မြောက်ကိုရီးယားပြည်သူများ၏ ဒုက္ခကို ကမ္ဘာ့မီဒီယာက လစ်လျူရှုဟု Care International ပြော

ဇန်န၀ါရီ ၂၃၊ ၂၀၁
M-Media

မြောက်ကိုရီးယားပြည်သူများ၏ ပုံရိပ်

– မြောက်ကိုရီးယားပြည်သူတွေ ခံစားနေရတဲ့ လူသားချင်း စာနာထောက်ထားမှုဆိုင်ရာ အကြပ်အတည်းတွေကို ကမ္ဘာ့မီဒီယာတွေက မျက်ကွယ်ပြုထားတယ်လို့ ဆွစ်ဇာလန်အခြေစိုက် အန်ဂျီအိုအဖွဲ့Care International က ပြောကြားလိုက်ပါတယ်။

Suffering in Silence (တိတ်ဆိတ်စွာ ခံစားနေရခြင်း) ဆိုတဲ့ခေါင်းစဉ်နဲ့ မနေ့ကထုတ်ပြန်တဲ့ အစီရင်ခံစာမှာ ဒီအဖွဲ့က ဂျာနယ်လစ်တွေဟာ မြောက်ကိုရီးယားမှာ အစားအသောက် ပြတ်လပ်မှုထက် နိုင်ငံရေးတင်းမာမှုတွေကိုပဲ အာရုံစိုက်နေတယ်လို့ ဖော်ပြထားပါတယ်။

မြောက်ကိုရီးယား လူဦးရေရဲ့ ၇၀ ရာခိုင်နှုန်းဖြစ်တဲ့ လူ ၁၈ သန်းလောက်ဟာ အဟာရပြည့်ဝတဲ့ အစားအသောက်တွေကို မစားသောက်ရဘူးလို့ ကုလက ဆိုပါတယ်။

၂၀၀၁ ခုနှစ်ကတည်းက စတင်ခဲ့တဲ့ မိုးခေါင်မှုကြောင့် ဆန်နဲ့ အာလူးထုတ်လုပ်မှုဟာ ကျဆင်းသွားပြီး ၂၀၁၇ ခုနှစ်အတွင်းမှာ စားနပ်ရိက္ခာပြတ်လပ်မှုဟာ ဆိုးရွားလာခဲ့တယ်လို့လည်း ကုလရဲ့ စားနပ်ရိက္ခာနဲ့ လယ်ယာစိုက်ပျိုးရေးအဖွဲ့က ထုတ်ြပန်ထားပါတယ်။

Care International က မြောက်ကိုရီးယားမှာ လူသားချင်း စာနာထောက်ထားမှုဆိုင်ရာ ပြဿနာတွေ ဖြစ်နေတယ်ဆိုတာကို ဖော်ပြတဲ့သတင်းဟာ ၂၀၁၇ ခုနှစ်မှာ ၅၁ ခုသာရှိပြီး ဒဿမမြောက် ဖော်ပြမှုအနည်းဆုံး ပီရူးက ရေကြီးမှုအကြောင်း သတင်း ၇၀၁၇ ခုနဲ့တွက်ရင် တော်တော်လေးကို နည်းနေတယ်လို့ ထောက်ပြပါတယ်။

အီရစ်ထရီယာ၊ ဗီယက်နမ်နဲ့ ကွန်ဂိုနိုင်ငံတို့က သဘာကပ်ဘေးတွေအကြောင်းလည်း မီဒီယာတွေက လုံလုံလောက်လောက် မဖော်ပြဘူးလို့ Care International ဆိုပါတယ်။

“ဒီအကြပ်အတည်းတွေကို မီဒီယာတွေက မဖော်ပြရင် ပြည်သူတွေဆီက အလှူငွေတွေရဖို့၊ နိုင်ငံရေး အပြောင်းအလဲလုပ်ရေး တွန်းအားပေးဖို့ ခက်ခဲပါတယ်။ ပေါ်လစီတွေပြောင်းလဲရေး၊ အကူအညီအတွက် ဘက်ဂျက်ချပေးရေး ဆုံးဖြတ်ချက်ချတဲ့ လုပ်ငန်းစဉ်မှာ မီဒီယာတွေဟာ တော်တော်လေးကို လွှမ်းမိုးမှု ရှိပါတယ်။ ပြီးခဲ့တဲ့နှစ်အတွင်း မီဒီယာက ဖော်ပြမှုအနည်းဆုံး အကြပ်အတည်း ၁၀ ခုက ၆ ခုဟာ ကုလရဲ့ ထောက်ပံ့ကူညီမှုကို အနည်းဆုံးရရှိတဲ့ ကိစ္စတွေ ဖြစ်နေပါတယ်” လို့ အဖွဲ့ရဲ့ အတွင်းရေးမှူး လော်ရီလီက ပြောပါတယ်။

ဘေးအန္တရာယ်တွေမှာ သတင်းယူဖို့ ဘဏ္ဍာငွေနည်းတာ၊ စစ်ပွဲတွေကြောင့် သွားရောက်ဖို့ ခက်ခဲတာတွေက ဒီကိစ္စတွေကို ဂျာနယ်လစ်တွေ သတင်းသွားယူမှု လျော့ကျစေပြီး မှောင်မိုက်တဲ့ဘ၀တွေကိုြ ဖတ်သန်းနေရတဲ့ လူသားတွေ အကြောင်း ကမ္ဘာကြီးက မသိရှိတော့ဘူးလို့လည်း လီက ထည့်သွင်းပြောဆိုခဲ့ပါတယ်။

၂၀၁၇ ခုနှစ်အတွင်း ကမ္ဘာတစ်ဝှမ်း သတင်းယူနေစဉ်မှာ သေဆုံးခဲ့တဲ့ ဂျာနယ်လစ် အနည်းဆုံး ၈၁ ဦး ရှိတယ်လို့ နိုင်ငံတကာ ဂျာနယ်လစ်များဖက်ဒရေးရှင်းက သတင်းထုတ်ပြန်ပါတယ်။ ၂၀၁၆ ခုနှစ်က ၆၃ ဦးသဆုံးမှုထက်စာရင် လျော့ကျသွားပေမယ့်၊ ထောင်ကျတဲ့ ဂျာနယ်လစ်အရေအတွက်က ပြီးခဲ့တဲ့နှစ်မှာ တော်တော်လေး မြင့်တက်ခဲ့ကာ ၂၅၀ ကျော် ရှိတယ်လို့ ဆိုပါတယ်။

Ref: Aljazeera