အမေရိကန်သံအမတ်ဟောင်း ရခိုင်အကြံပေးဘုတ်အဖွဲ့မှနှုတ်ထွက်ပြီး အတိုင်ပင်ခံကို ဝေဖန်

ဇန်န၀ါရီ ၂၅၊ ၂၀၁၈
M-Media

ကုလဆိုင်ရာ အမေရိကန်သံအမတ်ဟေင်း ဘီလ် ရစ်ချက်ဆန်

– မြန်မာအစိုးရက တာဝန်ပေးထားတဲ့ ရခိုင်ပြည်နယ်ကိစ္စ အကြံပေးဘုတ်အဖွဲ့ဟာ အစိုးရဘက်ယိမ်းတဲ့ ‘အမွှမ်းတင်အဖွဲ့’ ဖြစ်တဲ့အတွက် အဲဒီအဖွဲ့ကနေ နှုတ်ထွက်ကြောင်း အမေရိကန် သံတမန်ဟောင်း ဘီလ် ရစ်ချက်ဆန်က ပြောကြားလိုက်ပြီး အရပ်သားအစိုးရခေါင်းဆောင် ဒေါ်အောင်ဆန်းစုကြည်ကိုလည်း ပြင်း
ပြင်းထန်ထန် ဝေဖန်ပြောဆိုခဲ့ပါတယ်။

ရစ်ချက်ဆန်ဟာ အရင်က ဒေါ်အောင်ဆန်းစုကြည်ကို လေးစားတဲ့ ပုဂ္ဂိုလ်တစ်ဦးဖြစ်ပြီး အခုလို လူသိရှင်ကြား ဝေဖန်မှုက ထူးခြားတဲ့ ကိစ္စတစ်ခုလည်း ဖြစ်ပါတယ်။

“သူဟာ အာဏာဂုဏ်မောက်သွားပြီဗျ။ သူ့ကို ကျွန်တော် သိတာကြာပြီ၊ လေးလည်းလေးစားပါတယ်။ ဒါပေမယ့် တကယ်တော့ သူမဟာ သတင်းဆိုးတွေကို နားထောင်လိုစိတ်မရှိပါဘူး။ ကျွန်တော့်အနေနဲ့ ဒီလို ဆင်သေကို ဆိတ်သားရေနဲ့ဖုံးမယ့်ကိစ္စမှာ မပါဝင်ချင်ပါဘူး” လို့ အမေရိကန်ကို အပြန်လမ်း တိုကျိုမှာ တစ်ထောက်နားစဉ် တယ်လီဖုန်းကနေတစ်ဆင့် နယူးယောက်တိုင်မ်းစ်ကို ပြောကြားခဲ့တာပါ။

ကုလအတွင်းရေးမှူးချုပ်ဟောင်း ကိုဖီအန်နန် ဦးဆောင်တဲ့ ရခိုင်အကြံပေးကော်မရှင်က အစီရင်ခံစာတွေကို အကောင်အထည်ဖော်ဖို့အတွက် မြန်မာအစိုးရဟာ ထိုင်းနိုင်ငံရေးသမား ဆူရာကီယတ် ဆက်သီရာထိုင်း ဦးဆောင်တဲ့ အဖွဲ့တစ်ခုကို ဖွဲ့စည်းခဲ့ပြီး အဲဒီအထဲမှာ မစ္စတာ ရစ်ချက်ဆန်ကို ပါဝင်ဖို့ ဖိတ်ခေါ်ခဲ့တာ ဖြစ်ပါတယ်။

အမေရိကန်သမ္မတ ဘီလ်ကလင်တန်လက်ထက်က ကုလဆိုင်ရာ အမေရိကန်သံအမတ်အဖြစ် ဆောင်ရွက်ခဲ့ဘူးတဲ့ ရစ်ချက်ဆန်ဟာ အကြပ်အတည်းတွေကို ဖြေရှင်းပေးရာမှာ ဂုဏ်သတင်းကျော်ဇောသူတစ်ဦး ဖြစ်ပါတယ်။

နိုင်ငံတော် လျှို့ဝှက်ချက်ဥပဒေနဲ့ ဖမ်းဆီးထိန်းသိမ်းခံခဲ့ရတဲ့ ရိုက်တာသတင်းထောက် ၀လုံးနဲ့ ကျော်စိုးဦးတို့အကြောင်း ဒေါ်အောင်ဆန်းစုကြည်နဲ့ တွေ့ဆုံစဉ် ပြောကြားရာမှာ သူမက ‘ရန်စွယ်ငေါငေါ’ နဲ့ တုန့်ပြန်ခဲ့တယ်လို့ ရစ်ချက်ဆန်က ဆိုပါတယ်။

“သူ့မျက်နှာကို လုပ်ထားလိုက်တာဗျာ။ ကျွန်တော်ထိုင်တဲ့နေရာနဲ့ နည်းနည်းလေးသာ နီးရင် ကျွန်တော့ကို ရိုက်မလားတောင် မသိဘူး။ တော်တော်ကို ဒေါသထွက်နေတာ”

ရခိုင်ပြည်နယ်မှာ ဖြစ်နေတဲ့ကိစ္စနဲ့ပတ်သက်ပြီး မြန်အစိုးရဟာ ကုလ စုံစမ်းစစ်ဆေးရေးမှူးတွေ ၀င်ရောက်ခွင့်၊ နိုင်ငံတကာမီဒီယာတွေ လွတ်လွတ်လပ်လပ် သတင်းယူခွင့်တွေကို ငြင်းပယ်ထားကာ အကူအညီပေးရေးအဖွဲ့တွေကိုလည်း ကန့်သတ်ထားပါတယ်။

မြန်မာနိုင်ငံ လူ့အခွင့်အရေးဆိုင်ရာ ကုလ အထူးကိုယ်စားလှယ် ယန်ဟီးလီကိုလည်း တိုင်းပြည်အတွင်း ၀င်ရောက်ခွင့်ကို ပြီးခဲ့တဲ့လမှာ မြန်မာအစိုးရက ပိတ်ပင်ခဲ့ပါတယ်။

ပြီးခဲ့တဲ့တစ်ပတ် မြန်မာနိုင်ငံကို လာရောက်စဉ်အချိန်က ရစ်ချက်ဆန်ဟာ သူ့အနေနဲ့ ဒီဇင်ဘာလအတွင်း ဖမ်းဆီးခံလိုက်ရတဲ့ ရိုက်တာသတင်းထောက်နှစ်ဦး လွတ်မြောက်ရေး ဆောင်ရွက်ဖို့ ရည်ရွယ်တယ်လို့ ပြောကြားခဲ့ပါတယ်။

“ဒီအဖွဲ့မှာ ပါဝင်ရတဲ့ ရည်ရွယ်ချက်တွေထဲကတစ်ခုက လက်တွေ့ကျပြီး ရေရှည်ခံမယ့် အဖြေမျိုး ကြိုးစားရှာဖွေရေး အကူအညီပေးဖို့ပါ။ ဒါပေမယ့် အစိုးရကို အမွှမ်းတင်ဖို့အတွက် ဒီဘုတ်အဖွဲ့ကို အသုံးချနေတယ်ဆိုတာ ကျွန်တော် တွေ့ခဲ့ရပါတယ်” လို့ ရစ်ချက်ဆန်က နယူးယောက်တိုင်မ်းစ်ကို ပြောကြားခဲ့ပါတယ်။

လူ့အခွင့်အရေးအဖွဲ့တွေ၊ ကုလနဲ့ နိုင်ငံတကာ သတင်းဌာနနေတွေရဲ့ ရိုဟင်ဂျာကိစ္စ ကမ္ဘာကြီးကို တင်ပြမှုနဲ့ပတ်သက်ပြီး ဒေါ်အောင်ဆန်းစုကြည်နဲ့ အခြား ဘုတ်အဖွဲ့ဝင်တွေက ရှုတ်ချပြောဆိုတာကို တွေ့ရတဲ့အတွက် ‘အလွန်တုန်လှုပ်မိကြောင်း’ လည်း ရစ်ချက်ဆန်က ထည့်သွင်း ပြောဆိုခဲ့ပါတယ်။

အကြံပေးဘုတ်အဖွဲ့ဥက္ကဌ ဆူသီရာထိုင်းကိုလည်း ရစ်ချက်ဆန်က ဝေဖန်ခဲ့ပြီး ဘုတ်အဖွဲ့ဝင်တွေဟာ ‘သူတို့အကျိုးဆောင်ပေးရမယ့် ရခိုင်ပြည်နယ်က လူ့အဖွဲ့အစည်းတွေနဲ့ အရာရောက်မယ့် ထိတွေ့ ဆက်ဆံမှုမျိုး လုံးဝ ကင်းမဲ့နေတယ်’ လို့ လည်း ပြောကြားခဲ့ပါတယ်။

ဆူသီရာထိုင်းကတော့ ဒီကိစ္စနဲ့ပတ်သက်ပြီး မှတ်ချက်ပေးခြင်း မရှိပါဘူး။

မြန်မာအစိုးရ ပြောရေးဆိုခွင့်ရှိသူ ဦးဇော်ဌေးက မစ္စတာ ရစ်ချက်ဆန်ဟာ ဒေါ်အောင်ဆန်းစုကြည်နဲ့ တွေ့ဆုံစဉ်မှာ ဘုတ်အဖွဲ့ရဲ့ ‘စည်းမျဉ်းစည်းကမ်းတွေကို’ နားလည်ခြင်းမရှိဘဲ ဘောင်ကျော်ပြောဆိုခဲ့တယ်လို့ တုန့်ပြန်ခဲ့ပါတယ်။

“မြန်မာနိုင်ငံက အခြားကိစ္စတွေအတွက်မဟုတ်ဘဲ ရခိုင်ကိစ္စတစ်ခုတည်းအတွက်သာ အကြံပေးရမယ်ဆိုတာကို သူ့အနေနဲ့ ရှင်းရှင်းလင်းလင်းသိဖို့ လိုပါတယ်။ သူပြောချင်တာပဲ ပြောလို့မရပါဘူး”

ရစ်ချက်ဆန်ကတော့ ဒေါ်အောင်ဆန်းစုကြည်ကို ထပ်မံဝေဖန်ခဲ့ပါတယ်။

“ဘုန်းတော်ဘွဲ့တွေကိုသာ အမြဲတမ်းပြောနေတဲ့ ၀န်းကျင်မှာ သူမ ပျော်မွေ့နေတာပါ။ သတင်းဆိုးတွေကို မကြားချင်တဲ့၊ သူတို့ပတ်ဝန်းကျင်မှာ တကယ့်အဖြစ်အပျက်အမှန်တွေကို ပြောမယ့်သူမရှိတဲ့ အရင်က နိုင်ငံရေးသမားတွေ၊ ခေါင်းဆောင်တွေရဲ့ အခြေအနေမျိုးထဲမှာပဲ သူမ ရှိနေပါတယ်”

သူ့ရဲ့ နှုတ်ထွက်မှုဟာ သူမကို သတိပေးရာရောက်မယ်လို့ မျှော်လင့်ပေမယ့် ဒီလိုဖြစ်လာမယ်လို့ မထင်ကြောင်း၊ သူမဟာ ကုလ၊ နိုင်ငံတကာမီဒီယာတွေ၊ လူ့အခွင့်အရေးအဖွဲ့တွေနဲ့အတူ သူ့ကို ရန်သူစာရင်း သွင်းပြီးပြီလို့ထင်ကြောင်း ရစ်ချက်ဆန်က ထပ်လောင်း ပြောကြားခဲ့ပါတယ်။

Ref: NY Times