ရုရှားခြိမ်းခြောက်မှုကြောင့် နျူလက်နက်အင်အား တိုးချဲ့မည်ဟု အမေရိကန်ပြော

ဖေဖော်ဝါရီ ၃၊ ၂၀၁၈
M-Media

– ရုရှား၏ နျူလက်နက်အင်အား မြင့်တက်လာမှုကြောင့် မိမိတို့ကလည်း နျူလက်နက် ပိုင်ဆိုင်မှုကို တိုးချဲ့သွားမည်ဟု ယမန်နေ့က ထုတ်ပြန်ခဲ့သည့် အမေရိကန်၏ ကာကွယ်ရေးပေါ်လစီ စာတမ်းတွင် ဖော်ပြထားသည်။

ရုရှားနှင့် ဆက်ဆံရေးတိုးမြှင့်ကာ မြောက်ကိုရီးယားအား ထိန်းချုပ်ရန် အမေရိကန်က ကြိုစားနေသော်လည်း ယခု ပေါ်လစီစာတမ်းတွင် ရုရား၏ စိန်ခေါ်မှုများကို ဖြေရှင်းရာ၌ ထရမ့်အစိုးရက ပိုမိုအားထည့်မည့် လက္ခဏာကို မြင်နေရသည်။

Nuclear Posture Review ခေါင်းစဉ်ဖြင့် ထုတ်ပြန်သည့် အမေရိကန်ကာကွယ်ရေးပေါ်လစီတွင် အစ္စလာမ့်မစ် စစ်သွေးကြွများအား တိုက်ဖျက်ရေးမှ တရုတ်၊ ရုရှားတို့နှင့် ပါဝါယှဉ်ပြိုင်ရေး ပိုမိုဦးစားပေးမည့် ပေါ်လစီအပြောင်းအလဲကို အဓိကထား ဖော်ပြထားသည်။

“နျူလက်နက်ကို အကန့်အသတ်နဲ့ အသုံးပြုတာကိုတောင်မှ လက်မခံဘူးဆိုတဲ့ မိမိတို့ရဲ့ မဟာဗျူဟာကို ရုရှားက သိထားရမှာ ဖြစ်ပါတယ်” ဟု စာတမ်းက ဆိုသည်။

မိမိတို့ နျူလက်နက်စွမ်အား ထပ်မံတိုးချဲ့ရန် စီစဉ်မှု အကြောင်းအရင်းမှာ ရုရှား အမေရိကန်၏ နျူလက်နက်စွမ်းအားမှာ မလုံလောက်ဟု ရှုမြင်သောကြောင့်ဖြစ်သည်ဟု အမေရိကန် တာဝန်ရှိသူများက ပြောကြားခဲ့သည်။

ရုရှား နိုင်ငံခြားရေးဝန်ကြီးကမူ စာတမ်းတွင် ပါဝင်သည့် အကြောင်းအရာများအတွက် အလွန်မင်း စိတ်ပျက်ရကြောင်း၊ ရုရှားဆန့်ကျင်ရေးကို ရှေ့ရှုသော၊ ရန်လိုသော သဘောထားဖြစ်သည်ဟု ခံစားရကြောင်း ပြောကြားခဲ့သည်။

ထို့ပြင် စာတမ်းတွင်ပါဝင်သော စွပ်စွဲချက်များမှာ မဟုတ်မှန်ဘဲ မိမိတို့အနေဖြင့် အမေရိကန်နှင့် အပြုသဘောဆောင်သည့် ပူးပေါင်းဆောင်ရွက်မှုများ ပြုလုပ်ရန် အဆင်သင့်ရှိနေသည်ဟုလည်း ၀န်ကြီးဌာနက ထုတ်ပြန်သော ကြေငြာချက်တွင် ဖော်ပြထားသည်။

Ref: CNA