ကမ္ဘာ့ပထမဆုံး ဒရုန်းဖြင့်လူကယ်မှုကို သြစတေးလျတွင် ပြုလုပ်ခဲ့

ဇန်န၀ါရီ ၁၈၊ ၂၀၁၈
M-Media

– သြစတေးလျနိုင်ငံက ပင်လယ်ပြင်မှာ ဒုက္ခရောက်နေတဲ့ လူငယ်နှစ်ဦးကို ဒရုန်းနဲ့ အသက်ကယ်ပစ္စည်းတွေ ပေးပို့ကာ ကယ်တင်နိုင်ခဲ့ပြီး ကမ္ဘာ့ ပထမဆုံး ဒရုန်းနဲ့ လူကယ်တဲ့ဖြစ်ရပ်အဖြစ် မှတ်တမ်းဝင်ခဲ့ပါတယ်။

ဒီကနေ့ နယူးဆောက်ဝေးလ်ပြည်နယ်က ပင်လယ်ပြင်မှာ ရေကူးနေစဉ်အတွင်း အဲဒီလူငယ်နှစ်ဦးဟာ ၁၀ ပေနီးပါးလောက်မြင့်တဲ့ လှိုင်းကြားမှာ ရေနစ်မလိုဖြစ်ကာ အသက်အန္တရာယ်စိုးရိမ်ရတဲ့ အခြေအနေအထိ ဖြစ်ခဲ့တာပါ။

ကမ်းခြေက တစ်ခြားသူတွေဟာ ဒီအဖြစ်အပျက်ကို မြင်ခဲ့ပြီးတဲ့နောက် တာဝန်ရှိသူတွေကို သတိပေးခဲ့ပြီး တစ်ခဏအတွင်းမှာ ဒရုန်းနဲ့ သက်ကယ်ပစ္စည်းတွေ ပေးပို့နိုင်ခဲ့တာကြောင့် လူငယ်နှစ်ဦးဟာ အထိအခိုက်မရှိဘဲ ကမ်းခြေကို ပြန်လာနိုင်ခဲ့ပါတယ်။

“တစ်မိနစ်ကနေ နှစ်မိနစ်အတွင်းမှာ ကျွန်တော်ဟာ ဒရုန်းကို ပျံသန်းစေကာ လိုအပ်တဲ့ပစ္စည်းတွေကို သွားပေးနိုင်ခဲ့ပါတယ်။ ပုံမှန်ဆိုရင် ကျွန်တော်တို့ ကယ်ဆယ်ရေးသမားတွေဟာ မိနစ်အနည်းငယ်လောက် ကြာကြာသွားရပါတယ်” လို့ ကယ်ဆယ်ရေးအဖွဲ့ခေါင်းဆောင် ဂျိုင် ရှီရီဒန်က ပြောကြားခဲ့ပါတယ်။

သြစတေးလျဟာ နိုင်ငံတစ်ဝှမ်း ကမ်းခြေတွေမှာ ပင်လယ်ပြင် ကယ်ဆယ်ရေးအတွက် ဒရုန်းတွေကို ဖြန့်ကျက်ချထားပါတယ်။

ဒရုန်းတွေကို ပင်လယ်ပြင်မှာ ရေကူးတဲ့သူတွေရဲ့ နေရာကို ရှာဖွေဖော်ထုတ်တာ၊ အသက်ကယ်ပစ္စည်းတွေ ပေးပို့တာတွေအပြင် ရေအောက်က ငါမန်းတွေ၊ ဂျယ်လီငါးတွေကို ရှာဖွေတာမျိုးတွေမှာလည်း အသုံးပြုနေပါတယ်။

Ref: CNA