ကလေးဖျက်ချမှုနှင့် အခြားကြောင်းများကြောင့် အိန္ဒိယတွင် အမျိုးသမီး ၆၃ သန်းကျော် ဆုံးရှုံး

ဇန်န၀ါရီ ၃၀၊ ၂၀၁၈
M-Media

– ကလေးဖျက်ချမှု၊ ရောဂါဘယ၊ လစ်လျူမှု၊ အဟာရချို့တဲ့မှုတွေကြောင့် အိန္ဒိယနိုင်ငံမှာ အမျိုးသမီး ၆၃ သန်းကျာ် ဆုံးရှုံးနေတယ်လို့ အိန္ဒိယအစိုးရရဲ့ စစ်တမ်းတစ်ခုက ဆိုပါတယ်။

အဲဒီစစ်တမ်းကို မနေ့က ထုတ်ပြန်ခဲ့တာဖြစ်ပြီး အိန္ဒိယနိုင်ငံသားတွေထဲမှာ ယောက်ျားလေးကို ဦးစားပေးတဲ့ဓလေ့ကြောင့် အမျိုးသမီးသန္ဓေသားတွေ ၂၁ သန်းလောက် ဖျက်ချခံရကြောင်း၊ နှစ်စဉ် အမျိုးသမီး ၂ သန်းလောက် ဆုံးရှုံးနေကြောင်း ဖော်ပြထားပါတယ်။

“အိန္ဒိယမိဘတွေဟာ သားယောက်ျားလေးတွေ လိုချင်သလောက်ရတဲ့အထိ ကလေးယူတာတွေ ရှိပါတယ်။ မိန်းကလေးမွေးတဲ့ မိသားစုထက် သားယောက်ျားလေးမွေးတဲ့ မိသားစုတွေက ကလေးယူရပ်တာမျိုး ပိုပြီးအဖြစ်များပါတယ်။ ဒါက သူတို့ လိုချင်တဲ့ သားယောက်ျားလေးအရေအတွက် ရတဲ့အထိ မိဘတွေက ကလေးယူလေ့ရှိတယ်ဆိုတာကို ညွှန်းနေတာပါ” လို့ စစ်တမ်းက ဆိုပါတယ်။

UN Women အဖွဲ့က အိန္ဒိယဆိုင်ရာ ဌာနေကိုယ်စားလှယ် ရေဘက်ကာ ရစ်ခ်ျမန်း တာဗာရက်စ်က ယောက်ျားလေးမှယူမယ်ဆိုပြီး သတ်မှတ်တာဟာ ဖွဲ့စည်းပုံနဲ့မညီကြောင်း၊ ဒါပေမယ့် ပညာတတ်တွေ၊ ၀င်ငွေကောင်းသူတွေအပါအ၀င် အိန္ဒိယနိုင်ငံမှာ ဒီဓလေ့ကို ကျယ်ကျယ်ပြန့်ပြန့် ကျင့်သုံးနေကြောင်း ထောက်ပြခဲ့ပါတယ်။

အိန္ဒိယအစိုးရဟာ လိင်ညီမျှမှုအတွက် စိမံကိန်းတွေလုပ်နေပေမယ့် နိုင်ငံအတွင်း ကျား၊ မအချိုး ကွဟာမှု ဆိုးရွားလာနေတဲ့အချိန် အခုလိုစစ်တမ်း ထွက်ပေါ်လာတာပါ။

ဝန်ကြီးချုပ်မိုဒီဟာ ၂၀၁၅ ခုနှစ်က Beti Bachao, Beti Padhao (မိန်းကလေးတွေကို ကယ်တင်ပါ၊ မိန်းကလေးတွေကို ပညာသင်ပါ) ဆိုတဲ့ စီမံကိန်းကို စတင်ခဲ့ပြီး အစိုးရရဲ့ အမျိုးသမီး စွမ်းရည်မြှင့်တင်ရေး စီမံကိန်းတွေထဲက တစ်ခုဖြစ်ပါတယ်။

Ref: Aljazeera