သောကြာနေ့ဝတ်ပြုမှုကို ဘာသာမတူသူများ လေ့လာနိုင်အောင် ကနေဒါမွတ်စလင်များ စီစဉ်ပေး

ဖေဖော်ဝါရီ ၄၊ ၂၀၁၈

M-Media

– အစ္စလာမ်သာသနာအပေါ် အထင်အမြင်လွဲမှားမှုတွေကို လျှော့ချဖို့အတွက် ကနေဒါနိုင်ငံ ဟာလီဖက်စ်မြို့က အွမ္မာဟ် ဗလီဝတ်ကျောင်းတော်ဟာ အသိပညာပေး လှုပ်ရှားမှုတစ်ခုကို အခုတ်တစ်ပတ် သောကြာနေ့မှာ ပြုလုပ်ခဲ့တယ်လို့ သိရပါတယ်။

ရာနဲ့ချီတဲ့ ပြည်သူတွေဟာ ဗလီဝတ်ကျောင်းတော်ကိုလာရောက်ကာ မွတ်စလင်တွေရဲ့ သောကြာနေ့ ၀တ်ပြုဆုတောင်းမှုကို လေ့လာခဲ့ကြပြီး အစ္စလာမ်နဲ့ပတ်သက်တဲ့ မရှင်းလင်းတဲ့အကြောင်းအရာတွေကို မေးမြန်းခဲ့ကြပါတယ်။

အွမ္မာဟ် ဗလီဝတ်ကျောင်းတော်ရဲ့ ဒီလှုပ်ရှားမှုဟာ ဖေဖော်ဝါရီ ပထမသီတင်းပတ်အတွင်း ကျရောက်တဲ့ ကမ္ဘာ့ ဘာသာပေါင်းစုံညီညွတ်ရေးလှုပ်ရှားမှု တစ်စိတ်တစ်ပိုင်းလည်း ဖြစ်ပါတယ်။

ရှေ့ဆောင်အီမာမ် အဘ်ဒဲလာ ယူဆရီက ပြည်သူတွေရဲ့ တုန့်ပြန်မှုဟာ အံ့သြစရာကောင်းခဲ့တယ်လို့ ပြောကြားခဲ့ပါတယ်။

“ကျွန်တော်တို့ တစ်ယောက်အကြောင်း တစ်ယောက် မရေလည်ကြဘူးလို့ ထင်ပါတယ်။ ဒါ့ကြောင့် တစ်ယောက်နဲ့တစ်ယောက် နားလည်မှုကို တိုးမြှင့်ဖို့ အရမ်းအရေးကြီးပါတယ်”

သူငယ်ချင်းတစ်ယောက်ရဲ့ ဖိတ်ကြားမှုနဲ့ ဗလီဝတ်ကျောင်းတော်ကို ရောက်ရှိလာတဲ့ ဒိုင်ယာနာ ဘန်းစ်က သူ့အနေနဲ့ ခရစ်ယာန်ဘုရားကျောင်း၊ ဂျူးဘုရားကျောင်းတွေကို ရောက်ဖူးပေမယ့် ဗလီဝတ်ကျောင်းတော်ကိုတော့ ပထမဆုံးအကြိမ် ရောက်ဖူးတာဖြစ်တယ်လို့ ဆိုပါတယ်။

“ဘုရားကျောင်းကိုသွားရင်တောင် ဒီလောက်များတဲ့ ၀တ်ပြုသူတွေကို တွေ့ရမှာ မဟုတ်ပါဘူး”

အွမ္မာဟ် ဗလီဝတ်ကျောင်းတော်နားမှာ နေထိုင်တဲ့ မာ့ဂ်ျကီလေးကလည်း ပထမဆုံး ဗလီဝတ်ကျောင်းတော်ကို ရောက်ဖူးတာဖြစ်ပါတယ်။

“အရမ်းကို စိတ်ဝင်စားစရာကောင်းပါတယ်။ ကျွန်မဆို သူတို့လှုပ်ရှားမှုတွေကို တစ်ချိန်လုံး လိုက်ကြည့်နေတာပါ”

အစ္စလာမ်ဘာသာဝင်တစ်ယောက်ဖြစ်တဲ့ ဖဒ်ဝါ အ၀ဒ်က ဒီလှုပ်ရှားမှုဟာ သူမရဲ့ ဘ၀တစ်စိတ်တစ်တစ်ပိုင်းအကြောင်း သူငယ်ချင်းတွေနဲ့ မျှဝေခွင့်ရခဲ့တယ်လို့ ပြောကြားခဲ့ပါတယ်။

“ကျွန်မတို့ ဘာသာတရားအကြောင်း သူတို့ ပျော်ရွှင်စွာ လေ့လာသင်ယူကြတယ်။ ကျွန်မတို့ ဘာတွေလုပ်လဲ၊ ဘာတွေပြောလဲဆိုတာကို သူတို့ ကြည့်ရှုခွင့်ရတယ်။ ဒါဟာ ကောင်းမွန်တဲ့ ကိစ္စတစ်ခုပါ” တက်ရောက်လာသူတွေကို ဗလီဝတ်ကျောင်းတော်က နေ့လည်စာနဲ့ တည့်ခင်းဧည့်ခံခဲ့ပါတယ်။

Ref : CBC