မြောက်ဦးဆန္ဒပြမှု၌ အရပ်သားများပစ်သတ်ခံရမှုကို ဘက်မလိုက်ဘဲစုံစမ်းရန် အာဆီယံ လူ့အခွင့်အရေးအဖွဲ့တိုက်တွန်း

ဇန်န၀ါရီ ၂၂၊ ၂၀၁၈
M-Media

– ပြီးခဲ့တဲ့တစ်ပတ်က ရခိုင်ပြည်နယ် မြောက်ဦးမြို့က ရခိုင်တိုင်းရင်းသားတွေရဲ့ ဆန္ဒပြမှုအတွင်း လူ ၇ ဦး ပစ်ခတ်သတ်ဖြတ်ခံရမှုဟာ ဆိုးရွားတဲ့ အဖြစ်အပျက်တစ်ခုဖြစ်တယ်လို့ လူ့အခွင့်အရေးဆိုင်ရာ အာဆီယံ လွှတ်တော်အမတ်များအဖွဲ့ (APHR) က ဒီနေ့မှာ ပြောကြားလိုက်ပြီး ချက်ခြင်း စုံစမ်းစစ်ဆေး မှုလုပ်ဖို့လည်း တောင်းဆိုလိုက်ပါတယ်။

“သတင်းတွေအရ ဒီဖြစ်ရပ်မှာ ရဲတပ်ဖွဲ့ရဲ့လုပ်ရပ်ဟာ လုံးဝ သင့်လျော်မှုမရှိတဲ့ ပုံစံမျိုးပါ။ ဒီအဖြစ်အပျက်ကို စေ့စေ့စပ်စပ်နဲ့ ဘက်လိုက်မှုကင်းကင်း စုံစမ်းစစ်ဆေးဖို့ လိုအပ်ပြီး၊ ကျူးလွန်သူတွေကို အပြစ် ပေးရပါလိမ့်မယ်” လို့ မလေးရှား လွှတ်တော်အမတ်တစ်ဦးဖြစ်ပြီး APHR ရဲ့ ဥက္ကဌဖြစ်တဲ့ ချားလ်စ် ဆန်တီယာဂိုက ပြောကြားခဲ့ပါတယ်။

ဇန်န၀ါရီ ၁၆ ရက်နေ့ ညပိုင်းက မြောက်ဦးမြို့ ဆန္ဒပြမှုအတွင်းမှာ ရဲတပ်ဖွဲ့က ပစ်ခတ်မှုကြောင့် အနည်းဆုံး ရခိုင်တိုင်းရင်းသား ၇ ဦး သေဆုံးခဲ့ပြီး ၁၂ ဦး ဒဏ်ရာရရှိခဲ့ပါတယ်။ ရခိုင်ဘုရင့်နိုင်ငံ ကျဆုံးမှု ၂၃၃ နှစ်ပြည့် အခမ်းအနား ကျင်းပဖို့ စီစဉ်ထားမှုကို အာဏာပိုင်တွေက ခွင့်ပြုချက်မပေးတာနဲ့ပတ်သက်ပြီး ဆန္ဒပြမှု ဖြစ်ပေါ်ခဲ့တာ ဖြစ်ပါတယ်။

“မြောက်ဦးကိစ္စက မြန်မာလုံခြုံရေးတပ်ဖွဲ့တွေရဲ့ အပြုအမူတွေ၊ သူတို့ရဲ့လုပ်ရပ်တွေအတွက် တာဝန်ယူမှု မရှိတာတွေနဲ့ပတ်သက်ပြီး အလွန်အမင်း စိုးရိမ်စရာ ကောင်းနေတယ်ဆိုတာ ထပ်ပြီး မီးမောင်းထိုးပြလိုက်တာပါ။ တိုင်းရင်းသားလူနည်းစုတွေအပေါ် ဒီလိုလုပ်ရပ်ရဲ့ အကျိုးသက်ရောက်မှုဟာ အထူးသဖြင့် တော်တော်လေးဆိုးရွားတယ်ဆိုတာ အခုဖြစ်ရပ်နဲ့ အရင်က ဖြစ်ရပ်တော်တော်များများက ပြသနေပါတယ်” လို့ ဆန်တီယာဂိုက ပြောပါတယ်။

ဇန်န၀ါရီ ၁၈ ရက်နေ့မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီဖြစ်ရပ်အတွက် စုံစမ်းစစ်ဆေးမှုပြုလုပ်ဖို့ တိုက်တွန်းခဲ့ပြီး၊ ဥပဒေချိုးဖောက်သူတွေကို အရေးယူမယ်လို့လည်း ပြောကြားခဲ့ပါတယ်။

“နိုင်ငံတော်အတိုင်ပင်ခံပုဂ္ဂိုလ်ရဲ့ တိုက်တွန်းမှုကို သက်ဆိုင်ရာ အာဏာပိုင်တွေက လျင်လျင်မြန်မြန်နဲ့ ဆောင်ရွက်ရမှာဖြစ်ပြီး၊ ထိရောက်တဲ့ စုံစမ်းစစ်ဆေးမှုအတွက် လိုအပ်တဲ့ နည်းလမ်းအားလုံးကို အသုံးပြုရပါမယ်။ လူမျိုး၊ ဘာသာ မခွဲခြားဘဲ ပြည်သူအားလုံး လွတ်လပ်စွာ ဖော်ထုတ်ခွင့်၊ ငြိမ်းချမ်းစွာ စုဝေး ခွင့်တွေ ရရှိရေး ဆောင်ရွက်ပေးဖို့ဟာ အစိုးရနဲ့ စစ်တပ်ရဲ့ တာဝန်ပဲဖြစ်ပါတယ်” လို့ ဆန်တီယာဂိုက ထည့်သွင်းပြောဆိုခဲ့ပါတယ်။

Ref: reliefweb