စားရိတ်ဖြတ်တောက်မှုကို မကျေနပ်သည့် တော်ဝင်မင်းသားများကို ဆော်ဒီ ဖမ်းဆီး

ဇန်န၀ါရီ ၆၊ ၂၀၁၈
M-Media

ဆော်ဒီဘုရင် ဆလ်မန်

– နိုင်ငံ၏ ချွေတာရေး ပေါ်လစီများကို ဝေဖန်ဆန္ဒပြသည့် တော်ဝင်မင်းသား ၁၁ ဦးကို ဆော်ဒီအာဏာပိုင်များက ဖမ်းဆီးလိုက်သည်ဟု ဆော်ဒီသတင်းဝဘ်ဆိုက် Sabq က ဖော်ပြခဲ့သည်။

အဆိုပါ မင်းသားများမှာ ၎င်းတို့ အတွက် အထွေထွေစားရိတ်များ ထောက်ပံ့မှုကို ရပ်ဆိုင်းသည့် အစိုးရ၏ ဆုံးဖြတ်ချက်ကို မကျေနပ်၍ ယနေ့တွင် ရီယာ့ဒ်ရှိ အစိုးရအိမ်တော်၌ ဆန္ဒပြခဲ့ကြသည်။

အစိုးရကမူ ၎င်းတို့ကို ဖမ်းဆီးကာ ရီယာ့ဒ်တောင်ပိုင်းရှိ လုံခြုံရေးမြင့် အကျဉ်းထောင်သို့ ပို့ဆောင်ခဲ့သည်။

တော်ဝင်မိသားစုဝင်များအတွက် ရေဖိုး၊ မီးဖိုးများ ပေးမှုကို ရပ်တန့်ခြင်း၊ ထပ်တိုးအခွန်များ ကောက်ခံခြင်းတို့ အပါအ၀င် စီးပွားရေးပြုပြင်ပြောင်းလဲရေး မူကြမ်းကို ဆော်ဒီအစိုးရက မကြာသေးမီတွင် ပြဌာန်းခဲ့သည်။

ဆော်ဒီဘုရင် ဆလ်မန်က နေထိုင်စားရိတ် ကြီးမြင့်မှုများကို ကာမိစေရန်အတွက် အစိုးဝန်ထမ်းများအား လခတိုးပေးရန် ယနေ့တွင် အမိန့်ထုတ်ခဲ့သည်။ ထိုအစီအစဉ်အရ ကျောင်းသားများမှာလည်း ၎င်းတို့၏ လစဉ် ထောက်ပံ့ကြေးငွေများကို အစိုးရထံမှ တိုးမြှင့်ရရှိမည်ဖြစ်သည်။

Ref: Aljazeera