ယူအေအီးအမျိုးသမီးက ဖိလစ်ပိုင်ကလေးထိန်းကို အိမ်တစ်လုံးလက်ဆောင်ပေး

ဇန်န၀ါရီ ၁၅၊ ၂၀၁၈
M-Media

မက်ပိုက် (၀ဲ) နှင့် တွေ့ရသည့် ဒီနာ

– အသက် ၄၅ နှစ်အရွယ် ရှိပြီဖြစ်တဲ့ ဖိလစ်ပိုင်သူ ကလေးထိန်းဟာ ယူအေအီးက အလုပ်ရှင် သူမအတွက် ဖိလစ်ပိုင်မှာ အိမ်တစ်လုံး လက်ဆောင်ပေးတယ်ဆိုတာကို မယုံကြည်နိုင်လောက်အောင် ဖြစ်နေပါတယ်။

အိမ်ရှင် မီလီဆာ မက်ပိုက်ကတော့ ကလေးထိန်း ဒီနာ တီနီရိုက်ဖ် ဆဲလ်လိုကို ဘာ့ကြောင့် ဒီလို ချီးမြှင့်ရလဲဆိုတာ အခုလို ပြောပြခဲ့ပါတယ်။

“စတွေ့တဲ့နေ့ကတည်းက သူ့ရဲ့ စိတ်နေစိတ်ထားကို သတိပြုမိခဲ့တာရှင့်။ သူမဟာ အရမ်းရိုးသားတယ်၊ အရမ်းလည်း ကျိုးနွံပါတယ်” လို့ မက်ပိုက်က ပြောပါတယ်။

မက်ပိုက်ဟာ အမေရိကန်နိုင်ငံသူဖြစ်ပြီး အဘူဒါဘီမှာ နေထိုင်နေတာ ၂၆ နှစ်ရှိပါပြီ။ စအီးဒ်နဲ့ စအစ်ဖ် အ လ် မူဟိုင်ရီလို့ခေါ်တဲ့ သားနှစ်ယောက်ရှိပြီး နှစ်ယောက်စလုံးကို ဒီနာက ထိန်းကျောင်းပေးခဲ့ရတာ ဖြစ်ပါတယ်။

ကနဦးအနေနဲ့ မက်ပိုက်ဟာ ဖိလစ်ပိုင်နိုင်ငံ ကာမာရင်း ဆူရ်ဒေသမှာ မြေကွက်တစ်ကွက်ဝယ်ဖို့အတွက် ကန် ၆၂၆၁ ဒေါ်လာကို ဒီနာထံ ပေးအပ်ခဲ့ပါတယ်။ မြေကွက်မှာ အိမ်ဆောက်ဖို့အတွက်ကိုတော့ သားဖြစ်သူ စအီးဒ်က ဖိလစ်ပိုင်အထိ သွားရောက်ကြီးကြပ်မှာ ဖြစ်ပါတယ်။

“ဒီနာက နည်းနည်းတော့ တုန်လှုပ်နေတယ်ရှင့်။ အရမ်းကို ရက်ရောလွန်းတယ်လို့ သူက ထင်နေတာ။ ‘မလုပ်နဲ့ သိပ်များနေပြီ’ လို့ သူက ဆက်တိုက်ပြောနေတာ” လို့ မက်ပိုက်က ဖွင့်ဟခဲ့ပါတယ်။

အိမ်ဆောက်ဖို့အတွက် နောက်ထပ် ကန်ဒေါ်လာ ၄ ထောင်ကျော်ကို စအီးဒ်က ဒီနာရဲ့ ဘဏ်စာရင်းထဲ လွှဲပေးခဲ့ပြီး ‘ဖြစ်သလိုဆောက်မှာမဟုတ်ပါဘူး။ ရှယ်ဆောက်မှာပါ’ လို့ စအီးဒ်က ပြောကြားခဲ့ပါတယ်။

မက်ပိုက်က သူ့အနေနဲ့ အရင်တုန်းကလည်း ဒီနာကို ငွေသား၊ လက်ကိုင်အိတ်လိုမျိုး လက်ဆောင်တွေပေးဖူးပြီး နောက်ပိုင်းမှာ ဒီနာက သူ့မိသားစုတွေကို ပြန်ပေးခဲ့ကြောင်း၊ ဒါ့ကြောင့် ဒီတစ်ခေါက်မှာတော့ ဒီနာရဲ့ဘ၀ ပြောင်းလဲသွားစေမယ့် လက်ဆောင်မျိုးကို ပေးဖို့ စိတ်ကူးရခဲ့ကြောင်း ပြောကြားခဲ့ပါတယ်။

ဒီနာကတော့ ဖိလစ်ပိုင်က ကျေးလက်ပြည်သူတွေရဲ့ ဆန္ဒဟာ တိုက်နဲ့တာနဲ့ နေထိုင်ချင်တာဖြစ်တယ်လို့ ဆိုပါတယ်။

စအီးဒ်နဲ့ စအစ်ဖ်တို့ ၆ နှစ်နဲ့ ၄ နှစ်အရွယ်မှာ ဒီနာကို မက်ပိုက်တို့က ကလေးထိန်းအဖြစ် ခန့်အပ်ခဲ့တာဖြစ်ပါတယ်။ ကလေးထိန်းထားတဲ့ဓလေ့ ကျယ်ကျယ်ပြန့်ပြန့်ရှိနေတဲ့ အရှေ့အလယ်ပိုင်းမှာ ကလေးထိန်းတွေဟာ မိဘတွေအပေါ် မကျေနပ်မှုကြောင့် ကလေးတွေကို လက်တုန့်ပြန်တာမျိုး ဖြစ်လေ့ရှိပေမယ့် ဒီနာဟာ လုံးဝ ယုံကြည်ရသူမျိုးဖြစ်တယ်လို့ မက်ပိုက်က ထည့်သွင်းပြောဆိုခဲ့ပါတယ်။

“ဒီနာဟာ ကျွန်မရဲ့ ဘဏ်စာရင်းအသေးစိတ်နဲ့ အိမ်မှာရှိသမျှအားလုံးကို ကိုယ်တွယ်ရသူပါ။ သူရှိလို့ သော့ခတ်ရမယ်ဆိုတဲ့ စိတ်မျိုး ဘယ်တုန်းကမှ ကျွန်မ မဖြစ်ခဲ့ဖူးပါဘူး ”

Ref: Alarabiya