အဖိနှိပ်ခံ ဟိန္ဒူအမျိုးသမီးတွေကိုကျော်ပြီး မွတ်စလင်အမျိုးသမီးအရေး မိုဒီ ဘာ့ကြောင့်လုပ်သလဲ

ဇန်န၀ါရီ ၂၈၊ ၂၀၁၈
M-Media

– အိန္ဒိယ အာဏာရပါတီ BJP ဟာ မွတ်စလင်အမျိုးသမီးတွေကို လွတ်မြောက်စေချင်ပေမယ့် သူတို့ရဲ့ ဟိန္ဒူအမျိုးသမီးတွေကိုတော့ ဒီလို မဖြစ်စေချင်တဲ့ အနေအထားမှာ ရှိနေပါတယ်။

ဒီရက်ပိုင်း အိန္ဒိယတစ်ဝှမ်းမှာ ရေပန်းစားနေတဲ့ ပျက်လုံးကတော့ BJP ပါတီဟာ မွတ်စလင်အမျိုးသားတွေထက် မွတ်စလင်အမျိုးသမီးတွေကို ပိုပြီး ချစ်ခင်နေတယ်ဆိုတာပါ။

လက်ယာယိမ်း ၀န်ကြီးချုပ်မိုဒီဟာ ဘာသာရေးသမားတွေလက်ကနေ  မွတ်စလင်အမျိုးသမီးတွေ လွတ်မြောက်ဖို့အတွက် ရှေးရိုးစွဲဘာသာရေးအယူသီးမှုကို တိုက်ဖျက်နေတဲ့ ခရူဆိတ်ဒါတစ်ယောက်ဖြစ်တယ်လို့ အမွှမ်းတင်ဖို့ BJP ရဲ့ ကြိုးစားမှုကို လှောင်ပြောင်သရော်တာလည်း ဖြစ်ပါတယ်။

မွတ်စလင်လူ့အဖွဲ့အစည်းက တစ်ချို့တွေ ကျင့်သုံးတဲ့ ချက်ခြင်းကွာရှင်းမှု ‘သုံးသွလားက်’ ကို အိန္ဒိယ တရားရုံးချုပ်က ပိတ်ပင်ခဲ့ပြီးတဲ့နောက် BJP ဟာ ဒီလို ၀ါဒဖြန့်မှုကို ပြီးခဲ့တဲ့နှစ် သြဂုတ်လက စတင်ခဲ့တာဖြစ်ပါတယ်။ တရားရုံးချုပ်ရဲ့ ဒီဆုံးဖြတ်ချက်အပြီး ၄ လကြာတဲ့အခါမှာ BJP ထိန်းချုပ်ထားတဲ့ အောက်လွှတ်တော်က သုံးသွလားက်ကျင့်သုံးမှုကို ရာဇ၀တ်မှုအဖြစ် သတ်မှတ်နိုင်တဲ့ ဥပဒေမူကြမ်းတစ်ခုကို အတည်ပြုခဲ့ပါတယ်။ ဒီမူကြမ်းသာ ဥပဒေအဖြစ် ထွက်ပေါ်လာပြီဆိုရင်တော့ သုံးသွလားက်ကို အသုံးပြုပြီး ဇနီးဖြစ်သူကို ကွာရှင်းတဲ့ အမျိုးသားတွေဟာ အမြင့်ဆုံး ထောင်ဒဏ် ၃ နှစ်အထိ ကျခံရမှာ ဖြစ်ပါတယ်။

ဒီလိုဆောင်ရွက်မှုဟာ မွတ်စလင်အမျိုးသားတွေ သုံးသွလားက်ကျင့်သုံးမှုကို တားမြစ်နိုင်မယ်လို့ BJP ပါတီက ယုံကြည်နေပြီး ၀န်ကြီးချုပ်မိုဒီဟာ မွတ်စလင်အိမ်ထောင်ရေးဥပဒေကို ပြုပြင်ပြောင်းလဲသူ၊ မွတ်စလင် ဘာသာရေးအာဏာပိုင်တွေကို စိန်ခေါ်သူဖြစ်တယ်ဆိုပြီး အမွှမ်းတင်ခဲ့ကြပါတယ်။

ဒါပေမယ့် ဒီလို လက်ခမောင်းခတ်မှုဟာ ကြောင်သူတော်လုပ်ရပ်သာဖြစ်တယ်လို့ အိန္ဒိယမွတ်စလင်တော်တော်များများက ရှုမြင်နေပါတယ်။

ပထမဆုံးအနေနဲ့ ဒီဥပဒေမူကြမ်းဟာ သုံးသွလားက်ကျင့်သုံးမှုကို ဆယ်စုနှစ်နဲ့ချီ ဆန့်ကျင်ကန့်ကွက်လာခဲ့တဲ့ မွတ်စလင်အမျိုးသမီးတွေရဲ့္ဘကိုးပမ်းမှုရလဒ် တစ်စိတ်တစ်ပိုင်း ဖြစ်ပါတယ်။ မူကြမ်းမှာ ပါဝင်တဲ့ အကြောင်းအရာတွေဟာ မွတ်စလင်အမျိုးသမီးတွေကို အကူအညီမဖြစ်စေဘဲ အမျိုးသားတွေကိုသာ ရာဇ၀တ်ကောင်တွေ  ဖြစ်စေတယ်လို့ တော်တော်များများက ယုံကြည်နေပါတယ်။ မူကြမ်းအရ ဒီကိစ္စနဲ့ပတ်သက်လို့ ကာယကံရှင် ဇနီးမှမဟုတ်ဘဲ မည်သူမဆို ရဲတပ်ဖွဲ့ကို တိုင်ကြားနိုင်မှာဖြစ်ပြီး ခင်ပွန်းသည်က ထောင်ကျနေရင်တောင် ဇနီးသည်ကို စားစရိတ်၊ နေစားရိတ် ပေးရမှာ ဖြစ်ပါတယ်။

ဒုတိယတစ်ချက်က ၀န်ကြီးချုပ်ဖြစ်ခဲ့တဲ့ သက်တမ်းတစ်လျှောက်လုံးမှာ မိုဒီဟာ ဟိန္ဒူနဲ့ အခြားအမျိုးသမီးတွေ ခံစားနေရတဲ့ ဘာသာရေးခေါင်းစဉ်တပ် ဓလေ့ထုံးစံတွေနဲ့ပတ်သက်ပြီး ဘာမှ မလုပ်ခဲ့တာ ဖြစ်ပါတယ်။ ဥပမာပြရရင် ဇနီးသည်က သဘောမတူဘဲ အတင်း သံဝါသပြုမှုကို ရာဇ၀တ်မှုအဖြစ် သတ်မှတ်ရေး BJP က ဆန့်ကျင်တာမျိုးပါ။ BJP တာဝန်ရှိသူတွေက ဒါဟာ ‘အိန္ဒိယလူ့အဖွဲ့အစည်းမှာ ကျင့်သုံးဖို့ မသင့်တော်ဘူး’ လို့ ဆိုပါတယ်။

အချို့ ဟိန္ဒူလူ့အဖွဲ့အစည်းတွေမှာ ကျယ်ကျယ်ပြန့်ပြန့် ဝေဖန်ပြောဆိုနေကြတဲ့ ‘အချစ်ဂျီဟတ်’ ဆိုတဲ့ ကိစ္စအတွက်လည်း မိုဒီဟာ ဟိန္ဒူအမျိုးသမီးတွေဖက်က ရပ်တည်ပြောဆိုခြင်း မရှိသေးပါဘူး။

အချစ်ဂျီဟတ်

အစ္စလာမ်ထဲကို သွတ်သွင်းဖို့ဆိုတဲ့ ရည်ရွယ်ချက်နဲ့ ဟိန္ဒူအမျိုးသမီးတွေကို သွေးဆောင်ရယူတဲ့ အချစ်ဂျီဟတ်ကို မွတ်စလင်တွေက ကြံစည်လုပ်ဆောင်နေတယ်လို့ ဟိန္ဒူအုပ်စုတွေက စွပ်စွဲပြောဆိုထားပါတယ်။ ဒီကိစ္စရဲ့နောက်ကွယ်မှာ တစ်ခါတစ်ရံ မွတ်စလင် အစွန်းရောက်အုပ်စုတွေ ရှိနေတယ်လို့လည်း သူတို့က ဆိုပါတယ်။

ပြီးတဲ့နှစ် ဒီဇင်ဘာလနှောင်းပိုင်းမှာ နယူးဒေလီမြို့အနီး ဂါဇီယာဘဒ်မြို့မှာ မွတ်စလင်အမျိုးသားတစ်ယောက်နဲ့ ဟိန္ဒူအမျိုးသမီးတစ်ယောက်တို့ လက်ထပ်မှုကို ဆန့်ကျင်တဲ့ ဆန္ဒပြမှုအတွင်း ဟိန္ဒူမျိုးချစ်တွေနဲ့ ရဲတပ်ဖွဲ့အကြား ထိပ်တိုက်တွေ့ဆုံမှုတွေ ဖြစ်ခဲ့ပါတယ်။ ဒီလို မင်္ဂလာဆောင်တာဟာ အချစ်ဂျီဟတ်ရဲ့လုပ်ရပ် ဖြစ်တယ်လို့ သူတို့တွေက ဆိုပါတယ်။

သတို့သမီးမိဘတွေက နှစ်ဦးသဘောတူ မင်္ဂလာဆောင်ခဲ့တာဖြစ်တယ်လို့ ပြောကြားခဲ့ပမယ့် BJP တာဝန်ရှိသူတွေကတော့ နှစ်ဖက်မိသားစုတွေဟာ ဘာသာမတူသူတွေ လက်ထပ်ပွဲကျင်းပဖို့အတွက် ခွင့်ပြုချက် မရခဲ့ဘဲ ဖိအားပေး ဘာသာပြောင်းတာဖြစ်တယ်လို့ အခိုင်အမာ ဆိုကြပါတယ်။ သတို့သမီးဟာ အစ္စလာမ်ဘာသာကို ပြောင်းခဲ့တာမဟုတ်ပေမယ့် သူတို့တွေက ဒါကိုလည်း ဂရုမစိုက်ခဲ့ပါဘူး။

သတို့သမီးဟာ ဒီလို ဘာသာပြောင်းခဲ့ရင်တောင်မှ သူတို့ ဇနီးမောင်နှံနှစ်ယောက်ဟာ ဘယ်သူ့ဆီကမှ ခွင့်ပြုချက်တောင်းခံဖို့ မလိုအပ်ဘဲ အိန္ဒိယ ဖွဲ့စည်းပုံအခြေခံဥပအေရ နိုင်ငံသားတိုင်းဟာ လွတ်လပ်စွာ ဘာသာကူးပြောင်းခွင့် ရှိတာကြောင့် ဖြစ်ပါတယ်။ သူတို့ဟာ အထူး ထိမ်းမြားမှုဆိုင်ရာ အက်ဥပဒေအရ လက်ထပ်ခဲ့တာဖြစ်ပြီး ဒီဥပဒေမှာ ဘာသာမတူသူတွေဟာ ဘာသာပြောင်းစရာမလိုဘဲ လက်ထပ်ဖို့ ခွင့်ပြုထားတာ ဖြစ်ပါတယ်။ ဒါပေမယ့် ဟိန္ဒူအခြေခံဝါဒီတွေက ဘာသာမတူတဲ့စုံတွဲတွေအပေါ် ပစ်မှတ်ထားမှု၊ အရှက်ရအောင်လုပ်မှု၊ ဟိန္ဒူအမျိုးသမီးတွေနဲ့ မေတ္တာမျှတဲ့ မွတ်စလင်အမျိုးသားတွေကို အကြမ်းဖက်တိုက်ခိုက်မှုတွေကို ဒီအက်ဥပဒေက ဟန့်တားနိုင်ခြင်း မရှိပါဘူး။

ဒီဇင်ဘာလအတွင်းမှာပဲ ရာဂျက်စသန်ပြည်နယ် ရာဂျာဆာမန်းမြို့မှာ အသက် ၃၆ နှစ်အရွယ် ရှမ်ဘ်ဟူလာ ရီဂါဟာ အသက် ၅၀ အရွယ် မွတ်စလင်အမျိုးသား အက်ဖ်ရာဇူလ်ကို အချစ်ဂျီဟတ်လုပ်ဖို့ ကြိုးစားတယ်လို့ စွပ်စွဲကာ ခေါင်းဖြတ်သတ်ခဲ့ပြီး အလောင်းကို မီးရှို့ခဲ့ပါတယ်။ ရီဂါက သူဟာ အက်ဖ်ရာဇူလ်ကို သတ်ဖြတ်ပြီး အချစ်ဂျီဟတ်ရဲ့ သားကောင်ဖြစ်လာမယ့် ဟိန္ဒူအမျိုးသမီးကို ကယ်တင်လိုက်တာလို့ ဆိုပါတယ်။ ဒါပေမယ့် သူဟာ ဟိန္ဒူအမျိုးသမီးတစ်ဦးနဲ့ ကြိုက်နေတယ်လို့ဆိုတဲ့ အခြားမွတ်စလင်အမျိုးသားနဲ့ လူမှားပြီး အက်ဖ်ရာဇူလ်ကို သတ်ဖြတ်ခဲ့တာဖြစ်တယ်လို့ နောက်ပိုင်းမှာ ရဲတပ်ဖွဲ့က သိရှိခဲ့ပါတယ်။

ဒီကိစ္စဖြစ်ပြီး သိပ်မကြာခင် ဇန်န၀ါရီလမှာ ပိုပြီး ကြမ်းကြုတ်တဲ့ အချစ်ဂျီဟတ်ဆန့်ကျင်မှုတစ်ခု ဖြစ်ပွားခဲ့ပါတယ်။ ဒါကတော့ အူတာပရာဒက်ရ်ှပြည်နယ် ဘာဂ်ပါ့တ်မြို့က တရားရုံးမှာ မွတ်စလင်ညီအစ်ကို ၃ ယောက်ဟာ အုပ်စုဖွဲ့ ရိုက်နှက်ခံရပြီး သူတို့ထဲကတစ်ယောက်က ဟိန္ဒူအမျိုးသမီးတစ်ဦးကို လက်ထပ်ချင်လို့ဖြစ်တယ်ဆိုတဲ့ အကြောင်းအရင်းကြောင့် ဖြစ်ပါတယ်။ အဲဒီလို ရိုက်နှက်ခဲ့သူတွေဟာ BJP ပါတီရဲ့ မိခင်အဖွဲ့အစည်း RSS နဲ့နွယ်တဲ့ Vishva Hindu Parishad အုပ်စုဝင်တွေ ဖြစ်ပါတယ်။

RSS ထောက်ခံတဲ့ ဟိန္ဒူ အခြေခံဝါဒီတွေက ဟိန္ဒူအမျိုသမီးကို မွတ်စလ်အမျိုးသားက ချစ်တယ်ဆိုတာ အချစ်စစ်အချစ်မှန် မဟုတ်ဘူးလို့ ဆိုပါတယ်။ ဟန်ဆောင်တာသာဖြစ်ပြီး အပြစ်ကင်းတဲ့ မိန်းကလေးကို အစ္စလာမ်ဘာသာထဲ သွတ်သွင်းဖို့၊ အကြမ်းဖက်အုပ်စုအတွက် လူသစ်စုဆောင်းဖို့၊ အိန္ဒိယကို မွတ်စလင်နိုင်ငံအဖြစ်ပြောင်းလဲဖို့ ကြိုးပမ်းမှုဖြစ်တယ်လို့ စွပ်စွဲပါတယ်။

ဒီလိုပြောဆိုမှုတွေနဲ့ အိန္ဒိယ၀န်ကြီးချုပ်မိုဒီက ဒီကိစ္စအပေါ် နှုတ်ဆိတ်နေမှုဟာ အိန္ဒိယနိုင်ငံအတွင်း မွတ်စလင်တွေအပေါ် မယုံသင်္ကာမှုတွေ ကြီးထွားလာဖို့ မီးထိုးပေးနေသလို ဖြစ်နေပါတယ်။ ဒီကနေတစ်ဆင့် မယုံသင်္ကာမှုတွေကနေ တိုက်ခိုက်မှုတွေ၊ သတ်ဖြတ်မှုတွေအထိ ဖြစ်လာခဲ့ပြီး အချစ်ဂျီဟတ် သတို့သမီးလောင်းတွေဖြစ်တဲ့ ဟိန္ဒူအမျိုးသမီးတွေကို ကာကွယ်ဖို့ ကြိုးပမ်းမှုဆိုတာတွေလည်း ပေါ်လာပါတယ်။

ဟိန္ဒိအမျိုးသမီများ ပစ်မှတ်ထား ခံလာရမှု

အခုလအစောပိုင်းမှာ နိုင်ငံအနောက်တောင်ပိုင်း ကာရ်နာတာကာပြည်နယ်မှာ ဒါညာရှရီဆိုတဲ့ အသက် ၂၀ အရွယ် ဟိန္ဒူအမျိုးသမီးတစ်ဦးဟာ ကိုယ့်ကိုကိုယ် သတ်သေသွားခဲ့ပြီး ဓာတ်ပုံတစ်ပုံအတွက် ဟိန္ဒူအခြေခံဝါဒီတွေက ဖိအားပေးမှုကြောင့် ဖြစ်ပါတယ်။

သူမရဲ့ WhatApp အကောင့်ဓာတ်ပုံမှာ အနက်ရောင်ကို နောက်ခံထားတဲ့ မျက်လုံးပုံကို တင်ထားတာဖြစ်ပြီး ဒါက သူမဟာ ပုဝါခြုံထားတယ်ဆိုတဲ့ အမြင်မျိုးကို ဖြစ်စေခဲ့ပါတယ်။ BJP ပါတီရဲ့ လူငယ်အဖွဲ့ဖြစ်တဲ့ Bharatiya Janata Yuva Morcha က အဖွဲ့ဝင်တွေဟာ ဒီပုံကို ဖယ်ရှားပေးဖို့ သူမကို တောင်းဆိုခဲ့ပါတယ်။

သူမဟာ မွတ်စလင်ကောင်လေးတစ်ယောက်နဲ့ ကြိုက်နေတယ်ဆိုတဲ့ ကောလဟာတွေနဲ့ အရှက်ရခဲ့ပြီး မခံနိုင်တဲ့အဆုံးမှာတော့ ကိုယ့်ကိုယ်ကို သတ်သေသွားခဲ့ပါတယ်။

မွတ်စလင်အမျိုးသမီးတွေကို သုံးသွလားက်ရန်ကနေ ကာကွယ်ဖို့ လုပ်နေတယ်လို့စွပ်စွဲခံထားရတဲ့ BJP တာဝန်ရှိသူတွေဟာ ဒါညာရှရီကိစ္စမှာ တရားမျှတအောင် ဆောင်ရွက်ပေးဖို့ထက် သူမ ကိုယ့်ကိုယ်ကို သတ်သေအောင် တွန်းပို့ခဲ့သူတွေကို ကာကွယ်ဖို့ ဆောင်ရွက်ခဲ့ပါတယ်။

ချစ်က်မာဂါလူရ်က BJP ပါတီခေါင်းဆောင်က ‘ဒါညာရှရီရဲ့ကိစ္စမှာ ဖြစ်သွားတာက ကံမကောင်းခဲ့တာပါ။ BJP ပါတီက အလုပ်သမား အနီးလ်ကို ဒီအတွက် ကျွန်တော်တို့ ဖမ်းထားပါတယ်။ ဒါပေမယ့် သူဟာ ရာဇ၀တ်မှု ကျူးလွန်ခြင်း မရှိပါဘူး။ ဟိန္ဒူအမျိုးသမီး တော်တော်များများက ပြောနေကြတဲ့ အချစ်ဂျီဟတ်ရဲ့ အန္တရာယ်အကြောင်းကို သူက ကောင်မလေးရဲ့ မိဘတွေကို အသိပေးဖို့ ကြိုးစားခဲ့တာသာ ဖြစ်ပါတယ်။ ကောင်မလေး သူ့ကိုယ်သူသတ်သေဖို့ တွန်းအားပေးလိုတဲ့ရည်ရွယ်ချက် သူ့မှာ မရှိပါဘူး’ လို့ မီဒီယာကို ပြောကြားခဲ့ပါတယ်။

အချစ်ဂျီဟတ်ဆိုပြီး ၀ါဒဖြန့်မှုကြောင့် ဒုက္ခရောက်ခဲ့တဲ့ ဟိန္ဒူအမျိုးသမီးတွေထဲမှာ ဒါညာရှရီက ပထမဆုံး မဟုတ်ပါဘူး။ နိုင်ငံတစ်ဝှမ်း မွတ်စလင်အမျိုးသားတွေနဲ့ မေတ္တာမျှလို့ ဒုက္ခရောက်ခဲ့ကြတဲ့ ဟိန္ဒူအမျိုးသမီးတွေဟာ ဒုနဲ့ဒေး ရှိနေပါတယ်။

IS အကြောင်း ၀ါဒဖြန့်မှု

မွတ်စလင်ညီအစ်မနှစ်ဦးနဲ့အတူ အခန်းငှားနေတဲ့ ဟိန္ဒူအမျိုးသမီး အခီလာဟာ ပြီးခဲ့တဲ့နှစ် သြဂုတ်လမှာ အစ္စလာမ်ဘာသာကို ပြောင်းလဲသက်ဝင်ခဲ့ပြီး ဟာဒီယာလို့ အမည်ပြောင်းကာ နောက်ပိုင်းမှာ မွတ်စလင်အမျိုးသားတစ်ဦးနဲ့ လက်ထပ်ခဲ့ပါတယ်။

မိန်းကလေးရဲ့ဖခင်က သူ့သမီးဟာ ဆီးရီးယားက IS အကြမ်းဖက်အဖွဲ့ဆီ စေလွှတ်ရေး အစီအစဉ် တစ်စိတ်တစ်ပိုင်းအဖြစ် အစ္စလာမ်ကို ပြောင်းခဲ့တာဆိုပြီး စွပ်စွဲတိုင်ကြားခဲ့တာကြောင့် ကီရာလာ တရားရုံးချုပ်က ဒီလက်ထပ်ထိမ်းမြားမှုကို တရားမ၀င်ဘူးလို့ ဆုံးဖြတ်ခဲ့ပါတယ်။

ဒီမိန်းကလေးဟာ အမြတ်ထုတ်ခံရနိုင်တဲ့ အခြေအနေမျိုးရှိပြီး လက်ထပ်တဲ့ကိစ္စဟာ သူမရဲ့ဘ၀မှာ အရေးပါဆုံး ဆုံးဖြတ်ချက်ဖြစ်တာကြောင့် မိဘတွေ ထဲထဲဝင်ဝင်ပါဝင်မှု မရှိဘဲနဲ့ ဆုံးဖြတ်လို့မရဘူးလို့ ပြောကြားခဲ့ပါတယ်။ အဲဒီနောက်မှာတော့ မိဘတွေနဲ့ ပြန်ပြီးနေထိုင်ဖို့ အမိန့်ပေးခဲ့ပါတယ်။

ဟာဒီယာရဲ့ခင်ပွန်းဟာ တရားရုံးချုပ်မှာ အယူခံဝင်ခဲ့တာကြာင့် ဒီကိစ္စနဲ့ပတ်သက်ပြီး စုံစမ်းစစ်ဆေးမှုတွေလုပ်ဖို့ အမျိုးသား စုံစမ်းစစ်ဆေးရေးအေဂျင်စီ NIA ကို တရားရုံးချုပ်က တာဝန်ပေးခဲ့ပါတယ်။ NIA ဟာ ဟာဒီယာအပါအ၀င် ဘာသာမတူသူတွေ လက်ထပ်ထိန်းမြားမှုကို စစ်ဆေးတဲ့ အကြမ်းဖက်တိုက်ဖျက်ရေးအဖွဲ့ ဖြစ်ပါတယ်။ နောက်ပိုင်းမှာ တရားရုံးချုပ် အဖွဲ့ဝင် ၃ ဦးပါတဲ့ အဖွဲ့ဟာ ဟာဒီယာကို ဆင့်ခေါ်ခဲ့ပြီး သူမ ဘာလိုချင်လဲဆိုတာ မေးမြန်းခဲ့ပါတယ်။

“ကျွန်မယောက်ျားနဲ့ ပြန်နေချင်ပါတယ်။ ဘာသာပြောင်းဖို့ ဘယ်သူကမှ ကျွန်မကို ဖိအားမပေးပါဘူး” လို့ ဟာဒီယာက ဖြေကြားခဲ့ပါတယ်။

မိဘတွေက သူမကို ကျောင်းဆက်နေဖို့ ခွင့်မပြုတော့ဘူးလို့ ပြောကြားခဲ့တာကြောင့် တရားရုံးချုပ်က ဟာဒီယာကို ကောလိပ်ပြန်တက်ဖို့ ခွင့်ပြုခဲ့ပါတယ်။

ဇန်န၀ါရီ ၂၃ ရက်နေ့မှာ ဒီ ၃ ဦးအဖွဲ့က ဟာဒီယာအနေနဲ့ ဦးနှောက်ကျင်းခံလိုက်ရရင် သူတို့ ဘာမှ မတတ်နိုင်ဘူးလို့ ပြောကြားခဲ့ပါတယ်။

“သူ့ဟာသူ လွတ်လွတ်လပ်လပ် ဘာသာပြောင်းဖို့ ရွေးချယ်ခဲ့တာ ဟုတ်လား၊ မဟုတ်ဘူးလားဆိုတာကို သူပဲသိမှာပါ။ သူ့စိတ်ထဲ ကျွန်တော်တို့ ၀င်ကြည့်လို့မရပါဘူး။ တရားရုံးကိုရောက်တဲ့အချိန်မှာ သူ့ဖာသူ ရွေးချယ်ခဲ့တယ်လို့ပြောရင် ဒါ ပြီးသွားပါပြီ”

ဒါပေမယ့်  NIA ဟာ အခြား အချစ်ဂျီဟတ်ဆိုတဲ့ကိစ္စတွေကို ဆက်လက်စုံစမ်းနေပြီး ကီရာလာက မွတ်စလင်တွေပါဝင်တဲ့ ဘာသာမတူ လက်ထပ်မှု ၉၀ လောက်ကို လိုက်နေတယ်လို့ ပြောကြားထားပါတယ်။

မကြာသေးခင်ကမှာ ဘာသာပြောင်းခဲ့သူတွေ အပါအ၀င် လူ ၂၁ ယောက်အုပ်စုဟာ သူတို့ရဲ့ ဇာတိတွေကနေ IS နဲ့ပေါင်းဖို့ ထွက်ခွာခဲ့တဲ့ ၂၀၁၆ ခုနှစ်ကစလို့ ကီရာလာပြည်နယ်မှာ အငြင်းပွားဖွယ်စောင့်ကြည့်မှုတွေ ရှိလာပါတယ်။ ဟိန္ဒူလက်ယာစွန်းရောက်တွေက ဒီအဖြစ်အပျက်ကို အသုံးချပြီး ဘာသာမတူသူတွေ လက်ထပ်မှုကို ရာဇ၀တ်မှုအဖြစ် သတ်မှတ်ဖို့၊ မွတ်စလင်အမျိုးသားတွေနဲ့ မေတ္တာမျှတဲ့ ဟိန္ဒူအမျိုးသမီးတွေဟာ ‘လှည့်ဖျားခံရတယ်’ ‘ဦးနှောက်ကျင်းခံရတယ်’ ဆိုပြီး ၀ါဒဖြန့်ဖို့ ဆောင်ရွက်နေကြပါတယ်။

အမျိုးသမီး အခွင့်အရေးအဖွဲ့များ၏ ဝေဖန်မှု

မွတ်စလင်အမျိုးသမီးတွေရဲ့ အခွင့်အရေးနဲ့ပတ်သက်ပြီး  BJP နဲ့ မိုဒီတို့ လစ်ဘရယ်ကျနေတာဟာ ဆယ်စုနှစ်နဲ့ချီ ဝေဖန်ခံခဲ့ရတဲ့ လစ်ဟာမှုတစ်ခုကို ဖြည့်ဆည်းပေးပြီး ကိုယ်ကျိုးအတွက် သိုက်တူးဖို့ကလွဲလို့ တစ်ခြားမဟုတ်ပါဘူး။

၁၉၅၀ ပြည့်နှစ်တွေမှာ ဟိန္ဒူမိသားစုဥပဒေကို ဗဟိုအစိုးရက ပြုပြင်ပြောင်းလဲမှုတွေ လုပ်ခဲ့ပေမယ့် မွတ်စလင်မိသားစုဥပဒေကိုတော့ ထိတောင် မထိခဲ့ပါဘူး။ အဲဒီတုန်းက အစိုးရကို ဦးဆောင်တဲ့ ကွန်ဂရက်ပါတီက ဒီဆုံးဖြတ်ချက်ကို ချမှတ်တဲ့အချိန်မှာ ၁၉၄၇ ခုနှစ် အိန္ဒိယ၊ ပါကစ္စတန် နှစ်ခြမ်းကွဲစဉ် ဆိုးဆိုးဝါးဝါး ပဋိပက္ခတွေ ဖြစ်ပွားပြီးနောက် နိုင်ငံအတွင်းက လူနည်းစုတွေရဲ့ ဘာသာရေးကျင့်သုံးမှုကို ၀င်စွက်လိုတဲ့ ဆန္ဒမျိုး ရှိပုံမရပါဘူး။

ဒါပေမယ့် ဟိန္ဒူအုပ်စုတွေက ကွန်ဂရက်ပါတီဟာ မွတ်စလင်တွေရဲ့မဲကို ရယူလိုမှုအတွက် မွတ်စလင်မိသားစုဥပဒေကို ပြုပြင်ပြောင်းလဲမှု မလုပ်ခဲ့တာဖြစ်တယ်လို့ စွပ်စွဲခဲ့ကြပါတယ်။ ဒီလိုရပ်က သူတို့လူများစုဖြစ်နေတဲ့ တိုင်းပြည်မှာ ဒီလုပ်ရပ်က ခွဲခြားမှုမျိုးဖြစ်တယ်လို့ ဟိန္ဒူတွေက ခံစားခဲ့ရပါတယ်။ ဒီနေ့မှာတော့ သုံးသွလားက်ကို ရာဇ၀တ်မှုအဖြစ် သတ်မှတ်ရေးဟာ သမိုင်းက အမှားတစ်ခုကို ပြင်ဆင်ဖို့ ရှေ့တစ်လှမ်းတိုးတာဖြစ်တယ်လို့ ဟိန္ဒူတော်တောများများက မှတ်ယူနေကြပါတယ်။ ပြီးတော့ မိုဒီကလည်း သမိုင်းက ဒီလစ်ဟာမှုတစ်ခုကို အသုံးချပြီး ဟိန္ဒူတွေရဲ့ထောက်ခံမှု မြင့်တက်လာဖို့ ဆောင်ရွက်နေပါတယ်။

အိန္ဒိယမွတ်စလင်တွေဟာ အရင်ကလည်း သူ့ကို မဲမပေးခဲ့ဘူး၊ အနာဂတ်မှာလည်း မဲပေးဖို့မရှိဘူးဆိုတာ ၀န်ကြီးချုပ်မိုဒီက သိပါတယ်။ သူလုပ်ဖို့ ကြိုးစားနေတာတွေအားလုံးက သူ့ရဲ့အမာခံ ဟိန္ဒူအမျိုးသားရေးဝါဒီတွေ ပျော်ရွှင်အောင် ဆောင်ရွက်တာမျိုးသာ ဖြစ်ပါတယ်။ သူဟာ မွတ်စလင်အမျိုးသမီးတွေရဲ့ အခွင့်အရေး၊ တစ်ခြားအမျိုးသမီးအခွင့်အရေးတွေကို လေးစားလို့ လုပ်နေတာမျိုး မဟုတ်ကြောင်းပါ။

Ref : Aljazeera

(အလ်ဂျာဇီးရားသတင်းဌာနတွင် ဖော်ပြထားသည့် Narendra Modi : A false crusader for Women’s rights ကို လေးမောင်က ဆီလျော်အောင် ဘာသာပြန်ဆိုသည်)