တောင်ပိုင်းဒေသကို ကတိအတိုင်း ကိုယ်ပိုင်အုပ်ချုပ်ခွင့်ပေးရေး ဖိလစ်ပိုင် အမြန်ဆုံးဆောင်ရွက်မည်

ဇန်န၀ါရီ ၂၄၊ ၂၀၁၈
M-Media

၂၀၁၄ ခုနှစ် ငြိမ်းချမ်းရေးသဘောတူညီချက် လက်မှတ်ရေးထိုးစဉ်က

– ဖိလစ်ပိုင်တောင်ပိုင်း မင်ဒါနာအိုကျွန်းက မွတ်စလင်လူနည်းစုတွေကို ကိုယ်ပိုင်အုပ်ချုပ်ခွင့်ပေးရေး ကြန့်ကြာနေတဲ့ မူကြမ်းကို အမြန်ဆုံး အတည်ပြုသွားမယ်လို့ ဖိလစ်ပိုင် အောက်လွှတ်တော်က ပြောကြားလိုက်ပါတယ်။

အောက်လွှတ်တော်ရဲ့ ဆပ်ကော်မတီ ၃ ခုက လက်ရှိမှာ ဒီ ကိုယ်ပိုင်အုပ်ချုပ်ရေး ကိစ္စနဲ့ပတ်သက်ပြီး လူ့အဖွဲ့အစည်း ၇ ခုက သဘောထားအမြင်တွေ စုဆောင်းတာ၊ အစီရင်ခံစာတွေကို ဆန်းစစ်တာတွေကို လုပ်နေပြီး ဒီမူကြမ်းကို မတ်လ အလယ်ပိုင်းလောက်မှာ အတည်ပြုဖို့ ရှိနေတယ်လို့ နိုင်ငံတောင်ပိုင်း တာဝီ-တာဝီပြည်နယ်က အောက်လွှတ်တော်အမတ် ရူဘီ ဆာဟာလီက ပြောပါတယ်။

“ဒီမူကြမ်းကို အတည်ပြုရေး အလျင်အမြန်လိုအပ်တယ်ဆိုတာကို ဖော်ပြဖို့ စကားလုံးတောင် မရှိပါဘူး။ အစိုးရအနေနဲ့ မိုရိုအစ္စလာမ့်လတ်မြောက်ရေးတပ်ဦး MILF နဲ့ လက်မှတ်ထိုးထားတဲ့ ငြိမ်းချမ်းရေးသဘောတူညီချက်ပါ ကတိက၀တ်တွေကို မဖြစ်မနေ ဖြည့်ဆည်းပေးရမှာပါ”

အောက်လွှတ်တော်က ဒီမူကြမ်းကို အတည်ပြုပြီးသွားရင် အထက်လွှတ်တော်ကလည်း အတည်ပြုလိမ့်မယ်လို့ ဆာဟာလီက မျှော်လင့်နေပါတယ်။

MILF ဟာ မင်ဒါနာအိုမှာ မွတ်စလင်လူနည်းစုတွေ ကိုယ့်ကံကြမ္မာ ကိုယ်တိုင်ဖန်တီးခွင့်ရရေး တိုက်ပွဲဝင်နေတဲ့ အကြီးဆုံး နိုင်ငံရေးနဲ့ လက်နက်ကိုင်အဖွဲ့အစည်းဖြစ်ပါတယ်။

၁၇ နှစ်ကြာ တိုက်ခိုက်မှုတွေ၊ ညှိနှိုင်းဆွေးနွေးမှုတွေ အပြီးမှာတော့ ၂၀၁၄ ခုနှစ်မှာ ဒီအဖွဲ့ဟာ သမ္မတအကွီနိုနဲ့ ပြည့်ဝတဲ့ ငြိမ်းချမ်းရေးသဘောတူညီချက်ကို လက်မှတ်ရေးထိုးနိုင်ခဲ့ပါတယ်။

Bangsamoro Basic Law (BBL) ဥပဒေအရ တောင်ပိုင်းဟာ ကိုယ်ပိုင်အုပ်ချုပ်ခွင့်ရမှာ ဖြစ်ပြီး အပြန်အလှန်အားဖြင့် MILF က လက်နက်ဖြုတ်သိမ်းဖို့ သဘောတူခဲ့ပါတယ်။

ဒါပေမယ့် ၂၁၅ ခုနှစ်မှာ ရဲတပ်ဖွဲ့ကွန်မန်ဒိုတွေ သေဆုံးခဲ့တဲ့ စစ်ဆင်ရေးတစ်ခုကြောင့် ကိုယ်ပိုင်အုပ်ချုပ်ခွင့်ပေးရေးကိစ္စဟာ ရပ်ဆိုင်းခဲ့ပါတယ်။

၂၀၁၆ ခုနှစ် သမ္မတ ဒူတာတေးလက်ထက်မှာ ဒီကိစ္စဟာ ပြန်လည်ရှင်သန်လာခဲ့ပြီး မာရာဝီကို IS အကြမ်းဖက်သမားတွေ သိမ်းပိုက်မှုကြောင့် နှောင့်နှေးကြန့်ကြာခဲ့ရပါတယ်။

MILF အဖွဲ့ဟာ ဖိလစ်ပိုင်စစ်တပ်နဲ့အတူ IS အကြမ်းဖက်သမားတွေကို မာရာဝီကနေ တိုက်ထုတ်ခဲ့ပြီး ပြီးခဲ့တဲ့သီတင်းပတ်မှာ ဒူတာတေးက မွတ်စလင်လူနည်းစုတွေအပေါ် သမိုင်းနဲ့ချီပြီး ရှိခဲ့တဲ့ မတရားမှုတွေကို ပြင်ဆင်ဖို့ အချိန်ကျပြီလို့ ပြောကြားခဲ့ပါတယ်။

BBL မူကြမ်းကို အတည်မပြုနိုင်ရင် မင်ဒါနာအိုမှာ စစ်ထပ်ဖြစ်နိုင်တယ်လို့လည်း ဒူတာတေးက သတိပေးခဲ့ပါတယ်။

Ref: Aljazeera