ကမ္ဘာ့အမြန်ဆုံး အရေးပေါ်ဆိုင်ကယ်ကို ဒူဘိုင်းထုတ်ပြ

ဖေဖော်ဝါရီ ၂၊ ၂၀၁၈
M-Media

– ပြိုင်ကားတစ်စီးလောက်အရှိန်နဲ့ မောင်းနိုင်တဲ့ ဆိုင်ကယ်လူနာတင်ယာဉ်တစ်စီးကို ဒူဘိုင်း အရေးပေါ်ဌာန DCAS က ထုတ်ပြန်လိုက်ပါတယ်။

မနေ့ကပြီးဆုံးခဲ့တဲ့ အာရပ်ဒေသ ကျန်းမာရေးဆိုင်ရာပြပွဲမှာ ထုတ်ပြလိုက်တာဖြစ်ပြီး ဒီ Polaris ဆိုင်ကယ်ဟာ အမြင့်ဆုံး တစ်နာရီကို ကီလိုမီတာ ၂၀၀ ကျော်လောက် မောင်းနိုင်မှာဖြစ်ပါတယ်။

ဒီဆိုင်ကယ်အပါအ၀င် ဒူဘိုင်း အရေးပေါ်ဌာနမှာ တန်ဖိုးကြီး မြန်နှုန်းဖြင့် လူနာတင်ယာဉ်ဟာ ၁၀ စီးအထိ ရှိလာပြီး ကား ၆ စီးနဲ့ ဆိုင်ကယ် ၄ စီး ဖြစ်ပါတယ်။

DCAS ရဲ့ အမှုဆောင်ဒါရိုက်တာ ခါလီဖာ ဘင် ဒရေးက အရေးပေါ်လူနာတွေဆီကို အလျင်အမြန်ရောက်နိုင်ဖို့အတွက် ဒီလို မြန်နှုန်းမြင့် အားကစားဆိုင်ကယ်တွေကို ပြင်ဆင်ပြီး လူနာတင်ယာဉ်အဖြစ် အသုံးပြုတာဖြစ်တယ်လို့ ပြောကြားခဲ့ပါတယ်။

ပြပွဲမှာ ပြသခဲ့တဲ့ ဒီဆိုင်ကယ်ဟာ နောက်ဆုံးပေါ်ကိရိယာတွေ၊ ဉာဏ်ရည်တုစနစ်တွေလည်း ပါဝင်တယ်လို့လည်း သူက ထည့်သွင်းပြောဆိုခဲ့ပါတယ်။

ဆိုင်ကယ်မှာ အရေးပေါ်လူနာတွေအတွက် သက်ကယ်ပစ္စည်း အပြည့်အစုံပါဝင်ပြီး ဒူဘိုင်းရဲ့ အထင်ကရနေရာတွေမှာ ဒီဆိုင်ကယ်တွေကို ထားရှိသွားမှာဖြစ်ပါတယ်။

ဘင် ဒရေးကတော့ ဆိုင်ကယ်ဟာ လူနာတွေဆီကို ၄ မိနစ်ကနေ ၈ မိနစ်အတွင်း ရောက်ရှိမှာဖြစ်ပြီး ကမ္ဘာ့ လူနာတင်ယာဉ် အမြန်ဆုံးမြို့တွေကို ကျော်ဖြတ်သွားမှားဖြစ်တယ်လို့ ထပ်လောင်း ပြောကြားခဲ့ပါတယ်။

Ref : Alarabiya