အိုလံပစ်ဖွင့်ပွဲတွင် ညီညွတ်သောအလံတော်အောက်၌ ကိုရီးယားနှစ်နိုင်ငံ ချီတက်မည်

ဇန်န၀ါရီ ၁၇၊ ၂၀၁၈
M-Media

၂၀၀၆ အိုလံပစ်တွင် ညီညွတ်သောအလံတော်အောက်၌ ကိုရီးယားနှစ်နိုင်ငံ ချီတက်မှု

– လာမည့်လတွင် တောင်ကိုရီးယား၌ ကျင်းပပြုလုပ်မည့် ဆောင်းရာသီအိုလံပစ်ပြိုင်ပွဲတွင် နှစ်နိုင်ငံကစားသမားများဖြင့် ညီညွတ်သော အမျိုးသမီး ရေခဲပြင်ဟော်ကီအသင်း ဖွဲ့စည်းရန် ကိုရီးယားနှစ်နိုင်ငံသဘောတူညီခဲ့ပြီး ဖွင့်ပွဲအခမ်းအနားတွင်လည်း ညီညွတ်သော အလံတစ်ခုတည်းဖြင့် ချီတက်သွားမည်ဟု သိရသည်။

တောင်ကိုရီးယား ပြန်လည်ပေါင်းစည်းရေး ၀န်ကြီးဌာနက ယနေ့တွင် နယ်စပ်ရှိ ပန်မူဂျွမ်းရွာတွင် ပြုလုပ်သော ဆွေးနွေးမှုအတွင်း ထိုသဘောတူညီချက်ကို ရရှိခဲ့ခြင်းဖြစ်သည်ဟု ထုတ်ပြန်ခဲ့သည်။ ညီညွတ်သောအလံတော်မှာ ကိုရီးယားကျွန်းဆွယ်ကို ကိုယ်စားပြုမည်ဟုလည်း ဆိုသည်။

အဆိုပါ သဘောတူညီချက်များကို နိုင်ငံတကာ အိုလံပစ်ကော်မတီက အတည်ပြုရန် လိုအပ်နေပြီး ယခုသီတင်းပတ်အဆုံးပိုင်းတွင် မိမိတို့နှစ်နိုင်ငံစလုံးက တင်ပြသွားမည်ဟု တောင်ကိုရီးယားက ထည့်သွင်းထုတ်ပြန်ခဲ့သည်။

မြောက်ကိုရီးယားမှာ အဆိုပါ ဆောင်းရာသီ အိုလံပစ်ပြိုင်ပွဲသို့ အကမယ် ၂၃၀၊ အနုပညာရှင် ၁၄၀၊ တိုက်ကွမ်ဒိုကစားသမား ၃၀ အပါအ၀င် စုစုပေါင်း ၅၅၀ ဦး ပါဝင်မည့် အဖွဲ့တစ်ခုကို ဇန်န၀ါရီ ၂၅ ရက်နေ့တွင် စေလွှတ်မည်ဖြစ်သည်။

ကိုရီးယားနှစ်နိုင်ငံမှာ ၂ နှစ်အတွင်း ပထမဆုံးအကြိမ်ဖြစ် ဆွေးနွေးမှုကို ပြီးခဲ့သည့်သီတင်းပတ် ကတည်းက ပြုလုပ်နေခြင်းဖြစ်သည်။

Ref: Daily Mail