပြီး၊ ဘုရားသခင်ဟာ သူတို့ဖက်မှာ ရှိနေတယ်လို့လည်း ယုံကြည်နေကြပါတယ်။

“ဒီအချက်ဟာ ပါလက်စတိုင်းတွေရဲ့ ဘုရားသခင်အပေါ် ယုံကြည်ကိုးစားမှုကို ဖော်ကျူးနေပါတယ်” လို့ လေ့လာမှုမှာ ပါဝင်ခဲ့သူ ဗာဆန် အဂ်ဟာဘီကီယန်က ပြောကြားခဲ့ပါတယ်။

အော်တိုမန်ထိန်းချုပ်မှုအောက်မှာရှိနေစဉ် ပါလက်စတိုင်းခရစ်ယာန်တွေဟာ စီးပွားရေးအခွင့်အလမ်းတွေ ရှာဖွေဖို့အတွက် မြောက်အမေရိကနဲ့ လက်တင်အမေရိကတို့ကို ပြောင်းရွှေ့သွားခဲ့ကြပါတယ်။

၁၈၆၀ ခုနှစ် ၁၉၁၄ ခုနှစ်အထိ ပါလက်စတိုင်းလူဦးရေ ၃၅၀၀၀၀ မှာ ခရစ်ယာန်က ၁၁ ရာခိုင်နှုန်းရှိပြီး၊ ပထမကမ္ဘာစစ်ဖြစ်တော့မယ့်ဆဲဆဲမှာ ပါလက်စတိုင်းလူဦးရေ ၆၁၆၀၀၀ ရှိရာ ခရစ်ယာန်ဦးရေက ၆၉၀၀၀ အထိ ရှိပါတယ်။

အရှေ့ဥရောပကဂျူးတွေ ပါလက်စတိုင်းကို ၀င်ရောက်လာကာ အစ္စရေးနိုင်ငံ ထူထောင်ပြီးတဲ့နောက်ပိုင်းမှာတော့ ပါလက်စတိုင်းခရစ်ယာန်တွေ ပြောင်းရွှေ့ထွက်ခွာမှုဟာ သိသိသာသာ မြင့်တက်လာခဲ့ပြီး အစ္စရေး၊ အနောက်ဖက်ကမ်း၊ ဂါဇာတို့ပါဝင်တဲ့ သမိုင်းဝင် ပါလက်စတိုင်းနယ်မြေမှာ ယနေ့ ခရစ်ယာန်ဘာသာဝင်ဦးရေဟာ ၁.၇ ရာခိုင်နှုန်းသာ ရှိပါတော့တယ်။

၁၉၄၈ ခုနှစ် အစ္စရေးနိုင်ငံထူထောင်ချိန်မှာ ဂျက်ဖာကနေ ရာမာလာကို ထွက်ပြေးခဲ့ရတဲ့ ပါလက်စတိုင်းခရစ်ယာန် အစ္စကန်ဒါ အလ် ဟင်က ဘယ်တော့မှ ပါလက်စတိုင်းကနေ စွန့်ခွာမှာမဟုတ်ဘဲ၊ ဇာတိမြေမှာပဲ အရိုးထုတ်ဖို့ သားသမီး၊ မြေး၊ မြစ်တွေကို တိုက်တွန်းထားတယ်လို့ ပြောကြားခဲ့ပါတယ်။

“ပါလက်စတိုင်းတစ်ယောက်အနေနဲ့ ဒီမြေမှာပဲ သေတဲ့အထိ နေသွားမှာပါ။ ဒီမှာ ဘယ်နေရာသွားသွား ပါလက်စတိုင်းလို့ပဲ ကျွန်တော့်စိတ်ထဲမှာ မှတ်ယူတယ်။ ဂျေရုစလင်က ကျွန်တော်တို့ မြို့တော်ပေ့ါဗျာ။ ဒီမြေမှာ နှစ်ပေါင်းထောင်ချီနေခဲ့တဲ့ ကျွန်တော်တို့ကို ဘယ်သူကမှ မောင်းထုတ်လို့ မရပါဘူး” လို့ အစ္စကန်ဒါက ပြောကြားခဲ့ပါတယ်။

Ref: Aljazeera