တင်းမာမှုလျှော့ချရန်နှင့် စစ်ရေးဆွေးနွေးရန် ကိုရီးယားနှစ်နိုင်ငံ သဘောတူ

ဇန်န၀ါရီ ၉၊ ၂၀၁၈
M-Media

နှစ်နိုင်ငံကိုယ်စားလှယ်များ ဆွေးနွေးမှုမြင်ကွင်း

– မြောက်ကိုရီးယားနှင့် တောင်ကိုရီးယားတို့မှာ စစ်ဖက်ဆိုင်ရာဆွေးနွေးမှု ပြုလုပ်ရန် သဘောတူခဲ့သည်ဟု ယနေ့တွင် နှစ်နိုင်ငံ ပူးတွဲထုတ်ပြန်သော ကြေငြာချက်၌ ဖော်ပြထားသည်။

နှစ်ပေါင်း ၂၀ ကျော်အတွင်း ပထမဆုံးအဖြစ် ပြုလုပ်သော ယနေ့ဆွေးနွေးမှုတွင် လက်ရှိ စစ်ရေးတင်းမာမှုကို လျှော့ချရန်နှင့် စစ်ဖက်ဆိုင်ရာ ဆွေးနွေးမှုများ ပြုလုပ်ရန် သဘောတူခဲ့ကြခြင်းဖြစ်သည်။

လာမည့်လတွင် တောင်ကိုရီးယား၌ ကျင်းပပြုလုပ်မည့် ဆောင်းရာသီ အိုလံပစ်ပြိုင်ပွဲသို့ အဆင့်မြင့် ကိုယ်စားလှယ်အဖွဲ့တစ်ခုနှင့် အကအဖွဲ့တစ်ခု စေလွှတ်သွားမည်ဟု မြောက်ကိုရီးယားက ထုတ်ပြန်ထားသည်။

ယနေ့ဆွေးနွေးပွဲတွင် နျူလက်နက် ဖျက်သိမ်းရေးကိစ္စအတွက် ပြောကြားမှုကို မြောက်ကိုရီးယား ကိုယ်စားလှယ်အဖွဲ့က လက်မခံဟု တောင်ကိုရီးယားအစိုးရ၏ ကြေငြာချက်တွင် ဖော်ပြထားသည်။

ပြီးခဲ့သည့် သီတင်းပတ်အတွင်း ၂ နှစ်ကျော်ကြား ပိတ်ထားသည့် နှစ်နိုင်ငံ နယ်စပ် အရပ်သားဖုန်းလိုင်းကို မြောက်ကိုရီးယားက ပြန်ဖွင့်ပေးခဲ့ပြီး၊ စစ်ဖက်ဆိုင်ရာ ဖုန်းလိုင်းကိုလည်း ပြန်ဖွင့်ပေးမည်ဟု ယနေ့တွင် သဘောတူခဲ့သည်။

Ref: CNA