မြန်မာအစိုးရက တာဝန်မှရပ်စဲကြောင်း မပြောခဲ့ဘဲ၊ မပြန်ရန် လာတားမှုသာရှိဟု ရစ်ချက်ဆန်ပြော

ဇန်န၀ါရီ ၂၆၊ ၂၀၁၈
M-Media

ကန်သံတမန်ဟောင်း ရစ်ချက်ဆန်

– ရခိုင်ပြည်နယ်ဆိုင်ရာ အကြံပေးကော်မတီကနေ မြန်မာအစိုးရက သူ့ကို ရပ်စဲလိုက်တယ်ဆိုတာ မဟုတ်ဘူးလို့ အမေရိကန်ဆိုင်ရာ ကုလသံအမတ်အဟောင်း ဘီလ် ရစ်ချက်ဆန်က ပြောကြောင်း သူ့ရဲ့ ပြောရေးဆိုခွင့်ရှိသူက ဒီကနေ့မှာ ထုတ်ပြန်လိုက်ပါတယ်။

ကြာသပတေးည နိုင်ငံတော်အတိုင်ပင်ခံရုံးက ထုတ်ပြန်တဲ့ ကြေငြာချက်မှာ ရစ်ချက်ဆန်ဟာ ‘ပုဂ္ဂလိကအကျိုးကို’ ရှေးရှုတဲ့အတွက်ကြောင့် အကြံပေးကော်မတီမှာ ပါဝင်မှုကို ရပ်စဲဖို့ အစိုးရက ဆုံးဖြတ်တယ်လို့ ဖော်ပြထားတာပါ။

“ရာထူးကနေ ရပ်စဲတယ်ဆိုတာ အုပ်ချုပ်ရေးမှူးကို မြန်မာအစိုးရက တစ်ယောက်ယောက် ဒါမှမဟုတ် အကြံပေးကော်မတီဥက္ကဌက လူချင်းတွေ့ပြီးပြောတာ ဒါမှမဟုတ် စာနဲ့ပြောတာမျိုး လုံးဝမရှိပါဘူး။ ဒါနဲ့ ဆန့်ကျင်ဖက်အဖြစ် မပြန်ခင်တစ်နေ့က သူတို့ရဲ့ အမျိုးသားလုံခြုံရေးအကြံပေးဟာ မပြန်ဖို့ လာတားပြီး စီစဉ်ထားတဲ့အတိုင်း ဆက်နေဖို့ ဆွယ်တာမျိုးပဲ ရှိပါတယ်” လို့ ရစ်ချက်ဆန်ရဲ့ ပြောရေးဆိုခွင့်ရှိသူ မစ်ကေး ဘာဂ်မန်းက Reuters သတင်းဌာနကို ပြောကြားခဲ့ပါတယ်။

ကုလအတွင်းရေးမှူးချုပ်ဟောင်း ကိုဖီအန်နန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးအဖွဲ့ရဲ့ အစီရင်ခံစာပါ အကြံပြုချက်တွေအတိုင်း ဆောင်ရွက်ဖို့ မြန်မာအစိုးရဟာ ထိုင်းနိုင်ငံရေးသမား ဆူရာကီယတ် ဆက်သီရာထိုင်း ဦးဆောင်ပြီး အဖွဲ့ဝင် ၁၀ ဦးပါ ကော်မတီတစ်ခုကို ဖွဲ့စည်းခဲ့ကာ အဲဒီအထဲမှာ ရစ်ချစ်ဆန်လည်း ပါဝင်ခဲ့တာပါ။

ဒါပေမယ့် အမေရိကန် သံတမန်ဟောင်းဟာ ကော်မတီကနေ နှုတ်ထွက်ကြောင်း ဗုဒ္ဓဟူးနေ့က ကြေငြာခဲ့ပြီး Reuters သတင်းဌာနနဲ့ အင်တာဗျူးမှာ သူက ဒီကော်မတီဟာ အစိုးရကို ‘ကာကွယ်ပေးဖို့’ ဖွဲ့စည်းထားတာဖြစ်ကြောင်း၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ‘စာရိတ္တပိုင်းဆိုင်ရာ ခေါင်းဆောင်မှု’ ကင်းမဲ့နေကြောင်း ပြောကြားခဲ့ပါတယ်။

အမည်မဖော်လိုတဲ့ အမေရိကန် တာဝန်ရှိသူတစ်ဦးက ရစ်ချက်ဆန်ရဲ့ အခုလိုပြောကြားမှုဟာ ရိုဟင်ဂျာပြဿနာကို မြန်မာအစိုးရရဲ့ ကိုင်တွယ်မှုနဲ့ပတ်သက်ပြီး စိုးရိမ်မှုတွေ ပိုတိုးလာစေကြောင်း၊ လက်ရှိမှာတော့ အမေရိကန်အစိုးရဟာ မြန်မာနိုင်ငံအပေါ် အကန့်အသတ်နဲ့သာ ဖိအားပေးသွားမှာဖြစ်ပြီး၊ အခြေအနေတွေ မတည်မငြိမ်ဖြစ်တာမျိုးကို ရှောင်ရှားဖို့အတွက် ကြီးမားတဲ့ဖိအားတွေ ပေးမှာမဟုတ်ကြောင်း ပြောကြားခဲ့ပါတယ်။

‘ပုဂ္ဂလိကအကျိုးကို’ ရှေးရှုတယ်လို့ အစိုးရရဲ့ ကြေငြာချက်မှာ ဖော်ပြထားမှုဟာ ဒေါ်အောင်ဆန်းစုကြည်နဲ့ တွေ့ဆုံစဉ် ရစ်ချက်ဆန်က ဖမ်းဆီးခံထားရတဲ့ ရိုက်တာ ဂျာနယ်လစ်နှစ်ယောက်အကြောင်း ပြောကြားမှုကို ရည်ညွှန်းတာဖြစ်မယ်လို့ ဘာဂ်မန်းက ဆိုပါတယ်။

ရစ်ချက်ဆန်က တနင်္လာနေ့ညက သူ့အနေနဲ့ ဒီကိစ္စကို ပြောတဲ့အခါမှာ ဒေါ်အောင်ဆန်းစုကြည်ဟာ အလွန်ဒေါသဖြစ်ခဲ့တယ်လို့ ပြောကြားခဲ့ပါတယ်။

“ကော်မတီမှာ သူပါဝင်ဖို့ သဘောတူခဲ့တဲ့အချိန်ဟာ ရိုက်တာ ဂျာနယ်လစ်တွေ အဖမ်းမခံရခင် တစ်လအရင်ကဖြစ်တယ်ဆိုတဲ့အချက်ကို သိထားဖို့ အရေးကြီးပါတယ်” လို့ ရစ်ချက်ဆန်ရဲ့ ပြောရေးဆိုခွင့် ရှိသူ ဘာဂ်မန်းက ထည့်သွင်းပြောဆိုခဲ့ပါတယ်။

Ref: Reuters