အစိုးရိမ်လွန်မှုက အလ်ဇိုင်းမားရောဂါ၏ ရှေ့ပြေးလက္ခဏာဖြစ်

ဇန်န၀ါရီ ၁၄၊ ၂၀၁၈
M-Media

– စိုးရိမ်လွန်မှုဟာ မှတ်ဉာဏ်ချို့ယွင်းမှုရောဂါ အလ်ဇိုင်းမားရဲ့ ရှေ့ပြေးလက္ခဏာဖြစ်တယ်လို့ အမေရိကန်ပြည်ထောင်စုမှာပြုလုပ်တဲ့ သုတေသနတစ်ခုမှာ တွေ့ခဲ့ရပါတယ်။

ဘော့စတွန်မြို့ အမျိုးသမီးဆေးရုံ Brigham and Women’s Hospital က ဒေါက်တာ နန်စီ ဒိုနိုဗန်နဲ့ အဖွဲ့က ဒီလေ့လာမှုကို ပြုလုပ်ခဲ့တာဖြစ်ပြီး မကြာသေးခင်ကပဲ The American Journal of Psychiatry ဆေးပညာဂျာနယ်မှာ ဖော်ပြခဲ့ပါတယ်။

အလ်ဇိုင်းမားရောဂါဆိုတာ အသက်အရွယ်ကြီးရင့်သူတွေမှာ မှတ်ဉာဏ်ချို့ယွင်းတာ၊ အတွေးအခေါ်ပျောက်ဆုံးတာ၊ အပြုအမူတွေ မူမမှန်တော့တာတွေဖြစ်ပြီး ရောဂါရဲ့ အကြောင်းအရင်း တိတိကျကျကိုတော့ အခုအချိန်အထိ ဖော်ထုတ်နိုင်ခြင်း မရှိသေးပါဘူး။

ယေဘူယျအားဖြင့် ဦးနှောက်ထဲက ပရိုတိန်းတစ်မျိုးဖြစ်တဲ့ beta-amyloid ဟာ အာရုံကြောတွေ ဆက်သွယ်မှုကို ပိတ်ဆို့လို့ဖြစ်တယ်လို့ ယူဆထားပါတယ်။

အခု လေ့လာမှုအသစ်အရ အစိုးရိမ်လွန်ကဲမှုဟာ beta-amyloid ပရိုတိန်းကို တိုးပွားလာစေတယ်ဆိုတာကို တွေ့ရပါတယ်။

အရင်က လေ့လာမှုတွေမှာ စိတ်ကျခြင်းနဲ့ အစိုးရိမ်လွန်ခြင်းတို့ဟာ အလ်ဇိုင်းမားရောဂါရဲ့ ရှေ့ပြေးလက္ခဏာတွေဖြစ်တယ်ဆိုတာ တွေ့ထားပါတယ်။

ဒေါက်တာ ဒိုနိုဗန်နဲ့ အဖွဲ့က ဒီကိစ္စမှာ beta-amyloid ပရိုးတိန်း ဆက်နွယ်ပတ်သက်မှု ဘယ်လိုရှိလဲဆိုတာနဲ့ပတ်သက်လို့ လေ့လာခဲ့တာဖြစ်ပြီး အသက် ၆၂ နှစ်ကနေ ၉၀ အရွယ်ရှိသူ ၂၇၀ ဦး သုတေသနမှာ ပါဝင်ခဲ့ပါတယ်။

ဦးနှောက်ထဲက beta-amyloid ပရိုတင်း တိုးတက်မှုကို ၅ နှစ်ကြာ စောင့်ကြည့်ခဲ့ရာမှာ စိုးရိမ်ပူပန်လွယ်သူတွေမှာ ပရိုတိန်းပမာဏ မြင့်မားတာတွေကို တွေ့ခဲ့ရပြီး၊ အစိုးရိမ်လွန်မှုဟာ အလ်ဇိုင်းမားရောဂါရဲ့ ရှေ့ပြေးလက္ခဏာဖြစ်တယ်လို့ လေ့လာသူတွေက ကောက်ချက်ချခဲ့တာ ဖြစ်ပါတယ်။

စိုးရိမ်စိတ်လွန်ကဲမှုနဲ့ အလ်ဇိုင်းမားရောဂါ အမှန်တကယ် ဆက်စပ်မှုရှိလားဆိုတာ နောက်ထပ် လေ့လာမှုတွေလုပ်ဖို့ လိုအုံးမယ်လို့ ဒေါက်တာ ဒိုနိုဗန်က ပြောကြားခဲ့ပါတယ်။

Ref: Medical News Today