ပါလက်စတိုင်းနှင့် မြန်မာနိုင်ငံမှ အဖိအနှိပ်ခံမွတ်စလင်များကို ဆက်လက်ကူညီမည်ဟု နာဂျစ်ပြော

ဇန်န၀ါရီ ၁၊ ၂၀၁၇
M-Media

– ပါလက်စတိုင်းနဲ့ မြန်မာနိုင်ငံက ဒုက္ခရောက်နေတဲ့ မွတ်စလင် ညီအစ်ကို၊ မောင်နှမတွေကို ဆက်လက် ကူညီပံ့ပိုးပေးသွားမယ်လို့ မလေးရှားဝန်ကြီးချုပ် နာဂျစ်ရာဇတ်က ပြောကြားလိုက်ပါတယ်။

အဲဒီနှစ်နိုင်ငံက မွတ်စလင်တွေ ထိခိုက်ခံစားရမှု၊ ဖိနှိပ်ချုပ်ချယ်ခံရမှုတွေ အဆုံးသတ်ရေးအတွက် မလေးရှားကမွတ်စလင်တွေ၊ အခြားနိုင်ငံက မွတ်စလင်တွေ စည်းလုံးညီညွတ်ရမယ်လို့လည်း နာဂျစ်က သူ့ရဲ့ ဘလော့စာမျက်နှာကနေ တိုက်တွန်းခဲ့ပါတယ်။

“ကျွန်တော်တို့ရဲ့ နှလုံးသားတွေ ပေါင်းစည်းဖို့၊ မလေးရှားမြေမှာ ငြိမ်းချမ်းမှုနဲ့ တည်ငြိမ်အေးချမ်းမှု၊ ကောင်းချီးမင်္ဂလာတွေ အဆက်မပြတ် ကျရောက်ဖို့အတွက် အလ္လာဟ်အရှင် စောင်မတော်မူပါ။ ဒါမှ အလ္လာဟ်အရှင်မြတ်အလိုတော်နဲ့ စံပြ အစ္စလာမ့်နိုင်ငံဖြစ် ကမ္ဘာ့ဘယ်နေရာက ဖိနှိပ်ချုပ်ချယ်ခံရတဲ့ မွတ်စလင်တွေကိုမဆို ကာကွယ်ဖို့ ဆက်လက် လုပ်ဆောင်သွားနိုင်မှာ ဖြစ်ပါတယ်”

မလေးရှားနိုင်ငံဟာ ပြီးခဲ့တဲ့နှစ်တစ်လျှောက်မှာ ကောင်းချီးမင်္ဂလာတွေနဲ့ သာသာဝပြောဆဲဖြစ်ပြီး၊ ငြိမ်းချမ်းတဲ့၊ သဟဇာတဖြစ်တဲ့ နိုင်ငံဖြစ်ခဲ့ကြောင်းလည်း ဘလော့ဂ်မှာ ရေးသားခဲ့ပါတယ်။

ဂျေရုစလင်ကို အစ္စရေးမြို့တော်အဖြစ် အမေရိကန်က သတ်မှတ်မှုကို မိမိတို့အနေနဲ့ ရှုတ်ချကြောင်းလည်း ၀န်ကြီးချုပ် နာဂျစ်ရာဇတ်က ပြောကြားခဲ့ပါတယ်။

မြန်မာနိုင်ငံက ရိုဟင်ဂျာမွတ်စလင်တွေ ရင်ဆိုင်နေရတဲ့ ဒုက္ခ၊ သုက္ခတွေဟာ မလေးရှား မွတ်စလင်တွေအပေါ်မှာလည်း သက်ရောက်မှုရှိပြီး နိုင်ငံတကာအဆင့်အထိ ဒီကိစ္စရောက်အောင် ဆောင်ရွက်သွားမှာဖြစ်ကြောင်း၊ အကူအညီပေးရေးအတွက် ငွေကြေးလည်း ဆက်လက်ထောက်ပံ့သွားမှာဖြစ်ကြောင်း ထည့်သွင်းပြောဆိုခဲ့ပါတယ်။

ဘင်္ဂလားဒေ့ရ်ှက ရိုဟင်ဂျာဒုက္ခသည်တွေအတွက် မလေးရှားရဲ့ ယခင် ထောက်ပံ့မှုတွေကိုလည်း နာဂျစ်က ထည့်သွင်း ဖော်ပြခဲ့ပါတယ်။

ရိုဟင်ဂျာအရေးနဲ့ပတ်သက်လို့ နာဂျစ်ဟာ မြန်မာအစိုးရနဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ကို ပြီးခဲ့တဲ့နှစ်အတွင်းမှာ ပြင်းပြင်းထန်ထန် ဝေဖန်ပြောဆိုခဲ့ဖူးပြီး၊ နိုင်ငံအတွင်း ကျဆင်းနေတဲ့ သူ့ရဲ့ပုံရိပ်ကို ပြန်လည်မြှင့်တင်ဖို့ ရိုဟင်ဂျာပြဿနာကို အသုံးချတာဖြစ်တယ်ဆိုတဲ့ ဝေဖန်မှုတွေလည်း ရှိနေပါတယ်။

Ref : Malaysian Insight