မြန်မာအိမ်အကူကို နှိပ်စက်မှုအတွက် စင်ကာပူလင်မယားနှစ်ဦး တရားစွဲခံရ

ဇန်န၀ါရီ ၈၊ ၂၀၁၇
M-Media

မြန်မာအိမ်အကူကို နှိပ်စက်မှုအတွက် တရားစွဲခံထားရသည့် လင်မယား

– မြန်မာအိမ်အကူကို ရေနွေးပူပူနဲ့ ခန္ဓာကိုယ်ပေါ် လောင်းချိုးစေတာ၊ ကြမ်းတိုက်ဆေးရည်ကို ရေနဲ့ရောပြီး သောက်ခိုင်းတာတို့အပါအ၀င် ညှင်းပမ်းနှိပ်စက်မှုတွေ ပြုလုပ်ခဲ့တဲ့ ဇနီးမောင်နှံနှစ်ဦးကို စင်ကာပူက စွဲချက်တင်ကာ တရားစွဲဆိုထားပါတယ်။

အသက် ၃၈ နှစ်အရွယ် အမျိုးသမီး Linda Seah Lei Sie ကို ၂၀၁၆ ခုနှစ်က ကျူးလွန်ခဲ့တဲ့ ကိစ္စတွေအတွက် စွဲချက် ၆ ခုနဲ့ တရားစွဲဆိုထားတာပါ။

သူမဟာ အသက် ၂၀ ကျော်အရွယ်ရှိတဲ့ မြန်မာအမျိုးသမီး မဖြူဖြူမာကို ဆံပင်တွေကျွတ်ထွက်တဲ့အထိ ဆံပင်ဆွဲဆောင့်တာ၊ ရေနွေးပူပူကို ကိုယ်ပေါ်ကနေ အတင်း လောင်းချိုးစေတာ၊ ကြမ်းတိုက်ဆေးရည်ကို ရေနဲ့ဖျော်ပြီး သောက်ခိုင်းတာတွေ လုပ်ခဲ့တယ်လို စွပ်စွဲခံထားရပါတယ်။

Seah ရဲ့ ခင်ပွန်း အသက် ၄၃ နှစ်အရွယ် Lim Toon Leng က ၂၀၁၆ ခုနှစ် အောက်တိုဘာ ၁၃ ရက်မှာ မဖြူဖြူမာရဲ့ နဖူးကို နှစ်ကြိမ် ထိုးနှက်ခဲ့တဲ့အတွက် တရားရင်ဆိုင်နေရပါတယ်။

ဒီလို နှိပ်စက်မှုကို Lim ရဲ့ အလှပြင်ဆိုင်က အလုပ်သမားဟောင်း အမျိုးသမီး Lee Lee Yen က ရဲတပ်ဖွဲ့ကို တိုင်ကြားခဲ့တာ ဖြစ်ပါတယ်။ Seah တို့ ဇနီးမောင်နှံဟာ အရင်ကလည်း သူမကို ‘အငတ်ထားတယ်’ လို့ မဖြူဖြူမာက သူ့ကို ပြောပြခဲ့ကြောင်း Lee က ထွက်ဆိုထားပါတယ်။

ဖြူဖြူမာတစ်ယောက် မျက်လုံးဖူးယောင်နေတာတွေ၊ ဒဏ်ရာဒဏ်ချက်ဖြစ်နေတာတွေကို တွေ့ခဲ့တာကြောင့် Lee က အိမ်ရှင်အမျိုးသမီးမသိအောင် မေးမြန်းကာ ရဲတပ်ဖွဲ့ကို တိုင်ကြားခဲ့တာဖြစ်ပါတယ်။

Lim ရဲ့ အလှပြင်ဆိုင်မှာ အလုပ်လုပ်တဲ့ အခြား အလုပ်သမားတစ်ဦးကလည်း မဖြူဖြူမာ နှိပ်စက်ခံရမှုနဲ့ပတ်သက်ပြီး အမှုဖွင့်ပေးဖို့ တစ်ခြားတစ်ယောက်ကို အကူအညီတောင်းခဲ့ဖူးပါတယ်။

ကြားနာမှုကို မနက်ဖြန်မှာ ဆက်လက်လုပ်ဆောင်သွားမှာဖြစ်ပြီး ဧပြီလမှာလုပ်မယ့် ကြားနာမှုမှာတော့ မဖြူဖြူမာကိုယ်တိုင် ထွက်ဆိုမှာ ဖြစ်ပါတယ်။

ပြစ်မှုထင်ရှားရင် Seah နဲ့ Lim တို့ ဇနီးမောင်နှံဟာ စွဲချက်တစ်ခုအတွက် ထောင်ဒဏ် ၃ နှစ် ဒါမှမဟုတ် ဒဏ်ငွေ စင်ကာပူဒေါ်လာ ၇၅၀၀ ကျခံရမှာ ဖြစ်ပါတယ်။

Ref: CNA