ကိုရီးယားနှစ်နိုင်ငံ ပူးပေါင်းကပွဲပြုလုပ်မည့်အစီအစဉ်ကို မြောက်ကိုရီးယား ဖျက်သိမ်း

ဇန်န၀ါရီ ၃၀၊ ၂၀၁၈
M-Media

တောင်ကိုရီးယားသို့ ရောက်ရှိလာသည့် မြောက်ကိုရီးယား ဟော်ကီ အားကစားသမားများ

– တောင်ကိုရီးယားမှ အနုပညာရှင်များနှင့် ပူးပေါင်းပြုလုပ်ရန် စီစဉ်ထားသည့် ယဉ်ကျေးမှုကပွဲကို မြောက်ကိုရီးယားဘက်က ဖျက်သိမ်းလိုက်သည်ဟု သိရသည်။

ဖေဖော်ဝါရီ ၄ ရက်နေ့တွင် ပြုလုပ်ရန် စီစဉ်ထားသည့် အဆိုပါ ကပွဲမှာ ပြုံချမ်း ဆောင်းရာသီအိုလံပစ် ပြိုင်ပွဲအထိမ်းအမှတ်အဖြစ် ပြုလုပ်မည့် အခမ်းအနားများမှ တစ်ခုဖြစ်ပြီး မြောက်ကိုရီးယားက ဖျက်သိမ်းကြောင်း တောင်ကိုရီးယား ပြန်လည်ပေါင်းစည်းရေးဝန်ကြီးဌာနက ယမန်နေ့တွင် အတည်ပြုခဲ့သည်။

အဆိုပါ တစ်ဖက်သတ်ရုပ်သိမ်းမှုက အလွန်ဝမ်းနည်းဖွယ်ရာဖြစ်သည်ဟုလည်း တောင်ကိုရီးယားက ပြောကြားခဲ့သည်။

မြောက်ကိုရီးယားကမူ မီဒီယားများက ၎င်းတို့နှင့်ပတ်သက်၍ တစ်ဖက်သက် သတင်းများကို ဖော်ပြသည့်အတွက်ကြောင့် ကပွဲကို ဖျက်သိမ်းလိုက်ရခြင်းဖြစ်သည်ဟု ပြောဆိုခဲ့သည်။

တောင်-မြောက် နှစ်နိုင်ငံမှ အနုပညာရှင်များပါဝင်မည့် ကပွဲမှာ မြောက်ကိုရီးယားအပေါ် ပြုလုပ်ထားသည့် ကုလလုံခြုံရေးကောင်စီ၏ ပိတ်ဆို့မှုများကို ချိုးဖောက်ခြင်းဖြစ်မည်ဆိုသည့် စိုးရိမ်မှုများရှိကြောင်း တောင်ကိုရီးယား မီဒီယာများက ပြီးခဲ့သည့်ရက်ပိုင်းတွင် ဖော်ပြခဲ့သည်။

ဖေဖော်ဝါရီ ၈ ရက်နေ့တွင် ကျရောက်မည့် မြောက်ကိုရီးယား တပ်မတော်နေ့အတွက် စစ်ရေးပြမှုနှင့် ပတ်သက်၍ တောင်ကိုရီးယားမီဒီယာများက ရည်ညွှန်းဖော်ပြမှုကိုလည်း မြောက်ကိုရီးယားက ကျေနပ်ခြင်းမရှိပေ။

တောင်ကိုရီးယား ပြန်လည်ပေါင်းစည်းရေးဝန်ကြီး ချိမြောင်ဂျွန်းက မြောက်ကိုရီးယားအနေဖြင့် အိုလံပစ်ပြိုင်ပွဲမတိုင်ခင် တစ်ရက်အလို၌ ထိုကဲ့သို့ စစ်ရေးပြရန် စီစဉ်မှုမှာ ခြိမ်းခြောက်ခြင်းဖြစ်သည်ဟု ပြောကြားခဲ့သည်။

ကိုရီးယားနှစ်နိုင်ငံမှာ ပြီးခဲ့သည့် သီတင်းပတ်များအတွင်း ပြန်လည်ရင်ကြားစေ့ရေလုပ်ငန်းများကို တိုးမြှင့်လုပ်ဆောင်လာခဲ့ပြီး ဇန်န၀ါရီလ ၉ ရက်နေ့တွင် ၂ နှစ်အတွင်း ပထမဆုံးအကြိမ် နှစ်ဖက် အဆင့်မြင့်အစည်းအဝေးတစ်ခုကို ကျင်းပခဲ့သည်။

Ref: Aljazeera