စစ်အင်အား ထုတ်ကြွားချင်သည့် ထရမ့်အစီအစဉ် ပြည်သူများ၏ ဝေဖန်မှုကို ခံနေရ

ဖေဖော်ဝါရီ ၈၊ ၂၀၁၈
M-Media

– အမေရိကန်ရဲ့ ပါဝါကို ထုတ်ပြဖို့အတွက် ၀ါရှင်တန်ဒီစီမှာ စစ်ရေးပြအခမ်းအနားပြုလုပ်ရေး ထရမ့်ရဲ့ ပြောကြားမှုကို အတိုက်အခံတွေနဲ့ ပညာရှင်တွေက ဝေဖန်လိုက်ပြီး စစ်ဘုရင် ‘နပိုလီယံပုံစံ ဖန်တီးနေတယ်’ လို့တောင် တုန့်ပြန်ခဲ့ပါတယ်။

တင့်ကားတွေ၊ စစ်သားတွေနဲ့ ချီတက်တာမျိုးလို ကြီးကျယ်တဲ့ စစ်ရေးပြအခမ်းအနားတစ်ခု လုပ်ဖို့ ဇန်န၀ါရီ ၁၈ ရက်နေ့က ထိပ်တန်းဗိုလ်ချုပ်တွေနဲ့တွေ့ဆုံစဉ်မှာ ထရမ့်က ပြောကြားခဲ့တာဖြစ်ပြီး တရုတ်၊ မြောက်ကိုရီးယားနဲ့ အရင်က ဆိုဗီယက်ပြည်ထောင်စုမှာ လုပ်တဲ့ပုံစံမျိုး အတုခိုးတာဖြစ်တယ်လို့ ဝေဖန်သူတွေက ဆိုပါတယ်။

“ဒါဟာ ကျွန်တော်တို့တိုင်းပြည်အတွက် တာဝန်ထမ်းဆောင်နေတဲ့ စစ်သားတွေ၊ စစ်သမီးတွေကို ဂုဏ်ပြုတာဆိုပြီး ဘယ်သူမှ ယုံကြည်မှာ မဟုတ်ဘူးလို့ ကျွန်တော် ထင်ပါတယ်။ ဒါဟာ လူတစ်ယောက်ရဲ့ အတ္တစိတ်ကို ဖြည့်ဆည်းပေးတာမျိုးပဲ ဖြစ်မှာပါ” လို့ ၀ါရှင်တန်ဒီစီ မြို့တော်ကောင်စီအဖွဲ့ဝင် ချားလ်စ် အေလန်က ၀ါရှင်တန်ပို့စ် သတင်းဌာနကို မနေ့မှာ ပြောကြားခဲ့ပါတယ်။

ဒီမိုကရက်တစ် အောက်လွှတ်တော်အမတ် ကိသ် အီလီဆန်ကလည်း ထရမ့်ရဲ့ ဒီညွှန်ကြားမှုဟာ “မြောက်ကြွကြွဖြစ်နေတဲ့ ခေါင်းဆောင်ဆီက ထပ်ပေါ်လာတဲ့ (အာဏာရှင်ဆန်ဆန်) ရူးနှမ်းတဲ့စိတ်ကူး” ဖြစ်တယ်လို့ ဝေဖန်ခဲ့ပါတယ်။

“နပိုလီယံရူးရူးနေသူတစ်ယောက် ကျွန်မတို့မှာ ရှိနေတာပါ” လို့ လွှတ်တော်အမတ် ဂျက်ကီ စပိုက်ဆာက ပြောကြားခဲ့ပါတယ်။

မသင့်တော်တဲ့အလုပ်

စစ်အင်အားထုတ်ပြဖို့ ဒီအတွေးဟာ ပြီးခဲ့တဲ့နှစ် ဇူလိုင်လက ပြင်သစ်ရဲ့ Bastelle Day မှာ အထင်ကြီးစရာ စစ်ရေးပြအခမ်းအနားကို ထရမ့်က သွားရောက်ကြည့်ရှုပြီးတဲ့နောက်ပိုင်း ပေါ်လာပုံရပါတယ်။

ပြင်သစ် အစောင့်တပ်ဖွဲ့တွေက မြင်းတွေနဲ့ ချီတက်လာပြီး တိုက်လေယာဉ်တွေက ၀ဲပျံနေတဲ့အချိန် သမ္မတ အီမန်နျူယဲလ် မာခရွန်က စစ်သုံးဂျစ်ကားတစ်စီးကို စီးကာ ရောက်လာတဲ့ ခမ်းနားတဲ့ မြင်ကွင်းကို ထရမ့်တစ်ယောက် မြင်ခဲ့ရတာပါ။

“ဇူလိုင် ၄ ရက်နေ့ရောက်ရင် ပင်ဆဲလ်ဗားနီးယား ရိပ်သာလမ်းမှာ ဒီလို ကြီးကျယ်တဲ့ စစ်ရေးပြအခမ်းအနားနဲ့ ကျွန်တော်တို့ရဲ့ စစ်အင်အားကို ထုတ်ပြဖို့ စဉ်းစားနေပါတယ်” လို့ ထရမ့်က ပဲရစ်ကပြန်လာပြီး လအနည်းငယ်အကြာမှာ ထုတ်ပြောခဲ့ပါတယ်။

စစ်ရေးပြအခမ်းအနားကို အမေရိကန်မှာ သိပ်မလုပ်ဘဲ နောက်ဆုံးတစ်ခေါက်လုပ်ခဲ့တာက ပင်လယ်ကွေ့စစ်ပွဲအပြီး ၁၉၉၁ ခုနှစ်မှာ ဖြစ်ပါတယ်။ အဲဒီတုန်းက ကန်ဒေါ်လာ ၈ သန်းလောက်ကုန်ခဲ့ပြီး ဒီနေ့ခေတ် ဒေါ်လာဈေးနဲ့ဆိုရင် ပမာဏ ပိုပြီးများပြားမှာပါ။

“သမ္မတကို ပျော်တော်ဆက်ဖို့ ပိုက်ဆံဖြုန်းတဲ့ ကိစ္စတစ်ခုပါ” လို့ အထက်လွှတ်တော်က ဒီမိုကရက်အမတ် ဒစ် ဒါဘင်က ပြောကြားခဲ့ပါတယ်။

ထရမ့်ကို ထောက်ခံသူတွေကတောင် ဒီကိစ္စကို သဘောမတူပါဘူး။

ရီဘက်ဘလစ်ကန် အထက်လွှတ်တော်အမတ် လင်ဆေး ဂရေဟမ်က ဒီလိုစစ်ရေးပြအခမ်းအနားမျိုးဟာ အဓိပါယ်ရှိပေမယ့် ဆိုဗီယက်ပုံစံ စစ်လက်နက်ပစ္စည်းတွေ ထုတ်ပြတာမျိုးတွေတော့ မနှစ်သက်ဘူးလို့ ဆိုပါတယ်။

လူလည်ထရမ့်

ထရမ့်ဟာ အမေရိကန်စစ်တပ်အပေါ် အားပေးထောက်ခံကြောင်း မကြာခဏ ပြောကြားလေ့ရှိပြီး ထိပ်တန်း ဗိုလ်ချုပ်တွေကို အိမ်ဖြူတော်နဲ့ အစိုးရအဖွဲ့ ထိပ်တန်းရာထူးပေးတာမျိုးတွေလည်း လုပ်ပါတယ်။

အိမ်ဖြူတော် ပြန်ကြားရေးတာဝန်ရှိသူ ဆာရာ ဆန်းဒါးစ်က ထရမ့်ရဲ့ စစ်ရေးပြစိတ်ကူးဟာ စစ်တပ်ကို ချီးမြှောက်ချင်တဲ့ ရည်ရွယ်ချက်ဖြစ်တယ်လို့ ဆိုပါတယ်။

ပြီးခဲ့တဲ့တစ်ပတ် သူ့ရဲ့ နိုင်ငံတော်အခြေပြမိန့်ခွန်းကို မထောက်ခံတဲ့ ဒီမိုကရက်တွေဟာ ‘မျိုးချစ်စိတ်မရှိသူတွေ’ ‘နိုင်ငံတော် သစ္စာဖောက်သူတွေ’ အဖြစ် ထရမ့်က သမုတ်ခဲ့ပြီးတဲ့နောက် သူဟာ အာဏာရှင်ဝါဒကို ကြီးထွားအောင် လုပ်နေသလားဆိုတဲ့ စိုးရိမ်မှုတွေ ရှိလာခဲ့ပါတယ်။

အိမ်ဖြူတော်က ထရမ့်ရဲ့ ဒီစကားတွေဟာ နောက်ပြောင်ပြောဆိုတာသာဖြစ်တယ်လို့ ထုတ်ပြန်ပါတယ်။

အီရတ်မှာ တာဝမ်းထမ်းဆောင်စဉ် ခြေထောက်နှစ်ဖက်လုံး ဆုံးရှုံးခဲ့တဲ့ စစ်မှူးထမ်းဟောင်း ဒီမိုရက်အထက်လွှတ်တော်အမတ် တမ်မီ ဒက်သ်ဝေါ့သ်က ထရမ့်ရဲ့ ဒီမှတ်ချက်တွေကို ရှုတ်ချခဲ့ပါတယ်။ ဒါ့အပြင် ဗီယက်နမ်စစ်ပွဲရှောင်ဖို့ ထရမ့်က ခြေထောက်နာတယ်ဆိုပြီး အကြောင်းပြခဲ့တာကိုလည်း သူက ထောက်ပြခဲ့ပါတယ်။

“ကျွန်မတို့ဟာ အာဏာရှင်စနစ်၊ ဘုရင်စနစ်အောက်မှာ နေထိုင်နေတာ မဟုတ်ပါဘူး။ စစ်တပ်မှာ၊ လွှတ်တော်မှာ အမေရိကန်ပြည်ထောင်စုရဲ့ အခြေခံဥပဒေကို ကာကွယ်မယ်၊ စောင့်ရှောက်မယ်၊ ထိန်းသိမ်းမယ်လို့ ကျွန်မ ကျမ်းကျိန်ထားတာပါ။ ‘ခြေထောက်နာတဲ့ ဗိုလ်လောင်း’ ရဲ့ စိတ်ရူးပေါက်တဲ့အတိုင်း လျှောက်လုပ်ဖို့၊ သူ သြဘာပေးခိုင်းတိုင်း သြဘာပေးဖို့ မဟုတ်ပါဘူး”

Ref: Aljazeera