အကြမ်းဖက်ဆိုင်ရာ ထောက်လှမ်းရေး ပူးပေါင်းဆောင်ရွက်ရန် အာဆီယံ ၆ နိုင်ငံ လက်မှတ်ထိုး

ဇန်န၀ါရီ ၂၅၊ ၂၀၁၈
M-Media

– ဒေသတွင်း အကြမ်းဖက်တိုက်ဖျက်ရေးလုပ်ငန်းများ တိုးတက်စေရန်အတွက် ရည်ရွယ်သည့် ထောက်လှမ်းရေးဆိုင်ရာ သဘောတူညီချက်တစ်ခုကို အာဆီယံ ၆ နိုင်ငံက ယနေ့တွင် လက်မှတ်ရေးထိုး ခဲ့သည်ဟု သိရသည်။

Under the Our Eyes Initiative (OEI) ဟု အမည်ပေးထားသည့် အဆိုပါ သဘောတူညီချက်အရ အဖွဲ့ဝင် နိုင်ငံများမှာ “အကြမ်းဖက်ဝါဒ၊ အစွန်းရောက်မှု၊ အကြမ်းဖက် အစွန်းရောက်ဝါဒဆိုင်ရာ မဟာဗျူဟာကျသည့် သတင်းအချက်အလက်များ ဖယ်လှယ်ရေး နည်းလမ်များ ရှာဖွေသွားမည်” ဟု စင်ကာပူ ကာကွယ်ရေးဝန်ကြီးဌာနက သတင်းထုတ်ပြန်ခဲ့သည်။

ကာကွယ်ရေးဌာန်ဝန်ကြီးဌာနမှ အကြီးတန်း တာဝန်ရှိသူ ဒေါက်တာ မာလီကီ အိုစမန်က မြင့်တက်လာသည့် အကြမ်းဖက်ဝါဒ ခြိမ်းခြောက်မှုကို တိုက်ဖျက်ရေး ဒေသတွင်း ပူးပေါင်းဆောင်ရွက်မှုကို ခိုင်မာစေရန် စင်ကာပူမှာ အလေးထား ဆောင်ရွက်သွားမည်ဟု Facebook စာမျက်နှာတွင် ရေးသားခဲ့သည်။

စင်ကာပူ၊ ဘရူးနိုင်း၊ အင်ဒိုနီးရှား၊ မလေးရှား၊ ဖိလစ်ပိုင်နှင့် ထိုင်းနိုင်ငံတို့က လက်မှတ်ရေးထိုးခဲ့သည့် အဆိုပါ သဘောတူညီချက်အရ အကြီးတန်း ကာကွယ်ရေး တာဝန်ရှိသူများမှာ နှစ်ပတ်တစ်ကြိမ် စစ်သွေးကြွ အုပ်စုများနှင့် ပတ်သက်သည့် သတင်းအချကအလက်များကို လဲလှယ်ခြင်း၊ အစွန်းရောက်များစာရင်းကို ပြုစုရန် ပူးပေါင်း ဒေတာဘေ့စ်တစ်ခု တည်ထောင်ခြင်းတို့ ပြုလုပ်မည်ဖြစ်သည်။

Ref: CNA